Lukashi 16:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Yesu kutwala kushidoni, “Mwenu ni mmanu múlivika kuva vaishaliya kwavanu kanji Nnungu andimanya mitima vyenu. Vinu vyavona vanu kuva vyamana, Nnungu pake po ona kuva vyakudabukanga.

Lukashi 16:15 Referans Kwoze

I Vakolintu 4:5

Nadoni hamunaukumu wakati ukanava, do Umu akanava kwida. Nae andavika palangele vilipiídye mushii na kulyumilidya ngala makumbukililo ammitima. Bai apo kula munu andapata lutumbyango lwake kwa Nnungu.

Vitendo 15:8

Nnungu ámanyite mitima vyavanu, andivaumidya vanavo ushuda pakuvapa Imumu Wanashwe kenga mo mwatupalalele wetu.

I Patulu 3:4

leka apo, inimmaikila mulinemye mmitima vyenu kunema kúkatimbikanga nkati mwimumu yaupole na yakutulila ivénavo mana makumene namene kwaupande wake Nnungu.

Lukashi 11:39

Kanji Umu kushidoni, “Mwenu mmapalishayo muukanga diwene na midamu panda gweka kanji nkati mo mundyumbalanga kushonda na ukalau.

Lukashi 10:29

Kanji mwalimu wadishaliya pakulota alilodye kuvanavo ishaliya andímudya Yesu doni, “Shapo na nyangu jo ni wakwashi kavili?”

Maono 2:23

Ndavamalidya vana vankongwe aju. Nadoni maganisha uti andamanya do, nangu ni nalalyanga ntima pamo na makumbukililo, namomo nannipa mwenu kwodana na matendo enu.

I Patulu 5:5

Nimumo momo mwenu mmanemba livike mwina mwavanang'olo. Mwenu uti gwala kulishapeya pakulota muulule kutumikana mwaa “Nnungu ankuvapinga vakulyona ila ankuvapa umonyo vakulishapeya.”

Valoma 3:20

mwaa kwaindila yashimadengo shalilamulo hapali álota kuvalangiligwa kuva ishaliya pamevo pake pakuva kwaindila yalilamulo inkutadya lidambi limanyike.

Nshuwau 2:25

Nae hashilota munu aumye ushuda wamunu mwaa andimanya shivéle muntima wamunu.

Mateu 23:5

“Vovo vo kula shinu shavatenda, ava mandole kwavanu. Ni ashi shivatádya vatumbudye vidingo vyave vyavalyunga na valapeye mapepe adikanju dyave!

Lukashi 18:21

Nae kushidoni, “Nangu malamulo ala ngutandandidyé kutunduvangila kushidyoko shangu.”

Lukashi 18:11

Mpalishayo aju andíimila kutwala kushwali shintimatima doni, ‘Nnungu, ninkukulambwalela mwaa hanguvele kenga vanji; vakwiva, vakushonda, vaungave-ishaliya, vakulavalava na ata hanguvele kenga munu aju nkúkatisha-ukodi aju.

Vitendo 1:18

Mwenu, munu aju andíshuma lyutu kwapaida yashitendo shaungave-shaliya; palyutu lyolyo lyo, nae andígwanga kutwala kutumbuka utumbu kupushuka.

Lukashi 20:47

na vapita vavalyangila vanamwili vyavo valishang'apila kuva vanu shii vatenda delee, pakushwali. Vovo vo, vandapata ukumu yakujowa kupunda apo.”

Lukashi 20:20

Napavedoni vanavo vandítunduvanga kumwodaoda. Vandívatumidya vanu valitende kenga vanu shii kumbe vàvele vyaleko pakulota vampatikaniange mulilove lyakuma nkanywa mwake vakankamudye kumadalaka na utawala umwe gavana.

Mateu 6:16

“Napanelo pamunga hamunalilodye kuva mushipalodi kenga mwavatandela vanu vamalambi. Vanavo vandányadyanyadyanga kumevo valilodye kwavanu kenga vandyunga. Ninkumwaulila mwiu doni, vovo vo tayali vandipata inudyo yave.

Mateu 6:5

“Napanelo pamushwali hamunave kenga avalá vanu vamalambi. Vanavo kuvanagwela kushwali vaimidile muvitala vyakulipudidya na nanyenje dibalabala pakulota vaaneke kwavanu. Ninkumwaulila mwiu doni, vovo vo tayali vandipata inudyo yave.

Mateu 6:2

Napavedoni paumya lipwashalelo haunaambele lipalapanda kenga mwavatandela vanu vamalambi muvitala vyakulipudidya na mudibalabala valota vapate lishangelo kwavanu. Ninkumwaulila mwiu doni vanavo tayali vandipata inudyo yave.

Nshuwau 21:17

Kutwala kumudya mwanda wantatu, “Simoni mwanagwe Nshuwau, da wako unkungunagwaledya?” Patulu shindímwida shipalodi kwamwaa wakumudya mwanda wantatu doni, “Da wako unkungunagwaledya?” Napanelo anínjang'ula do, “Umu, wako undimanya vinu uti na undimanya kenga nangu ninkukunagwaledya.” Yesu kushidoni, “Valishe vangandolo vangu.

Lukashi 18:9

Nae kavili kukong'a nkong'o avaulila vanu váshilikulupila vo vene valyona kuva vaishaliya vavailudyanga vanu vanji:

Lukashi 18:14

Ninkumwaulila doni, nkúkatisha-ukodi jo andyúja kuka kukaja Nnungu àmpele ishaliya kanji mpalishayo jo, ng'odo. Mwenu, munu álitumbudya, Nnungu anantaa dyoni kanji álijandya, Nnngu anantumbudya.”

Vitendo 1:24

Kutwala apo vandíshwali vaashidoni, “Umu, wako úmanyite mitima vyavanu uti tulodya wauntandwele pakati pavanu vavili ava

Valoma 8:27

Napane aijá álalyanga mitima, nae ankumanya ding'anong'ano dya Imumu pakuva Imumu ankuvajugwangila vakwilimyanga kwodananavo malotelo ake Nnungu.