I Vateshalonika 2:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ na ata tulambela lishangelo lyavanu, ata lyenu na ata lyavanu vanji

I Vateshalonika 2:6 Referans Kwoze

Vagalata 1:10

Da mwenu mwona kenga ambi apa ngulota ndivashombe vanu kwali Nnungu? Kwali ngulota ivanagwele vanu? Leka ìvele yakuvanagwela vanu mpaka ambi apa, bai nangu hangunave nintumwa wake Klistu.

I Vateshalonika 2:9

Takumbukila shana mmanung'unumunu shimadengo shetu shakupwateka na kulikanyalidya kwetu shilo na mui pakulota hatunave ligogo kwamunu woewoe patushimmalangangila ntenga wambone wa Nnungu.

Nshuwau 5:44

Mwenu mulota kukulupila dashi ikava kenga munkuupana lishangelo shivenevene na lishangelo lyalakéla kwa Nnungu ávele jumo jojo, hamunalambela shinu?

Nshuwau 5:41

“Nangu lishangelo kwavanu nagambela shinu

I Timoti 5:17

Avalá vanang'olo valangalaléla shana, vandivaikila vapate ishima ing'umene kupunda namene avalá vakóla madengo akuvalanganga lilove na kupundisha

Vagalata 5:26

Hatunalyone, hatunaangangane na ata hatunavikanile ing'ou.

II Vakolintu 13:10

Napavedoni, ninkumwandikila vinu avi ndikapali namu mwenu kwambangidya pangupagwa namu mwenu po, hangunatumile na dimongo madalaka angupele Umu kwakundenga i kwakumbamola.

II Vakolintu 4:5

Mwaa hatunalivalanganga wewe tuvene kanji tummalanganga Yesu Klistu kuva Umu kutwala wetu kuva tuvatumwa venu kwamwaa umwe Yesu.

I Vakolintu 11:9

na ata nnume hakandyangigwe kwamwaa wankongwe kanji nkongwe kwamwaa wannume.

Nshuwau 12:43

Vovo vo, lishindavanagwela lishangelo lyakwalakela kwavanu kuliko lishangelo lyakwalakela kwa Nnungu.

Nshuwau 7:18

Munu ánatangola yake jo mwene, alambela alipatile lishangelo jo mwene kanji aijá ánalambela lishangelo kwa aijá ántumididye, aju ni munu waumwiu na jojo jo nkati mwake, ushwang'a haupali.

Vagalata 6:13

Ata vo vakumuligwa likumbi vo, havanaodedya shinu lilamulo ila vannota vankumule likumbi kwambangidya valishibangile kwa ashilá shivéle mumili mwenu.