I Vateshalonika 2:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ vo vammyée Umu Yesu na ata vakulava namomo kutumwadiliyanga wetu. Vanavo vankuntaa nshelu Nnungu na vankupingana na vanu uti

I Vateshalonika 2:15 Referans Kwoze

Mateu 5:12

Litamange na puwangila mwaa inudyo yenu kuwa ko ing'umene. Amo nimomo mwavavatandalele vakulava mwenu mukanava.

Vitendo 7:52

Shapo nkúlava shani wávakampapete vanyakalavenu? Vanavo vandivabyaanga vakulava vake Nnungu váshivalanganga kwida aijá Waishaliya umwe Nnungu na mwenu jojo muninnimya na munimpedya.

Vitendo 2:23

munu aju vaninkamudya kwaishabaa na imanyika kaladavo na Nnungu, mwenu jojo jo, kwalipwashalelo lyavaungave-lilamulo muninkamela panshalaba kutwala kumpedya.

Vitendo 3:15

Napavedoni, mwenu munimpedya mwene shingumi kanji napane Nnungu, jojo jo, anindyuwa mushipinga shavakupela na wetu nelo tuvashuda vashitendo asho.

Lukashi 24:20

Nae vanang'olo vavakulangalalela-shadaka na vakutawala vetu vaninjaula pakulota vamupe ukumu yakupela; nadoni, vaninkamela panshalaba.

Mateu 27:25

Venentete uti kushidoni, “Makosha akujaika myadi avyo atupate wetu pamo na udukulu wetu.”

Mateu 23:37

“Yelusalemu, wako Yelusalemu! Aijá ávabyaanga vakulava na kuvaamanga majanga uti avalá vanimpalakadedya. Myanda mingapi nangu vyangulingangidile kuvavika pamo vanavako kenga mwanavautamilila ng'uku vanavake, mwenu me kulota!

I Vakolintu 10:5

Kanji napane voe pakati pave Nnungu andívanyatila mili vyave vilalange mangunda kushimbweshe.

Vitendo 12:3

na akone kenga shitendo asho vayuda shinkuvanagwela, anínkamula Patulu momo. Avyo vitandeke mumaduva ashikukulu shamagung'u ákave nkukumuku.

Vitendo 5:30

Nnungu wavanakuluvetu anindyuwa Yesu, munu wamummyee mwenu kwaindila yakunkamela panshalaba.

Vitendo 4:10

bai mwenu apa na mmanaishilaeli uti ikala mumanya kenga ni palina lyake Yesu Klistu wa ku Nashaleti wamunkamadile mwenu panshalaba kutwala Nnungu kundyuwa pakati pavanu vapadíle, kwadimongo dyake nae munu aju áimidile mushu mwenu andípata kupona.

II Vakolintu 11:26

Ngwengwe nguvé mushimwanda, muvijoidyo vyadyundi, muvijoidyo vyamajambashi, muvijoidyo vyavakwetu, muvijoidyo vyavamidi, muvijoidyo munjini, muvijoidyo kushimbweshe, muvijoidyo mudimanga na muvijoidyo pakati pavanung'unumunu vakushang'apa,