Lukashi 12:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Kutwala kwaulila imbumba yavanu kushidoni, “Lilaledye! Lishunge kwaing'ano yaliu mwaa shingumi shamunu hashivele muumbala wavinu.”

Lukashi 12:15 Referans Kwoze

Vabalaniya 13:5

Shinamidyo shenu hashinave shakunagwaledya njuluku ila puwangila ashilá shamuvenavo mwaa jo mwene Nnungu ankushidoni, “Mwiko handikuleka, mwiko handikwambukanga.”

II Timoti 3:2

Mwaa vanu vandava vakulinagwaledya vo vene, vakunagwaledya njuluku, vakulitumbyanga, vakulyona, vakwabola, vákavaigwilila vatatamunu, vákalambwalela, vákanjopa Nnungu,

Lukashi 16:14

Bai mapalishayo vanu vakunagwaledya njuluku pavaigwite malove ala, vandímwiludyanga.

Vakoloshu 3:5

Nadoni nkati mwenu, pedya uti avilá vyashimunumunu; kulavalava, ushapu, ditamaa, malotelo aukalau na ing'ou, ako ni kulipudya kwavyakushang'apa.

Lukashi 8:14

Igwilidíle panashilanga inkwitika kuva vanu vaigwilíla lilove lya Nnungu kanji vakaikalanga, mangaiko, mali na ditama dyashinamilo kuvatita dimumu kutwala vyepo vyavo mene kukamala.

II Patulu 2:3

Kwalung'unuku lwave, vanavo vankuvashonda vanu vatumila maimyo akubuni vo vene. Kwavanavo, ukumu ikandyangígwe tangu kala, haididimanga; kubamalegwa kwave ko, hakudidimanga.

Malukushi 7:22

liu, ukalau, ushwang'a, kutaduka, ing'ou, kwabola, kulyona na imbeve.

I Vakolintu 6:10

ata vakwiva, ata vashojo, ata vakwambalwa, ata vakung'wenya na ata vakukwinyanga, havapata maleko autawala wa Nnungu.

Lukashi 21:34

“Lishunge! Hamunaleke mitima vyenu viidapelwa kwambalwa na ulevi na mangaikangilo ashinamidyo ashi kutwala liduva alyo kunkodya shingangala kenga ntego

II Patulu 2:14

Mevo ave andyumbala kulavalava ákadoba kutenda lidambi. Vanavo vankuvashomba avalá vákananwepe muungumi. Mitima vyave vindilipanganianga kwalung'unuku. Vovo vo ni vana vakulanigwa.

Lukashi 12:16

Akavakang'ela apalá nkong'o au, “Munu jumo ntajili andílagwedya namene mulyala lyake.