Lukashi 12:42 - Ibibiliya mu Shimakonde Imbodi Yaambi na dimbande dya Imbodi Yakala

⁴² Umu kushidoni, “Da wakwashi wavankamudidye wakukulupilika na wading'ano wammikile nang'olo wake kuva nanangalaledi wapaing'ande pake wakuvapa vamadengomwagwe shakulya muwakati uvaikidíle?

Lukashi 12:42 Referans Kwoze

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

Vabalaniya 13:7

Vakumbukile vananangalaledi venu vammalangangidíle lilove lya Nnungu, mulaledya namene shana vyepo vyashinamidyo shave mutwale mujedye likulupililo lyave.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

I Timoti 5:17

Avalá vanang'olo valangalaléla shana, vandivaikila vapate ishima ing'umene kupunda namene avalá vakóla madengo akuvalanganga lilove na kupundisha

I Patulu 4:10

Kwodananavo shajo shapatile kula munu, inimmaikila mutumile kwakutumikana kenga wavankamudidye mmambone mmaumonyo wake Nnungu ulilódya mudinamuna dyakuvilingananga.

Titu 1:7

Mwaa nkúlaledya kenga munu wavankamudidye vyake Nnungu indivaikila ave ákave likosha, i wakulyona, i wadinyang'unyang'u, i wakwambalwa, i wakukanyola kwali ávikila liu lukwinyango.

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Mateu 20:8

“Napanelo paiwikile yalyulo aijá mwene lishamba andímwaulila mmádengo wake áshikondya njuluku kushidoni, ‘Vashamange vamadengo uti uvalipe njuluku wave uvatunduvangila vamwisho uvamalilila vatandi.’

Vabalaniya 3:5

Doni, Musha andíkulupilika mwing'ande uti ya Nnungu kenga ntumika áumya ushuda wa avilá vilóta kutangaleka wakati wamushu;

I Timoti 3:15

ila nikakakova umanye mwashi mwakunamila munu nng'ande mwa Nnungu lìvele liganisha lya Nnungu mumi, libodo na shitunduvangilo shaumwiu.

Lukashi 7:13

Umu akamwone namwili jo andímwanangila shididi kutwala kushidoni, “Haunalile.”

Mateu 13:52

Nae kuvaulila kushidoni, “Doni napanelo kula mwalimu álitandile nkwóda wautawala wakuwa ankuva mwatatamunu wapaing'ande áumya mulipeta mwake vinu vyaambi na vyakala.”

Lukashi 7:19

Nshuwau akaigwe, andívashema vakwoda vake vavili kuvatuma kumwe Umu vakamudye doni, “Da wako ni gwegwe watukulindila kwida kwali tunnindile junji?”

Lukashi 12:43

Andijaligwa ntumika walota kunkodya nang'olo paida atandedya momo.