I Timoti 5:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ Avalá vanang'olo valangalaléla shana, vandivaikila vapate ishima ing'umene kupunda namene avalá vakóla madengo akuvalanganga lilove na kupundisha

I Timoti 5:17 Referans Kwoze

Vabalaniya 13:17

Vaigwilile vananangalaledi venu, namomo livike mwina mwave mwaa vanavo ni vashúnga ungumi wenu kenga vanu valóta kujang'ulanga pamevo pake Nnungu. Vaigwilile kwambangidya shimadengo shave shive shalipuwilo i kwakung'ung'ulanga mwaa ikava davo, haipagwa paida kwenu.

Vagalata 6:6

Aijá ápundishigwa mulilove, inimmaikila amajanange avilá vyambone uti namu aijá ámpundisha.

Lukashi 10:7

Hamunapite mutanela ding'ande. Ikalanga paing'ande imo yoyo mulya na mukumbila ashilá shavalota kumupa vene mwaa mmádengo inimmaikila apate nshala.

Vabalaniya 13:7

Vakumbukile vananangalaledi venu vammalangangidíle lilove lya Nnungu, mulaledya namene shana vyepo vyashinamidyo shave mutwale mujedye likulupililo lyave.

II Timoti 2:6

Nkúlima ákola madengo akupwateka inimmaikila ave ntandi mukupagwa mmapuno.

Vapilipo 2:29

Napavedoni, mpwashalele nkati mumwe Umu kwalipuwilo uti na vaishimu vanu vakuva kenga ajo

Valoma 12:8

kwali shakwing'a ntima shii, mukwing'a ntima shii, kwali shakujaula, kwantima, kwali shakulangalalela, kwaidukuduku, kwali shakulodya shididi, kwalipuwilo.

Vitendo 28:10

Vanu avo vandítupa dinudyo dyoe namene na patuukile ndapanganikanga pakulota twinjile mwingalava vandítupa vinu vyoe vyakutupwashela mushimwanda shetu.

II Vakolintu 6:1

Napane, tukola madengo namu Nnungu tunkunnaililila hamunapwashalele bule umonyo wake Nnungu.

Valoma 16:12

Mupe nandele Tilipena namu Tiliposha vakongwe vankaléla Umu madengo. Mupe nandele wakunagwaleka Pelishide ákadile namene madengo nkati mumwe Klistu.

Valoma 15:27

Indivanagwela kutenda davo na kwaumwiu vanavo ni vakudaigwa kwaupande wave. Mwaa ikava kenga vamidi vandiliinjidyanga muvinu vyaimumu vyave, indivavaikila momo vavatumike mushipato shave.

Vapilipo 4:3

Mwiu, namomo ninkukujugwa wako unyangu wakukulupilika nguushidoni, vapwashele vamama ava. Vanavo vandilyuvyauvyanga namu nangu muntenga wambone pamo namu Kalamende na vamadengomwangu vabakadíle vo. Mena ave ankupagwa mulibuku lyashingumi.

I Vakolintu 16:16

Doni, livike mwina mwavanu kenga ava na kula mmádengomwave ákola shimadengo shakupwateka.

Vitendo 11:30

Bai vandítandedya vatumidya kwavanang'olo kwaindila imwe Balinaba namu Saulu.

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

I Timoti 4:16

Lilaledye namene gwegwe umwene na mapundisho ako. Nanopa mwanavo mwaa pautenda davo po, undaliposha wako umwene pamo na avalá vakwigwilíla.

I Timoti 3:5

Mwaa munu akanaulula kulangalalela ing'ande yake, alota kushunga dashi liganisha lyake Nnungu?

Vapilipo 2:16

mùkamulidile lilove lyashingumi kwambangidya muliduva limwe Klistu nangu ngulitamange kenga hangutukwite monyo na ata hangukadile shimadengo shamonyo.

Mateu 24:25

Ngwigwa! Vinu avi nimwaulila kaladavo.

Vabalaniya 13:24

Vape nandele vananangalaledi venu uti pamo na vakwilimyanga uti; va ku Italiya, vanavo vankuntumidya nandele.

I Timoti 4:10

Ni ashi shitádya wetu tukole madengo akupwateka na tulikanyalidye pakuva tundivika lilindilililo lyetu kwa Nnungu mumi ávele Mwamboli wavanu uti kupunda namene kwavakukulupila.

I Vakolintu 15:10

Kanji kwaumonyo wake nae nguvelé kenga mo mwanguvalalele na umonyo wake kwangu nangu haunava shinu wabule. Leka apo, nangu nditenda madengo kuvapunda vanavo uti ila hangunava shinu nangu kanji umonyo wake Nnungu uvéle nkati mwangu.

Vitendo 20:35

Kula shinu shangutandile, ninnodya mwenu kenga kwaindila yashimadengo shikumene shatutenda indituvaikila tuvapwashele vákalyulula tukumbukila malove atangwele jo mwene Umu Yesu aashidoni, ‘Wakwalaligwa ni aijá áing'a kuliko ápwashalela.’ ”

Nshuwau 4:38

Nangu nintumidya mwenu mukapune shamukaumidile lyuduku; vanji ni vaudukidíle kutwala mwenu kupata paida yalyuduku lyave.”

Lukashi 12:42

Umu kushidoni, “Da wakwashi wavankamudidye wakukulupilika na wading'ano wammikile nang'olo wake kuva nanangalaledi wapaing'ande pake wakuvapa vamadengomwagwe shakulya muwakati uvaikidíle?

I Timoti 5:3

Vaishimu vanamwili avalá vanamwili mwiu mwiu vákave pashinu.

I Timoti 4:6

Ukavaulila vinu avi vanung'unumunu, undava ntumika wambone umwe Klistu Yesu ulidyavalakedya kwamalove alikulupililo na amapundisho ambone awodedya.

I Vakolintu 3:9

Mwaa wetu ni vamadengomwagwe Nnungu, mwenu po lyala lyake Nnungu na ing'ande yake Nnungu.

I Timoti 4:14

Haunaleke kunyenje shajo shavakupele wako kwaindila yakulava pavakuvikidile makono pankodyanio wavanang'olo.

I Timoti 5:19

Haunaitikile vyakutambudyanga vimwámba nang'olo paukapagwa ushuda wavanu vavili kwali vatatu.