Lukashi 12:26 - Ibibiliya mu Shimakonde Imbodi Yaambi na dimbande dya Imbodi Yakala

²⁶ Ikava kenga vinu vidikidiki nyenda avi vinkunnema kutandedya, mwaa shani munkwangaikangila vinji?

Lukashi 12:26 Referans Kwoze

I Patulu 5:7

munjalela nae mangaikangilo enu uti mwaa nae ankumwangaikangila mwenu.

Lukashi 12:29

Mwenu hamunalambele shakulya na ata shakukumbila. Hamunajugulange.

Mateu 6:25

“Napavedoni nangu ninkumwaulila hamunaangaikangile shingumi shenu kwa ashilá shamulota kulya kwali shamulota kukumbila na ata mili vyenu kwa ashilá shakulota kugwadya. Da shingumi i shinu shikumene kupunda shakulya na mili i shinu shamana kupunda dinguvo?

Lukashi 12:25

Apali munu pakati penu ánaulula kwangangola kula shinu, ávele tayali kwanjadyedya padyoko vela shingumi shake?

Lukashi 12:27

Lola shana maukutu adinduva mwakulumukila mo; vyanavo havinakola madengo, havinalikandyangidya dinguvo kanji ninkumwaulila doni, Shalomoni na lishangelo lyake uti hagwalidile kupunda vyanavo.