Lukashi 10:2 - Ibibiliya mu Shimakonde Imbodi Yaambi na dimbande dya Imbodi Yakala

² kuvaulila kushidoni, “Mapuno avelé oe napane vamadengo vavelé padyoko nadoni njugwe mwene mapuno avatumidye vamadengo vanji mumapuno ake.

Lukashi 10:2 Referans Kwoze

I Vateshalonika 5:12

Napanelo mmanung'unumunu ninkunjugwa muvaishimu avalá vakóla madengo pakati penu, vo vannangalaléla nkati mumwe Umu na vandúma.

Malukushi 16:15

Napanelo Yesu andívaulila doni, “Wena mushilambo uti mupita mummalangangila kula munu ntenga wambone.

II Timoti 4:5

Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.

II Vateshalonika 3:1

Kumwisho akuno mmanung'unumunu, tushwalidya wetu pakulota lilove limwe Umu lyandavale shipajelo na lipate ishima kenga mwaitandakadile pakati penu

Malukushi 13:34

Inkulinganana na munu ávenavo mwanda. Panauma pang'ande pake avapele madalaka vatumika vake kula munu na madengo ake anánnamulila nkúshunga-nnango ave mevo.

I Timoti 4:10

Ni ashi shitádya wetu tukole madengo akupwateka na tulikanyalidye pakuva tundivika lilindilililo lyetu kwa Nnungu mumi ávele Mwamboli wavanu uti kupunda namene kwavakukulupila.

Vitendo 22:21

Kanji Umu kushidoni, ‘Wako uma mwaa nangu ngulota kukutumidya kushu namene kwavamidi.’ ”

Vitendo 20:28

Nadoni lishunge mwemwe mmene na shunga shipinga shavangandolo uti shankamudidye Imumu Wanashwe muve mmakulaledya vake kwambangidya mushunge liganisha lya Nnungu lyapatile kwaindila yamyadi vyake jo mwene.

Vitendo 13:4

Napanelo vanavo vàtumigwe na Imumu Wanashwe, vandyálela mpaka pa Selushiya, apo kukwela mwingalava kuka mpaka pashitingi sha Kupulu.

Vitendo 13:2

Muliduva limo vakwoda uti valipudya kumwe Umu na vàvele mukunga, Imumu Wanashwe andívaulila kushidoni, “Mwapule Balinaba namu Saulu vauke vakakole madengo anivashamadile.”

Vitendo 11:19

Napanelo vakwoda vakajaikanange mwaa wakupapatigwa kuumilidíle ling'oto lyakumpedya Shiteva, vanji vandíwika mpaka ku Poiniki kutwala vanji mpaka ku Kupulu na vanji kavili mpaka ku Antiyokiya. Kanji mwavashipita mo, lilove lya Nnungu vashivavalangangila vayuda gweka bai.

Vitendo 8:4

Napanelo avalá vamwadilikanénge vashindauka vavalanganga lilove.

Lukashi 9:1

Napanelo Yesu andívashema avalá kumi na mbili kuvapa dimongo na madalaka akulamulilila majini uti na akuponedya vilwele

Malukushi 16:20

Bai vakwoda vake vandyúmananga kuka vavalanganga ntenga wambone mumautu uti, Umu avapwashela na alodya ntenga awo kuva wiu kwamwaa wavimanyikilo víshoodana na ntenga awo.]

Mateu 20:1

“Mwaa ivé doni, utawala wakuwa uvelé mwatatamunu áumile paing'ande pake lyamba linyeiku kuka ndavalambela vamadengo vakulima mulishamba mwake.

Vapilipo 2:25

Kanji napane ndyona do, indivaikila nintumidye kwenu mwenu Epapoloditu, mwanetu, mmádengomwangu na mwing'ondomwangu, jo wamuntumile mwenu na ntumika wa avilá vyangulota nangu

Vapilipo 2:21

Vanji uti vaangaikangila vyave i vimwe Klistu Yesu.

I Vakolintu 12:28

Ivédoni, muliganisha Nnungu andivavika shitandi vamyombe, shambili vakulava, shantatu vamwalimu kwatika vatandédya vyamakango, vavénavo vyajo vyakuponia, vyakupwashela, vyakulangalalela na vyadinangodi dyakuvilingananga.

Vakoloshu 1:29

Kwashabaa ai, ninkukola shimadengo shakupwateka ngulikanyalidya kwodananavo shimadengo shake shikóla namene madengo nkati mwangu na dimongo.

Vapilipo 2:30

mwaa nae andípela kwashimadengo shimwe Klistu alimyanga shingumi shake pakulota awishe popo ashilá she shibakidíle mukutumika kwenu kwangu nangu.

Vabalaniya 3:6

kanji Klistu andikulupilika kenga mwana ávenavo madalaka amwing'ande uti ya Nnungu. Napane ing'ande yene yo, ni wetu ikava kenga tundashunga kwadimongo kukulupila kwetu na alilá lilindilililo lyatulitumbyangidya.

I Vateshalonika 2:9

Takumbukila shana mmanung'unumunu shimadengo shetu shakupwateka na kulikanyalidya kwetu shilo na mui pakulota hatunave ligogo kwamunu woewoe patushimmalangangila ntenga wambone wa Nnungu.

Vakoloshu 4:12

Epapalashi mwenentete mwenu na ntumika umwe Klistu Yesu, nanae momo ankuntumidya nandele. Nae ngwengwe ankulikanyalidya mukushwali kwaupande wenu mwenu pakulota mwimile mùudile na mùliikinidye mumalotelo uti ake Nnungu.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

Pilemoni 1:1

Paulu, nkúngwa kwamwaa umwe Klistu Yesu pamo namu nung'unumunu Timoti, kumwe Pilemoni mmádengomwetu wakunagwaleka

Maono 2:1

“Njelo waliganisha lya ku Epeshu mwandikile, ‘Ala ni malove amwe aijá ányukete dinondo saba munkanakono wake na jojo jo, ankuwena shing'ati ditaa saba dyashaabu,