I Timoti 6:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ jumo ákapela, ánama mulilangadyo lyakavandika munu, aijá ákangwene munu pakati pavanu na ákaululika kwaneka. Kwake nae ipagwe ishima na dimongo díkamalilika. Ame.

I Timoti 6:16 Referans Kwoze

I Timoti 1:17

Ambi napane kumwe Umu wangwengwe, ákapela, ákaaneka, jo Nnungu jumo, kwake nae kupagwe ishima na lishangelo ngwengwe ngwengwe. Ame.

Nshuwau 1:18

Nnungu, hapali munu ata jumo ángwene ila jumo wagweka, àvele Nnungu, jo áijeme pashuva sha Tatamunu ni átutadidye tummanye.

I Nshuwau 1:5

Mwenu, ntenga watumwigwite nae na watummalangangila mwenu ni au: jo Nnungu aju ni lilangadyo kwake nae shii hashipali.

Vakoloshu 1:15

Nae ni ing'ope ya Nnungu ákaaneka, ntandi kuvalekwa waviumbi uti

Nshuwau 6:46

I kenga apali munu ángwene Tatamunu ila aijá áaleke kwa Nnungu, aju ni ángwene Tatamunu.

Maono 22:5

Shilo hashipagwa kavili: vanavo lilangadyo lyadikalaboi kwali lyaliduva nkati mo, havapali mwaa Umu Nnungu andavalangadya; vovo vo, vandatawala ngwengwe ngwengwe.

Maono 4:11

“Wako Umu, Nnungu wetu, undivaikila kupata lishangelo, ishima na dimongo mwaa wako undikandyanga vinu uti na kwalilotelo lyako vindikandyangigwa na vipali.”

Maono 1:6

jojo jo kutwala kututenda kuva utawala, vakulangalalela-shadaka kwa Nnungu wake, jo Tatamunu. Kwake nae lipagwe lishangelo na lyululilo ngwengwe ngwengwe! Ame.

Yudashi 1:25

kwake Nnungu ávele jumo, Mwamboli wetu, lipagwe lishangelo, ukumene, lyululilo na madalaka kwaindila imwe Yesu Klistu Umu wetu, kutunduvangila wakati uti, ambi apa na mpaka vyaka uti! Ame.

Vaepeshu 3:21

kwake nae lipagwe lishangelo nkati muliganisha na nkati mumwe Klistu Yesu kwadimbula uti ngwengwe ngwengwe! Ame.

Maono 7:12

vaashidoni, “Ame. Litumbyangilidyo na lishangelo, limanyilo na lilambwalalelo, ishima, dimongo na lyululilo vive kumwe Nnungu wetu ngwengwe ngwengwe. Ame.”

Vabalaniya 13:8

Yesu Klistu ni jojo, lido, nelo na ngwengwe.

Maono 21:3

Napanelo ndígwa lidi likumene lyakwalakela pashiteng'u liishidoni, “Mwe! Ambi apa yema ya Nnungu inkupagwa na vanu na nae andanama na vanavo. Vanavo vandava venentete vake; jo mwene Nnungu ápagwa na vanavo, andava Nnungu wave.

Nshuwau 14:9

Yesu kutwala kushidoni, “Nangu ndiikala namu mwenu muwakati woe, mpaka ambi haunava kungumanya Pilipo? Munu ángugwene nangu, animwona Atata. Napanelo wako utangola dashi doni, ‘Ngulodya Tatamunu’?

Maono 1:8

“Nangu ni Alupa na Omega,” atangola Umu Nnungu, “jojo ápagwite, e apagwíte na álota kwida, ni Wadimongo-uti.”

Nshuwau 8:58

Yesu kushidoni, “Ninkumwaulila mwiu mwiu doni, Abulaamu akanava kuvalekwa, Nangu ni Nene.”

Vapilipo 4:20

Kumwe Nnungu wetu na Tatagwetu lipagwe lishangelo ngwengwe ngwengwe. Ame.

Tiyagu 1:17

kula inudyo yambone na kula shajo uti shakulinganana vinkwalakela kumwe Atata mwene vinu vyakuvala vyakuwa, jojo ákaangaikanga kenga shimbedi na ata ákajalukanga.

I Nshuwau 1:7

Kanji tukawena mulilangadyo kenga mwapagwididye nae mulilangadyo, tunkuvanavo upamo kula munu kwamuje na myadi vimwe Yesu, jo Mwanamunu vinkutuushanianga ushapu wamadambi uti.

I Nshuwau 4:12

Hapali ata munu jumo ángwene Nnungu; wetu tukanagwaladyania, Nnungu ankupagwa nkati mwetu na linagwaledyo lyake linkuwikila popo nkati mwetu.