Lukashi 13:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Anímmikila makono, nkongwe jo kuudukinneu kutwala kumupa lishangelo Nnungu.

Lukashi 13:13 Referans Kwoze

Malukushi 16:18

vandakamula dinyoka kwali vakakumbila ishumu, hashipali shilota kuvatandeka, vandavavikila makono valwele kutwala vanavo kupona.”

Malukushi 5:23

kunjugwangila namene aashidoni, “Mwanangu nkongwe ndikidiki nnwele, ninkunnalela po pantima apa! Nadoni ninkukujugwa tuke ukammikile makono kwambangidya apone na ave mumi.”

Malukushi 8:25

Yesu kummika kavili makono kumevo nae akuno alola ndoo! Munu jo kupona vinu uti kwona shana.

Malukushi 6:5

Nae popo po haimmaikidile kutenda makango ila andívavikila makono valwele padyoko kutwala kuvaponia.

Lukashi 4:40

Napanelo liduva palishwele vanu uti ve vavénavo valwele vavilwele vyakuvilingananga vashindavaidanavo kumwe Yesu. Nae ashinammikila mikono kula munu kutwala kuvaponia.

Vitendo 9:17

Nadoni Ananiya andyúka paing'ande apo kwinjila nng'ande kutwala kummikila makono Saulu aashidoni, “Nung'unumunu Saulu, Umu Yesu ákuumililidile niindila wida akuno, aningutumidya kwako wako pakulota uujile kulola na uumbaligwe na Imumu Wanashwe.”

Lukashi 18:43

Munu jo muwakati wowo kulalenneu kutwala kumwoda Yesu apita amupa lishangelo Nnungu. Bai vanu uti vakone shitendo asho vaníntumbyanga Nnungu.

Mateu 9:8

Bai imbumba yavanu paigwene shitendo asho vandíjopa namene kutwala kumupa lishangelo Nnungu ávapele vanu madalaka ainamuna ai.

Lukashi 13:12

Yesu akamwone anínshema kutwala kushidoni, “Namwana, undyambolegwa mushilwele shako!”