I Vateshalonika 4:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Napavedoni aijá áita avi, hanamwita munu kanji Nnungu ámupa Imumu wake Wanashwe.

I Vateshalonika 4:8 Referans Kwoze

I Nshuwau 3:24

Aijá áigwilila malamulo ake ankupagwa nkati mwake Nnungu na nae nkati mwake. Tundimanya kenga nae ankupagwa nkati mwetu kwaindila ya Imumu watupele.

Lukashi 10:16

“Munu ámwigwilila mwenu angwigwilila nangu, ámwita mwenu angwita nangu na ángwita nangu, amwita aijá ángutumididye.”

Nshuwau 12:48

Munu ángwita nangu na mene kwitikila malove angu, apali wakumuukumu. Lyo lyene lilove lyanguvalanganga ni lilóta kumuukumu muliduva lyamwisho.

II Patulu 1:21

mwaa mwiko malove alo hapandukenge mumalotelo ashimunumunu kanji vanu vandivalanganga kwalakela upande wake Nnungu valangalalegwa kwa Imumu Wanashwe.

Yudashi 1:8

Nimumo momo vanu vovo vo, vakulupila dindoti kwaupande unji vankwambukisha mili vyave, kwaupande unji kwita unashilangola na kwaupande unji kuvakupulu valishangelo.

Vagalata 4:6

Pakuva mwenu po mmana, Nnungu anintumidya Imumu wamwanagwe mmitima mmyenu; ni jojo áshema, “Aba! Atata!”

I Vakolintu 7:40

Kanji napane kwona kwangu nangu andapuwanga poe ikava kenga andapagwa kenga mo mwavalalele, nanangu momo ninkulyona kuvanavo Imumu wake Nnungu.

Valoma 5:5

Mwenu, lilindilililo halinatutaa dyoni pakuva linagwaledyo lyake Nnungu lindimiminiligwa mmitima vyetu kwaindila ya Imumu Wanashwe wavatupele.

I Patulu 1:12

Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

I Vakolintu 2:10

Nnungu napane anditulodya wetu kwaindila ya Imumu. Mwenu, Imumu inkulalyanga kula shinu ata mpaka vivéle nkati-uti vya Nnungu.

Vitendo 13:41

“ ‘Ngwigwa mwenu mmadyeluelu! Shanga na jaikangila kushu ko! Mwaa shinu shangutenda muwakati wenu ashi, ata munu akammalangangila shana hamukulupila.’ ”

II Vakolintu 1:22

ni jojo átutaile namakong'o na kutuvika Imumu wake mmitima vyetu kenga shinu shakwimididya.