I Vateshalonika 2:3 - Ibibiliya mu Shimakonde Imbodi Yaambi na dimbande dya Imbodi Yakala

³ Doni, kujugwangila kwetu hakunaalakela shinu mukushang'apa kwali muushapu kwali muujanja

I Vateshalonika 2:3 Referans Kwoze

II Vakolintu 4:2

Leka apo, tundita uti vyashipii na vyadyoni patukanama muvyaushwang'a kwali patukaashadyanga lilove lyake Nnungu kanji kwaindila yakuvalanganga ngala umwiu, tunkulitumbyanga mmakumbukililo amuntima vyavanu uti pamevo pake Nnungu.

II Vakolintu 2:17

Wetu hatunava shinu kenga voe vatandéla nshulusho lilove lyake Nnungu kanji kenga tuvanu vaumwiu, kenga tuvanu twaloka kwa Nnungu, pamevo pake Nnungu na nkati mumwe Klistu, tunkutangola.

I Vateshalonika 4:7

Mwenu, Nnungu hatushamile kwaushapu kanji mukwilimyanga.

II Vakolintu 7:2

Panganianga litala lyetu mmitima vyenu. Hapali watumwanadile, hapali watumwashadyenge na hapali watunshandile.

II Vakolintu 4:5

Mwaa hatunalivalanganga wewe tuvene kanji tummalanganga Yesu Klistu kuva Umu kutwala wetu kuva tuvatumwa venu kwamwaa umwe Yesu.

II Patulu 1:16

Kwamwiu, patummalangangidile dimongo na kwida kumwe Umu wetu Yesu Klistu, hatwodile mikong'o vyavapanganienge shana kanji wewe tuvene ni tuvashuda túgwene ukumene wake.

II Vateshalonika 2:11

Ni ashi shitádya Nnungu avapalakadyedye dimongo dyakuvadumbyadumbya pakulota vakulupile ushwang'a

I Vateshalonika 2:11

Mwaa mundimanya shana mwatupagwididye na kula munu pakati penu kenga tatamunu kwavanamunu

II Vakolintu 11:13

Mwaa vanu avo ni vamyombe vakushang'apa, vamadengo vakuduwanga valijaluwánga kuva vamyombe vamwe Klistu.

Vitendo 4:36

Nadoni pakati pavanu avo, mulawi Yoshe munu wa ku Kupulu wavashinshema vamyombe Balinaba kwakuvalangangila mana ake nkúnonowanga,

Vitendo 13:15

Vakainuke kushomya Lilamulo na Vakulava, vananangalaledi vashitala shakulipudidya vandítuma vavajugwe doni, “Mmanung'unumunu, likapagwa lilove lyakuvanonowanga venentete, tangola.”

II Vakolintu 6:8

nkati mukwishimika na mukwiludyangigwa, mukupata shimbili shakunyata na shambone, twaneka kenga tuvakushang'apa kumbe tuvelé tuvaiu,