I Vakolintu 1:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ Mmanung'unumunu, palina limwe Umu Yesu Klistu ninkunnaililila mwenu uti mwigwane na hakunapagwe kwapukananga pakati penu kanji ava mmakuungana nkati muding'anong'ano dimo dyodyo na mumakumbukililo amo lolo.

I Vakolintu 1:10 Referans Kwoze

I Vakolintu 12:25

kwambangidya hakunapagwe kupambuligwa mumili kanji dishungane mumo momo.

Valoma 12:16

Kumbukilanila mumo momo. Hamunalyone kanji ava tayali kulyunganianga namu avalá vailudyangíka. Hamunalyone mwemwe mmene kuva mmalimanyilo.

II Vakolintu 13:11

Kumwisho akuno mmanung'unumunu puwanga, dyuwangika, avanavo ntima shii, kumbukilila momo, nama kwaamani na Nnungu walinagwaledyo na waamani andapagwa namu mwenu.

I Vakolintu 11:18

Mwenu, shitandi ninkwigwa doni, pamukadyania kenga liganisha, pakati penu kunkupagwa kupambulananga. Kwaupande unji nangu ninkukulupila

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

Valoma 16:17

Ninkunnaililila mmanung'unumunu pakulota mulishunge kwa avalá váidanavo kujavanikana na kuvika ligogo mapundisho amulipundishidye mwenu. Vaambukange vanu avo!

II Vakolintu 5:20

Napavedoni wetu ni mabaloshi vamwe Klistu; Nnungu alaililila kwaindila yetu wetu. Tunkunjugwangila kwamwaa umwe Klistu, mwigwane namu Nnungu.

I Vakolintu 4:16

Napavedoni ninkunnaililila pakulota muve mmakujedya vangu.

Vitendo 4:32

Napanelo imbumba ya avalá váshikulupila, ntima wavo uvele umo wowo; hapali munu ashona kenga ashilá shavenavo shàke mwene gweka kanji kula shinu shishiva shaupamo.

Nshuwau 17:23

nangu ngupagwe nkati mwave, wako upagwe nkati mwangu; vadyavalele muupamo kwambangidya shilambo shimanye doni, wako uningutumidya na unkuvanagwaledya kenga mo mwaungunagwaladyedya nangu.

I Vateshalonika 5:13

Vape ishima ing'umene nkati mulinagwaledyo kwamwaa washimadengo shave. Avanavo amani pakati penu.

Valoma 12:1

Napavedoni mmanung'unumunu, ninkunnaililila kwashididi shake Nnungu lyumye mili vyenu kumwe Nnungu kenga shadaka shingumi, shakwilimyanga na shinnagwéla Nnungu; aku ni kulipudya kwenu kwaimumu.

Nshuwau 10:19

Napavedoni kwamwaa wamalove alo kundyúmilila kavili kujavanikana pakati pavajuda.

I Patulu 2:11

Mmakunagwaleka, kenga mmajeni na mmakwaloka, ninkunnaililila pakulota mwambukange malotelo uti ashimunumunu atandána ing'ondo na ungumi.

II Timoti 4:1

Ninkumya ushuda pamevo pake Nnungu na pamevo pake Klistu Yesu aijá álota kuvaukumu vangumi na vapadíle, ngulaililila kwakuumilila kwake na utawala wake,

Vapilipo 3:16

Napane ashilá shatuulwile, shosho sho twode.

II Vakolintu 10:1

Mwenu, nene nangu Paulu ninkunjugwangila mwenu kwakulishapeya na kwaupole umwe Klistu, nene ngwaneka kuva wakulishapeya pangupagwa namu mwenu kanji ninkali ndikanapagwa.

Nshuwau 7:43

Napavedoni kwamwaa wake nae kundípagwa kujavanikana.

Malukushi 2:21

Hapali munu ánatwala shipande shainguvo yaambi kutenda shivamba mwinguvo yakala; ukatenda davo shivamba sho shindalikukutika kutwala inguvo yakala yo kumamodya kupapuka.

Mateu 9:16

Hapali ánatwala shipande shainguvo íkalikukutike kutenda shivamba mwinguvo yakala. Mwaa shosho sho shindalakananga na inguvo yakala kutwala lilanga lyo kumamodya.

I Timoti 5:21

Ninkumya ushuda pamevo pamwe Nnungu, pamwe Klistu Yesu na pavanjelo vakutandalegwa doni, vinu avi vikila kuntima bila kupambula paukatandedya shoeshoe kwashitete.

II Vateshalonika 2:1

Kwaing'ano napane yakwida kumwe Umu wetu Yesu Klistu na yakukumbuligwa kwetu kwake, tunkunjugwa mmanung'unumunu

Vagalata 4:12

Mmanung'unumunu ninkunjugwa muve kenga nangu mwaa nangu momo nguvalalelé mo mwamuvalalele mwenu. Hashipali shamungwanadile

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

Valoma 15:30

Ninkunnaililila mmanung'unumunu kwaindila imwe Umu wetu Yesu Klistu na kwalinagwaledyo lya Imumu doni, ling'e dimongo namu nangu mukushwali munjugwa Nnungu kwamwaa wangu

Nshuwau 9:16

Mapalishayo vanji kutwala kushidoni, “Munu aju hanaaloka shinu kwa Nnungu mwaa ankutimbanga liduva lyakupumula.” Vanji kushidoni, “Kanji ilota kuululika dashi munu wakutega kulodya vimanyikilo kenga avi?” Bai pakati pave kundípagwa kuvilingananga.

Valoma 1:13

Hangunalota shinu mmanung'unumunu mutikinange kenga myanda vyoe vyangupanganikenge ngwide kwenu kanji mpaka ambi apa shipali shingudingadínga. Shabaa yangu nikulota ngupune vyepo pakati penu kenga mwangupunilile pakati pavamidi vanji vo.

I Vakolintu 1:11

Mwenu, nangu ndipata dyabali dyenu mwenu mmanung'unumunu kwalakela kwavakolowe kenga kunkupagwa kutaukananga pakati penu.

I Vakolintu 3:3

Doni, mpaka ambi mwenu ni mmanu mmashimunumunu mwaa paipagwa ing'ou na ing'ondo pakati penu, da hamunava shinu mmashimunumunu na hamunaodedya shinu malotelo ashimunumunu?

II Vakolintu 13:9

Mwenu, tunkupuwanga patudabadabanga, mwenu muvanavo dimongo. Kushwali kwetu ni kulota mwenu mudyuwangigwe.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

Malukushi 3:24

Utawala woewoe ukalijavanienge kutwala kubyaananga shivenevene, utawala awo hamunapagwe munji ni kutimbikanga tu bai.