I Vakolintu 13:4 - Ibibiliya mu Shimakonde Imbodi Yaambi na dimbande dya Imbodi Yakala

⁴ Linagwaledyo ni kulipililila, linagwaledyo ni kutanana. Linagwaledyo halive ing'ou, halinalitumbyanga, halinalyona,

I Vakolintu 13:4 Referans Kwoze

I Patulu 4:8

Kupunda apo likanyalidye kuka mushu munagwaladyania mwaa linagwaledyo linkwinikidya madambi akwinjipa.

Vaepeshu 4:32

Tananana na ava mmashididi mulivalilanila kulingana kenga mo mwannivalidile mwenu Nnungu nkati mumwe Klistu.

Vakoloshu 3:12

Napavedoni kenga mmenentete mmakutandalegwa vake Nnungu, mmakwilimyanga na mmakunagwaleka, gwala shididi shamuntima, kutanana, kulishapeya, upole na kulipililila.

I Nshuwau 4:11

Mmakunagwaleka, pakuva Nnungu anditunnagwaledya davo, nawetu momo indivaikila tunagwaladyanie.

I Patulu 3:8

Kumwisho akuno ninkushidoni, avanavo makumbukililo amulolo, ava mmashididi, nagwaladyania shinung'unumunu, ava mmanu mmakutanana na mmakulishapeya.

I Vateshalonika 5:14

Momo tunkunnaililila mmanung'unumunu, avalá vawondo vadume, vivadidíma mitima vapambadyange, vakudabadabanga vapwashele na ava mmapole kwavanu uti.

II Patulu 1:7

mukunjopa Nnungu nkati mukunagwaladyania shinung'unumunu na mukunagwaladyania shinung'unumunu, mulinagwaledyo.

Vaepeshu 4:2

pagwa mukulishapeya, mukupambadyanga na muupole mupilililanila mulinagwaledyo

II Vakolintu 6:6

kwaungave-ushapu, kwalimanyilo, kwakulipililila, kwalitananilo, kwa Imumu Wanashwe, kwalinagwaledyo líkave shinankulaba,

Vakoloshu 1:11

munanawangika na dimongo uti kwodananavo dimongo dyalishangelo lyake kwakulipililila na kwaupole uti,

Vagalata 5:26

Hatunalyone, hatunaangangane na ata hatunavikanile ing'ou.

I Vakolintu 4:6

Avi mmanung'unumunu ndilitandedya kwangu nangu namu Apolu kenga mpano kwamwaa wenu mwenu kwambangidya dashi, kwetu wetu mulipundishe mene kupunda ashilá shaandikígwe pakulota hanapagwe wakulyona kwamwaa wamunu jumo kunneka junji.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

II Timoti 3:10

Kanji napane wako undyodedya pepi-pepi mapundisho angu, shiwanedi shangu, nnugu wangu, likulupililo lyangu, kulipililila kwangu, linagwaledyo lyangu, kunanopa kwangu,

I Patulu 2:1

Nadoni jaa kushu ko vyakunyata uti: ushwang'a uti, shinankulaba, ing'ou na malove uti akwabola.

Titu 3:3

Mwaa ata nawetu kala po, tuvele tuvanu túkave ding'ano na túkaigwilila vatwashadyenge tuva tuvatumwa kwavinu vyakula inamuna na ditamaa, shingumi shetu tunama mushishimwashimwa na mwing'ou, tuvangadika na tuvangadyania.

I Vakolintu 3:3

Doni, mpaka ambi mwenu ni mmanu mmashimunumunu mwaa paipagwa ing'ou na ing'ondo pakati penu, da hamunava shinu mmashimunumunu na hamunaodedya shinu malotelo ashimunumunu?

Vitendo 7:9

“Napanelo vatatavetu vakammikila ing'ou nung'unugwave Yoshe kutwala kunshumidya akave ntumwa ku Mishili kanji Nnungu andípagwa namu nae.

II Timoti 2:25

avapundisha kwakulishapeya avalá vampínga nakapanji Nnungu andavapa kulijugulanga kwidanavo kumanya umwiu

I Timoti 6:4

munu ajo ni wakulyona na hashipali shamanya. Nae po ni munu ávenavo mweshe wamitau na ing'ondo yamalove iidanavo ing'ou, ushaka, kwabola, kwambambidyania kunyata

I Vakolintu 8:1

Napanelo kwaing'ano yavyakulya vyavavaumidya vannungu vakushang'apa, tunkumanya mwamutangalela mwenu kenga, “Wetu uti tunkuvanavo limanyilo.” Limanyilo ali kanji linkuntadya munu alyone ila linagwaledyo linkudenga.

Valoma 1:29

Vandyumbaligwa ungave-shaliya uti; ushapu, lung'unuku na ukalau. Vaumbaligwidyé ing'ou, kubyaa, ing'ondo, kushang'apa na kung'wenya;

Tiyagu 4:5

Kwali munkwona kenga Maandiko àtangaleke monyo patédoni, Imumu wantadidye nae apagwe nkati mwetu ankuvanavo mweshe waliloko?

I Vakolintu 4:18

Kenga nangu hangushida kwenu, vanji vandilitenda kuva vakulyona.

Valoma 13:13

Tuname muvaikidíle kenga tuvanu túwena mui, i nkati mukululuka na kwambalwa, i nkati mukulauka na ushapu, i nkati mumagombi na ing'ou.

Vakoloshu 2:18

Hamunanneke munu ampoka lidaka lyenu kwakupuwangila namene mukulishapeya na mukulipudya kwavanjelo, atadolyatadolya avilá vyagwene na alitumbudyatumbudya mumakumbukililo ake ashimunumunu.

Vapilipo 1:15

Ni mwiu doni, vanji vankummalanganga Klistu kwaing'ou na kwamashindano kanji vanji ni vammalangánga kwamalotelo ambone.

II Vakolintu 12:20

Mwaa ninkujopa doni pangwida ako, nankodya mwenu i mwangulatela nangu, namomo nangu munangukodya i mwamulatela mwenu. Ninkujopa kupagwa pakati penu ding'ondo, ing'ou, shishimwashimwa, umongo, kunyambiyanga, kung'wenya, kulyona na upuju.

I Vakolintu 5:2

Napane mwenu kutwala kulitenda kuva mmakulyona! Leka apo hamunavenavo shipalodi kutwala kumminganga átandile shitendo asho pakati penu?

Mateu 27:18

Andyúdya davo mwaa andímanya kenga vandimuukanavo kwake nae kwamwaa waing'ou.