Lukashi 11:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Bai ikava kenga mwenu mmanu mmakalau munkumanya kujaula vinu vyambone kuvapa vanavenu, Atata nimpomo nae kuwa ko, ananjaula Imumu Wanashwe kuvapa avalá vanjúgwa.”

Lukashi 11:13 Referans Kwoze

Mateu 7:11

Ikava kenga mwenu pamo na ukalau wenu munkumanya kuvapa vanavenu vyambone, kushi Tatagwenu ávele kuwa hamamodya kuvapa vinu vyambone avalá vanjúgwa?

Nshuwau 4:10

Yesu akanjang'ula kushidoni, “Wako leka ùmanyite inudyo ya Nnungu na ùmmanyite aijá átangola doni, ‘Ngupa medi ngukumbile,’ ukaninjugwa nae na nae akandikupa medi ashingumi.”

Valoma 8:32

Aijá ákammikidile shitete Mwanagwe kanji aninkamudya kwamwaa wetu uti, napane haulula kutupa vinu uti monyo pamo namu nae?

Vitendo 2:38

Patulu kushidoni, “Lijugulange na kula munu apate ubatisho palina limwe Yesu Klistu kwakulivalivigwa kwamadambi enu na mundapata inudyo ya Imumu Wanashwe.

Mateu 6:14

“Mwaa mukavalivaliva vanu kupujungula kwave, nanae Tatagwenu ávele kuwa anannivaliva mwenu.

Mateu 6:32

Doni, vinu avyo uti vamidi ni vaangaikangíla. Tatagwenu wakuwa ankumanya kenga uti avyo mwenu munkulota.

Lukashi 11:2

Yesu kushidoni, “Mukalota kushwali, kaashidoni, “ ‘Atata, lina lyako liilimyangike. Utawala wako wide.

Mateu 6:30

Napane ikava kenga maukutu amumwitu anáma jo nelo lunduno kujela pamoto Nnungu ankunnemya, kushi mwenu mmanu mmalikulupililo lidikidiki hannemya kupunda apo?

Mateu 5:45

pakulota muve mmana mmatatagwenu ávele kuwa. Mwaa nae vanu vakalau na vambone, liduva lyake ankuvavalila na vo vanu vaishaliya na vaungave-ishaliya vo, imbula ankuvatanyela.

Mateu 5:16

Nadoni inimmaikila lilangadyo lyenu limulike pakati pavanu pakulota vone matendo enu ashalowa na vamupe lishangelo Tatagwenu ávele kuwa.

Valoma 7:18

mwaa ndimanya kenga hashipali shambone shipagwíte nkati mwangu yani mushimunu shangu. Doni, ashilá shililódya kuva shambone ninkulota ngutende kanji hangunaulula shinu kutenda

Valoma 5:17

Napanelo ikava kenga kwamwaa wakupujungula kwamunu jumo kupela kunditawala kwaindila yamunu ajo, kupunda namene avalá vapáta kuumbaligwa kwaumonyo na inudyo yaishaliya, vanavo vandatawala mushingumi kwaindila yamunu jumo, Yesu Klistu.

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.

Lukashi 11:12

kwali akanjugwa lii nae kumupa shinila?

Lukashi 18:7

Kushi Nnungu vakutandalegwa vake vannamadikíla shilo na mui vo, havapa ishaliya? Mwona kenga andatimatimanga kwavanavo?