I Timoti 6:20 - Ibibiliya mu Shimakonde Imbodi Yaambi na dimbande dya Imbodi Yakala

²⁰ Wako Timoti, shunga ashilá shaukulupilike. Lyapukaniange na shitangodi shíkave mana na mitau vyavashema kwakushang'apa kuva limanyilo.

I Timoti 6:20 Referans Kwoze

Vakoloshu 2:8

Lilaledye, hanapagwe munu wakuntwala mateka atumila mang'amung'amu na kushang'apa kwamambinya kwodananavo mavalelo ashimunumunu na dimumu ditawála shilambo ashi kanji i kwodananavo Klistu.

II Timoti 2:16

Linyemye napane mushitangodi shíkave ishima na shíkave mana mwaa shosho sho, shinkuvatadya vanu vamamodye ungave Nnungu.

Vakoloshu 2:18

Hamunanneke munu ampoka lidaka lyenu kwakupuwangila namene mukulishapeya na mukulipudya kwavanjelo, atadolyatadolya avilá vyagwene na alitumbudyatumbudya mumakumbukililo ake ashimunumunu.

Valoma 3:2

Oe! Ankupagwa kula upande! Shitandi vayuda vandikulupiligwa malove ake Nnungu.

I Timoti 6:14

shunga lilamulo ali pakave lilemba na pakave likosha mpaka kuumilila kumwe Umu wetu Yesu Klistu,

II Vateshalonika 2:15

Napavedoni mmanung'unumunu, nanopa na kamulila ashilá shamupundishigwidye kwali kwalilove kwali kwaibalugwa yetu.

Titu 3:9

Mitau napane víkave mana, linyemye pamo na lishauma lyavanyakala, ushaka na mitau kwamwaa walilamulo mwaa vinu avyo, havive mana na vyabule.

II Timoti 2:1

Napavedoni wako mwanangu nanopa muumonyo upagwíte nkati mumwe Klistu Yesu.

I Timoti 1:11

mapundisho lo aodánanavo ntenga wambone walishangelo lyake Nnungu wakutumbyangilika, ntenga wowo wangukulupilike nangu.

II Vateshalonika 1:4

ata mpaka wewe tuvene kulitamangila mwenu mmaganisha a Nnungu kwamwaa wakunanonopa kwenu na likulupililo lyenu mukupapatigwa na mumauvilo uti amulipililila.

Titu 1:14

valeka kwigwilila dinano dyashiyuda pamo na malamulo avanu valódya lukoi umwiu.

Titu 1:9

akamulila lilove lyakukulupilika kenga mwavapundishididye kwambangidya aulule kuvapa vanji ntima shii nkati mumapundisho mangumi na kuvataukanga avalá vapínga.

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

I Timoti 4:7

Kanji napane ita dinano díkave ishima na dyashinyakala ila lidyavalakedye shinamidyo shakunjopa Nnungu.

I Timoti 1:6

Kwakwashadyanga avi, vanji vandishinjiulila mitima kumitau víkave mana

I Timoti 1:4

na ata havanaangaikangile dinano na mashauma avanyakala ákave mwisho atádya kupagwa mitau kuleka unashilangola walakéla kumwe Nnungu wámba likulupililo.

I Vakolintu 3:19

Mwaa limanyilo lyashilambo ashi ni ujinga pamevo pake Nnungu. Kenga indyandikigwa, “Nae ankuvapatikanianga valimanyilo nkati muujanja wave.”

Vitendo 17:21

Napane vaatena uti na vanu vanji vakwaloka váshipagwa nkaja amo, hashipali shinji shavashitenda ila kuvalanganila na kwigwa vyaambi.

Vitendo 17:18

Napanelo vakumanya vanji vaepikuli na vaestoiku vashindomba mwaa namu Paulu kutwala vanji kushidoni, “Munu álambukanga mwanambwe aju aamba nyamani?” Kutwala vanji kavili kushidoni, “Aju twona kenga avavalanganga vannungu vavilambo vinji.” Vandítangola davo mwaa Paulu ashimmalanganga Yesu na kuvalanganga kudyuka kwavakupela.

Maono 3:3

Kumbukila avilá vyaupatile na vyawigwite, tandedya na lijugulange. Napane ikava kenga hauva mevo, bai ndakwidila kenga nkwíva, wako haumanya isaa yangulota kukwidila.

Titu 1:4

kumwe Titu mwanangu waumwiu nkati mulikulupililo lyetu lyaupamo. Umonyo na amani vyakwalakela kumwe Nnungu Tatamunu na kumwe Klistu Yesu Mwamboli wetu, vipagwe kwako wako.

I Vakolintu 2:6

Kanji napane pakati pa avalá vakaméle, limanyilo tundátangola ata likanava limanyilo lyawakati au kwali lyavakutawala vawakati au vo vapagwíte nkati mukulambaleka.

Valoma 1:22

Vanavo valivalanganga kuva vading'ano vanditadya kuva vajinga

Vitendo 16:1

Nae andyúka mushu na shimwanda shake mpaka pa Delebe na pa Lishitala; napanelo palyutu alyo ashindanama nkwóda jumo walina Timoti; anyoke avele nkúkulupila walikola lyashiyuda kanji tatake avele mugalegu.

I Timoti 1:2

kumwe Timoti mwanangu waumwiu nkati mulikulupililo. Umonyo, shididi na amani vyakwalakela kumwe Nnungu Tatamunu namu Klistu Yesu Umu wetu, vipagwe kwako wako.

I Timoti 1:9

imanyika kenga lyanavo halivikike kwawaishaliya ila livikiké kwa avalá vaungave-lilamulo na vákaigwilila, vákave Nnungu na vakutega, vákamwishimu Nnungu na vadyeluelu, vavakanyalánga vatatavave pamo na vajujuvave, vakubyaa,