I Timoti 5:6 - Ibibiliya mu Shimakonde Imbodi Yaambi na dimbande dya Imbodi Yakala

⁶ Kanji namwili áliinjidyenge mushinamidyo shamalotelo ake, ata ikava kenga nae po ankunama, andipela.

I Timoti 5:6 Referans Kwoze

Tiyagu 5:5

Mwenu mushilambo amu mundinama shinamidyo shíkave lyuduku na shakulitumbyanga, namomo mundilinyateya mitima vyenu mumaduva akushindanga.

Maono 18:7

Kwashipimo shosho shakuling'a lishangelo na kunama mushinamidyo shaditamaa, kwashipimo shosho mupe mauvilo na shipalodi. Muntima mwake nae aashidoni, ‘Ndiikala kenga umu nkongwe, hangunava shinu ninamwili, mwiko hangupata shinu shipalodi!’

Maono 3:1

“Njelo waliganisha lya ku Shalideshi mwandikile, ‘Ala ni malove amwe aijá ávenavo dimumu saba dya Nnungu na dinondo saba: “ ‘Ndimanya vitendo vyako, wako unkuvanavo shimbili shakuva umumi, kumbe undipela.

Lukashi 15:24

jo mwanangu aju, andípela kanji andídyuka, andíjaika kanji andyaneka.’ Bai vanavo vandítunduvanga kupuwanga.

Lukashi 15:32

Apa, hampagwite munji! Indívaikila wetu tupuwange; nung'uno aju, andípela kanji mumi, andíjaika kanji andyaneka.’ ”

Vaepeshu 5:14

mwaa uti avilá vyúka ndatadya vyaneke ni lilangadyo. Ni ashi shitádya itangaleke doni, “Imuka wako úlala, takatuka pakati pavakupela na Klistu andakumulikila.”

Vaepeshu 2:1

Mwenu po muvele mukupela nkati mukupujungula na mumadambi.

Lukashi 15:13

Akapite maduva padyoko, ndyoko aju kukunga vyake uti kuma kuka kushilambo shakushu namene. Koko ko, nae andíjanga vinu uti vyavénavo mushinamilo shaupuju.

Mateu 8:22

Yesu kushido, “Ngwoda! Valeke vakupela vavashike vakupelamwave.”

Vakoloshu 2:13

Namwenu pamupadíle nkati mukupujungula kwenu na kwabila kukumuligwa likumbi mili vyenu vyo, Nnungu ampelé shingumi pamo namu nae àtulivalidile kupujungula kwetu

Vaepeshu 2:5

ata ikava kenga wetu tuvele mukupela nkati mukupujungula, nae anditupa shingumi pamo namu Klistu; doni, mundyambwalegwa kwaumonyo.

Lukashi 12:19

Ling'oto ndaulila ungumi wangu doni, “Wako Ungumi! Napanelo undivanavo vyambone vyakutosha kutumila vyaka vyoe. Napavedoni pumula, lyaa, kumbila na puwanga.” ’

Lukashi 7:25

Kanji muukile ndalola nyamani? Muukile nannola munu ágwalangidile shana? Mwenu! Vagwalangidíle dinguvo dyakushenga na vanáma mukupuwanga, vaikalanga muding'ande dyavaumu.

Lukashi 16:19

“Andípagwa munu jumo ntajli áshigwalanga dinguvo dyamana; munu aju kula liduva ashindalya na ashindaikuta go-go-go.

II Timoti 3:6

Pakati pavanu ava ni avalá vainjíla nding'ande ndavashomba vakongwe vakudabadabanga vakwidapelwa na shimadambi valangalalégwa na ditamaa dyakula inamuna.