Lukashi 15:2 - Ibibiliya mu Shimakonde Imbodi Yaambi na dimbande dya Imbodi Yakala

² Kanji mapalishayo pamo namu vamwalimu vadishaliya kuntangadikanga vaashidoni, “Kumanya dashi, munu aju kuvapwashalela vakutega na kulyanavo!”

Lukashi 15:2 Referans Kwoze

Mateu 9:11

Mapalishayo pavagwene davo kutwala kuvaudya vakwoda vake, “Mwaa shani mwalimu wenu alya na vakukatisha-ukodi pamo na vakutega?”

Lukashi 19:7

Kutwala vanu uti pavagwene davo kutangadikanga vaashidoni, “Kumanya dashi kulitenda shijeni kwankútega!”

Lukashi 7:39

Napanelo mpalishayo aijá annalike Yesu akone davo, andítangola shintimatima aashidoni, “She! Aju leka àvele nkúlava mwiu, shi akanimmanya nkongwe ánkamulanga aju; nkongwe aju, nkùtega!”

Lukashi 5:30

Napanelo mapalishayo pamo na vamwalimu vave vadishaliya vashindavatangadikanga vakwoda vake Yesu vaashidoni, “Mwaa shani munkulyanavo vakukatisha-ukodi na vakutega?”

Vitendo 11:3

vaashidoni, “Kumanya dashi wako kulitenda shijeni paing'ande yavanu vákakumuligwe na kulyanavo ndamu umo?”

Lukashi 7:34

Kwida Mwana Wamunu álya na ákumbila mwenu muushidoni, ‘Nnole munu wakululuka, lilevi, njave vakukatisha-ukodi na vakutega.’

Vagalata 2:12

Mwaa vanu vanji vakwalakela kumwe Tiyagu vakanava kuwika, nae ashindalya na vamidi. Napane pavawikile vanavo, Kepashi andílyapula kutwala kulyumadyanga avajopa avalá váshishililidya likumbi.

Mateu 11:19

Andida Mwana Wamunu alya na akumbila, mwenu muushidoni, ‘Nnole munu wakululuka na lilevi, njave vakukatisha-ukodi na vakutega.’ Kanji napane limanyilo lyake Nnungu linkulilodya kuva lyashaliya nkati muvitendo vyake.”

Lukashi 15:3

Nadoni Yesu andívakang'ela nkong'o au,

I Timoti 1:15

Shitangodi ashi ni shakukulupilika na shindivaikila shiitikiligwe: doni, Klistu Yesu andida mushilambo ndavaambola vakutega, pakati pavakutega avo, nangu po, ni ngumamadidye.