Lukashi 16:22 - Ibibiliya mu Shimakonde Imbodi Yaambi na dimbande dya Imbodi Yakala

²² Napanelo mmashikini aju kupela, vanjelo vake Nnungu kuntwala kumuukanavo kumwe Abulaamu; nanae ntajili kupela kutwala kunshika.

Lukashi 16:22 Referans Kwoze

I Patulu 2:24

Nae jo mwene andilitika mumili mwake madambi etu panshalaba kwambangidya tupele kwamadambi na tuname kwaishaliya; kwaindila yavilonda vyake, mwenu mundipona.

Maono 14:13

Napanelo kuwa ko lindíigwinika lidi liishidoni, “Andika! Vandyalaligwa avalá valóta kupela nkati mumwe Umu kutunduvangila ambi apa kuka mushu.” Imumu ankushidoni, “Elo, vanavo vandapumula shimadengo shave shadimongo mwaa vyepo vyashimadengo shave, vindavoda.”

Tiyagu 1:11

liduva lindáuma, palinavala namene po, maukutu andajuma kutwala dinduva kupakatika na kwalala kwake ko, kutimbikanga. Nimumo momo ntajili andatimbikanga pakati pashimadengo shake.

Nshuwau 13:23

Napane andíikala pepi-pepi namu nae po pandamu nkwóda wake jumo aijá washinnagwaledya namene Yesu.

Malukushi 8:36

Da munu alota kupata wambone shani akapata shilambo uti kutwala kukatoka shingumi shake?

Vabalaniya 1:14

Da vanjelo uti havanava shinu dimumu ditumíka na ditumígwa pakulota divatumike avalá valóta kupata maleko akwambolegwa?

Mateu 24:31

Muwakati wowo nae andavatumidya vanjelo vake vaditalumbeta dyakuma namene vauke vakavatwalange vakutandalegwa vake mudisemu nsheshe dyamushilambo kutunduvangila nkono unji wakuwa ndamalilila nkono unji.

Mateu 18:10

“Lilaledye kwambangidya hamunamwiludyange ata ndyoko jumo pakati pavadyoko ava! Nangu ninkumwaulila doni, vanjelo vave kuwa ko, ngwengwe vankwonana namu Atata ávele kuwa.

Vabalaniya 2:14

Doni, pakuva vana ava vankuvanavo mavalelo ashimunu, nanae momo andíliinjidyanga mumavalelo ashimunu pakulota kwaindila yakupela, andime aijá ávenavo lyululilo lyakupedya yani Ndamoni;

Nshuwau 21:20

Napanelo Patulu akashiliuka kutwala kumwona aijá nkwóda washinnagwaledya namene Yesu amwoda. Aju avele aijá e atapíle muwakati wavashilya shakulya shashilo na amuudídye Umu doni, “Nyani álota kukulimya?”

Lukashi 12:20

Kanji Nnungu kushidoni, ‘Wako undipungukanga! Shilo sho shanelo ashi ndakupoka ungumi wako! Panikupoka po, kushi vinu vyaukandyenge vyo, vyanyamani?’

Mateu 8:11

Nangu ninkumwaulila, vandaaloka vanu voe nkono wakwalyalakela liduva na wakwalyenda liduva kwida ndaikala namu Abulaamu, Ishaki namu Yakobo pandamu muutawala wakuwa

Lukashi 16:21

Nae ashindalota alye dyangenga díshigwilangila pai pandamu wantajili, ata vang'avanga vashinannamba muvilonda.

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.