Lukashi 16:11 - Ibibiliya mu Shimakonde Imbodi Yaambi na dimbande dya Imbodi Yakala

¹¹ Shapo pakushi mwenu hamunakulupilika shinu mumali aungave-ishaliya, nyani álota kunkulupila muumwiu?

Lukashi 16:11 Referans Kwoze

Lukashi 12:33

Shulushanga uti vyamuvenavo njuluku wo, muvape vamashikini! Likandyangidye mapeta ákapapukanga na mali ákapunguka kuwa; kwanavo nkwíva hanapita na ushwa haupali.

Tiyagu 2:5

Igwa mmanung'unumunu mmakunagwaleka, da Nnungu havatandwele vamashikini pamevo pavanu vamushilambo pakulota vave matajili nkati mulikulupililo na vapate maleko autawala walivikidile nae kwa avalá vannagwalédya?

Vaepeshu 3:8

Ata ikava kenga nangu nindyoko-uti pakati pavakwilimyanga, vaningupa umonyo au wakuvavalangangila vamidi mali akwinjipika amwe Klistu

Lukashi 18:22

Yesu paigwite malove alo andímwaulila doni, “Shindikwijalila shinu shimo. Shulusha vyauvenavo uti, njuluku wo uvajavile vamashikini; undavanavo mali kuwa na wide ungwode.”

Lukashi 16:9

“Nangu ninkumwaulila doni, panga dimbodi kuwa mutumila mali aungave-ishaliya pakulota mushu mo akamalilika, vanavo kuwa ko, vampwashalele.

Maono 3:18

Napavedoni ninkukulingula wide kwangu ushume vinu avi: shaabu ipitidíle pamoto pakulota uve utajili, dinguvo dyanashwe ugwale pakulota dyoni dyawou wako hadinaaneke na ntela upake mevo ako pakulota ulole.

Mateu 6:24

“Hapali munu wakuulula kuvatumikila vanang'olo vavili. Jumo anammangedya, junji jo kunnagwaledya; jumo kumwigwilila, junji jo kumwiludyanga. Mwenu hamuulula kuntumikila Nnungu akuno mutumikila mali.

Lukashi 16:12

Ikava kenga hamunakulupilika shinu muvinu víkave vyenu, nyani álota kumupa vyenu mmene?