I Vakolintu 3:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Da Apolu ni nyani? Paulu ni nyani? Vanavo ni vatumika tu; kwaindila yavanavo mwenu mundikulupila kwakwodananavo shimadengo shampele Umu kula munu.

I Vakolintu 3:5 Referans Kwoze

II Vakolintu 6:4

Leka apo, nkati muvinu uti tunkulilodya kenga tuvatumika vake Nnungu, nkati mukulipililila kwoe, mumauvilo, muwou, muvyakujowa,

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

I Patulu 4:10

Kwodananavo shajo shapatile kula munu, inimmaikila mutumile kwakutumikana kenga wavankamudidye mmambone mmaumonyo wake Nnungu ulilódya mudinamuna dyakuvilingananga.

II Vakolintu 3:6

Nae ni átupele lyululilo lyakuva wetu tuvatumika vaimbodi yaambi i imbodi yalutembo kanji ya Imumu mwaa lutembo lunkubyaa kanji Imumu ankwing'a shingumi.

II Vakolintu 11:23

Da vanavo vo, vatumika vamwe Klistu? Nangu po ndimamodya, ngutangola kenga nimunu wakudulumbuka, mushimadengo shoe, mukungwa myanda vyoe, mukushapigwa viboko myanda vyoe, muvijoidyo vyakulota kupela myanda vyoe.

II Vakolintu 4:7

Wetu napane tunkuvanavo mali ala muvyombo vyaulongo pakulota yaneke kenga dimongo dipunda apo ni dya Nnungu i dyetu wetu.

II Vakolintu 4:5

Mwaa hatunalivalanganga wewe tuvene kanji tummalanganga Yesu Klistu kuva Umu kutwala wetu kuva tuvatumwa venu kwamwaa umwe Yesu.

II Vakolintu 3:3

mulilodya kuva ibalugwa imwe Klistu ipalakadígwe namu wetu na yandikígwe i kwawinu kanji kwa Imumu wake Nnungu mumi, i mmabau amajanga kanji mmabau ammitima vyavanu.

I Vakolintu 3:10

Kwodananavo umonyo wake Nnungu wangupatile nangu kenga nkúmanya-kudenga, ndivika shitunduvangilo kutwala junji ankudenga pashanya pake. Napane nnole kula munu mwadangela.

I Vakolintu 12:28

Ivédoni, muliganisha Nnungu andivavika shitandi vamyombe, shambili vakulava, shantatu vamwalimu kwatika vatandédya vyamakango, vavénavo vyajo vyakuponia, vyakupwashela, vyakulangalalela na vyadinangodi dyakuvilingananga.

I Vakolintu 9:17

Mwaa ndikavalanganga na malotelo angu nimwene, ninkuvanavo lidaka kanji napane ndikavalanganga kwabila malotelo angu, mpaka ambi ndikulupiligwa kushunga.

I Vakolintu 3:7

Nadoni ata aijá ápanda na ata aijá átayangila medi have mana kanji aijá ákulumuwa, Nnungu.

Nshuwau 3:27

Nshuwau akajang'ula kushidoni, “Munu haulula kupata shinu, shinu asho pakapatile kuwa.

Lukashi 1:2

kenga mwavatuvalangangidile avalá vo vavéle kutunduvangila kunantandi mashuda vagwéne vene na vatumika valilove.

Mateu 25:15

Jumo kumupa ditalendu mwanu, junji kumupa mbili kutwala wantatu jo kumupa imo, yani kwodana na lyululilo lyakula munu mwene jo kuma kuka.

Vakoloshu 1:25

Lyanavo nditadya kuva ntumika kwodananavo unashilangola wake Nnungu wangupele kwamwaa wenu pakulota kuwisha popo lilove lyake Nnungu,

Vaepeshu 3:7

Kwashajo shaumonyo wake Nnungu wangupatile kwashimadengo shadimongo dyake, nditadya nguve ntumika wantenga au wambone.

Vitendo 18:24

Napanelo ku Epeshu andíwika muyuda jumo walina Apolu wa ku Alishandaliya. Nae avele munu wakumanya kutangola na andímanya namene Maandiko.

Vitendo 19:1

Napanelo Apolu àvele pa Kolintu, Paulu andyámbwakanga mashinga kutwala kwalalela pa Epeshu. Popo po andívakodya vakwoda,

Valoma 15:16

wakuva nintumika umwe Yesu Klistu kwavamidi mukutumika ntenga wambone wa Nnungu muunashilangola wakupalakedya shadaka kwambangidya vamidi vatandegwe kuva shadaka shinnagwéla Nnungu, shadaka shitandégwe kuva shakwilimyanga kwa Imumu Wanashwe.

I Vakolintu 3:22

Ata akava Paulu, ata akava Apolu, ata akava Kepashi, ata shikava shilambo, ata shikava shingumi, ata kukava kupela, ata ukava wakati au kwali wída, uti vyènu mwenu

I Vakolintu 16:12

Kwaupande umwe nung'unumunu Apolu, ninnaililila namene pakulota aide kwenu pamo na vanung'unumunu vanji napane haivéle yamalotelo ake ambi apa. Andaida ako palota kupata litala.

II Vakolintu 4:1

Napavedoni, pakuva tunkuvanavo utumika au watupatile kwashididi shake, havinatudidima mitima.

II Vakolintu 5:18

Avi uti vinkwalakela kwake Nnungu aijá átutadidye twigwane na jo mwene kwaindila imwe Klistu atwing'a utumika waliigwilanilo,

Vakoloshu 1:23

ikava kenga mundauka mushu mulikulupililo munanopa na mulinatela bila kwambukanga lilindilililo lyantenga wambone wamwigwite uvalangangilíke muviumbi uti vivéle pai. Au ni ntenga wowo uukíle nangutadya nangu Paulu ngùve ntumika.

I Timoti 1:12

Ninkunnambwalela aijá ángupele dimongo, Klistu Yesu Umu wetu mwaa nae aningwona kuva wakukulupilika anguvika mushimadengo shake