I Vakolintu 3:1 - Ibibiliya mu Shimakonde Imbodi Yaambi na dimbande dya Imbodi Yakala

¹ Nangu mmanung'unumunu hanguulwile kutangola namu mwenu kenga mmanu mmaimumu kanji kenga mmanu mmashimunumunu, mmana mmadikidiki nkati mumwe Klistu.

I Vakolintu 3:1 Referans Kwoze

Vabalaniya 5:13

Aijá álishigwa mavele nae mpaka ambi nunu nadoni havenavo mang'amung'amu alilove lyaishaliya.

I Vakolintu 2:6

Kanji napane pakati pa avalá vakaméle, limanyilo tundátangola ata likanava limanyilo lyawakati au kwali lyavakutawala vawakati au vo vapagwíte nkati mukulambaleka.

I Vakolintu 14:20

Mmanung'unumunu, hamunave mmana mmadikidiki mumakumbukililo enu. Ava mmana mmadikidiki muvyakunyata kanji mumakumbukililo, ava mmanang'olo.

Valoma 7:14

Doni tundimanya kenga lilamulo lyàimumu ila nangu washimunumunu ngúshulushigwe mukutawaligwa na lidambi.

I Nshuwau 2:12

Mmanavangu, ninkumwandikila mwaa madambi enu andilivalivigwa kwamwaa walina lyake.

Vagalata 6:1

Mmanung'unumunu, munu akapatikana mukupujungula kwoekwoe, mwenu mmaimumu mùvele mwimumu yakulishapeya, nningule munu ajo mulishunga kwambangidya namwenu momo hamunatubigwe.

Mateu 16:23

Yesu kushiliuka kushidoni, “Tumuka mushu mwangu Shatwani! Wako ni lijanga lyakungutadya ngulikuvale. Wako haunakumbukila shinu mwakumbukilila Nnungu, ukumbukila mwavakumbukilila vanu.”

I Vakolintu 14:37

Ikava kenga munu ankulyona kuva nkúlava kwali kulyona kuva waimumu, amanye kenga vyanimwandikila avi, ni lilamulo lyake Umu.