I Vakolintu 3:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Mwaa wetu ni vamadengomwagwe Nnungu, mwenu po lyala lyake Nnungu na ing'ande yake Nnungu.

I Vakolintu 3:9 Referans Kwoze

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

I Vakolintu 3:16

Da hamunamanya shinu kenga mwenu ni ing'ande yake Nnungu na Imumu wake Nnungu ankunama nkati mwenu?

Malukushi 16:20

Bai vakwoda vake vandyúmananga kuka vavalanganga ntenga wambone mumautu uti, Umu avapwashela na alodya ntenga awo kuva wiu kwamwaa wavimanyikilo víshoodana na ntenga awo.]

Mateu 9:37

Napavedoni andívaulila vakwoda vake doni, “Mwiu mapuno avé oe napane vamadengo vavé padyoko.

I Vakolintu 3:6

Nangu ndipanda, Apolu kutayangila medi kanji Nnungu ni átadidye vikulumuke.

Vakoloshu 2:7

muvanavo dinyija na mùdangegwe nkati mwake, munanawangika mulikulupililo kenga mo mwavampundishididye na mùumbaligwidye kulambwalela.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

I Vakolintu 6:19

Kwali, da hamunamanya shinu kenga mili vyenu mwenu ni ing'ande yake Imumu Wanashwe ánama nkati mwenu wamumpatile mwenu kumwe Nnungu? Mwenu hamunava shinu mwemwe mmene

Vitendo 4:11

Nae ni, “ ‘lijanga lyamwiludyenge mwenu mmakudenga kanji lyolyo lyo, lindiva lijanga shii lyavavikile palitununa.’

III Nshuwau 1:8

Napavedoni indivaikila tuvapwashalele vanung'unumunu kenga ava pakulota tuve vamadengomwave nkati muumwiu.

I Timoti 3:15

ila nikakakova umanye mwashi mwakunamila munu nng'ande mwa Nnungu lìvele liganisha lya Nnungu mumi, libodo na shitunduvangilo shaumwiu.

II Vakolintu 6:16

Da lipagwité lyunganilo shani pakati paing'ande ya Nnungu na vannungu vakushang'apa? Mwaa wetu ni ing'ande ya Nnungu mumi. Kenga mwatangalela Nnungu, “Ndatenga lyutu kwavanavo ndawena pakati pave, nangu ndava Nnungu wave, vanavo vandava venentete vangu.”

Vabalaniya 3:6

kanji Klistu andikulupilika kenga mwana ávenavo madalaka amwing'ande uti ya Nnungu. Napane ing'ande yene yo, ni wetu ikava kenga tundashunga kwadimongo kukulupila kwetu na alilá lilindilililo lyatulitumbyangidya.

Mateu 16:18

Namomo ninkukwaulila doni, wako Patulu na nangu pashanya lijanga lyolyo ali, ndadenga liganisha lyangu na liganisha alyo milango vyakumoka havyulula kutema.

Mateu 15:13

Nae kushidoni, “Kula nnandi wakapandile Atata wakuwa undabubuligwa.