I Vateshalonika 4:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Kumwisho akuno mmanung'unumunu tunkunjugwa na kunnaililila palina limwe Umu Yesu doni, kulingana kenga mo mwamupwashaladile kwetu wetu amulá muvaikidíle muname na munnagwele Nnungu kenga mwiu mwamutandela, bai wenanavo mushu mutandedya kupunda apo.

I Vateshalonika 4:1 Referans Kwoze

Vakoloshu 1:10

kwambangidya muname shinamidyo shimmaikíla Umu, vinnagwela muuti, mupa vyepo mushimadengo uti shambone, mukulumuka mukummanya Nnungu,

II Vateshalonika 1:3

Indituvaikila tunnambwalele Nnungu ngwengwe mmanung'unumunu kwamwaa wenu pakuva ni shaliya mwaa likulupililo lyenu linkukulumuka namene na linagwaledyo lyakula munu pakati penu kwavanji, linkwanjadyeka

II Patulu 3:18

kanji kulumuka nkati muumonyo na mukummanya Umu wetu, Mwamboli Yesu Klistu. Kwake nae lipagwe lishangelo ambi apa na mpaka mumaduva ákamalilika! Ame.

Vabalaniya 13:16

Hamunalivalive kutandedya wambone na yakumajananga na vanji avilá vyamuvenavo mwaa kwavyadaka kenga avi, Nnungu inkunnagwela.

Vapilipo 1:9

Aku ni kushwali kwangu, linagwaledyo lyenu mwenu lyanjadyeke kupunda apo nkati mulimanyilo na mukujavanianga

I Vateshalonika 3:12

Umu napane antadye mukulumuke na muumbaligwe kunagwaladyania shivenevene na kwavanu uti kenga wetu kwenu mwenu

Vapilipo 3:14

Nguka mushu ngulikanyalidya ndikawikile shabaa yainudyo yakushema kwake Nnungu kwalakéla kuwa nkati mumwe Klistu Yesu.

I Nshuwau 3:22

na kula shinu shatunjugwa nae, tunkupata kwalakela kwake mwaa tunkwigwilila malamulo ake na kutandedya vyapuwangila.

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

I Vakolintu 15:58

Napavedoni mmanung'unumunu mmakunagwaleka, nanopa na hamunajagajege ngwengwe muumbaligwidye shimadengo shimwe Umu mumanya kenga nkati mwake Umu shimadengo shenu hashinava shinu shabule.

II Vateshalonika 3:1

Kumwisho akuno mmanung'unumunu, tushwalidya wetu pakulota lilove limwe Umu lyandavale shipajelo na lipate ishima kenga mwaitandakadile pakati penu

II Vateshalonika 2:1

Kwaing'ano napane yakwida kumwe Umu wetu Yesu Klistu na yakukumbuligwa kwetu kwake, tunkunjugwa mmanung'unumunu

Vakoloshu 2:6

Napavedoni pakuva mwenu munimpwashalela Klistu Yesu kenga Umu, nama nkati mwake

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

Nshuwau 15:2

Kula lutavi lúkapa vyepo nkati mwangu nae andausha na kula lutavi lúpa vyepo, andapangulangila pakulota lupe namene.

I Vateshalonika 4:2

Mwenu mundimanya malamulo shani atumpele kwaindila yamadalaka amwe Umu Yesu.

II Vakolintu 5:9

Nadoni ata ikava kenga tuvelé nng'ande kwali panda, shabaa yetu ni kulota innagwele Umu.

Valoma 8:8

Avalá vapágwa mushimunumunu havaulula Nnungu jo, kunnagwela.

Vabalaniya 13:22

Mmanung'unumunu, ninkunjugwangila mulipililile malove angu aninnaililila; kwakutangola mwiu avilá vyanimwandikidile vyo, vive padyoko.

Vabalaniya 11:6

Mwenu, kwabila likulupililo hayululika Nnungu kupuwanga mwaa aijá álota ammandike nae, inimmaikila akulupile kenga Nnungu jo apali na ankuvatudya avalá vannambéla.

Vaepeshu 5:17

Napavedoni hamunave mmajinga kanji manya malotelo ake Umu ni akwashi.

Vaepeshu 4:20

Kanji kwaupande wenu mwenu, i mwanavo mwamulipundishididye Klistu,

II Vakolintu 10:1

Mwenu, nene nangu Paulu ninkunjugwangila mwenu kwakulishapeya na kwaupole umwe Klistu, nene ngwaneka kuva wakulishapeya pangupagwa namu mwenu kanji ninkali ndikanapagwa.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

I Vakolintu 15:1

Napane ninkulota ninkumbuwange mmanung'unumunu ntenga wambone aulá wanimmalangangidile, wamupwashaladile, wo wamupagwa mwenu

I Vakolintu 11:23

Mwaa ngupatilé kumwe Umu ashilá shanimpalakadyadidye momo doni, Umu Yesu ushilo aulá waukile ndalimigwa, andítwala ligung'u

Vitendo 20:27

mwaa ndivalanganga panikapiyapiyanga malotelo uti a Nnungu.

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

I Timoti 5:21

Ninkumya ushuda pamevo pamwe Nnungu, pamwe Klistu Yesu na pavanjelo vakutandalegwa doni, vinu avi vikila kuntima bila kupambula paukatandedya shoeshoe kwashitete.

Vagalata 6:1

Mmanung'unumunu, munu akapatikana mukupujungula kwoekwoe, mwenu mmaimumu mùvele mwimumu yakulishapeya, nningule munu ajo mulishunga kwambangidya namwenu momo hamunatubigwe.

I Vateshalonika 5:12

Napanelo mmanung'unumunu ninkunjugwa muvaishimu avalá vakóla madengo pakati penu, vo vannangalaléla nkati mumwe Umu na vandúma.

II Vateshalonika 3:13

Kwaupande wenu mwenu mmanung'unumunu hamunadobe kutandedya wambone.