I Timoti 5:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Leka apo, vandálipundisha vave vawondo vawanawananga nding'ande na i gweka vawondo kanji namomo vakung'wenya, vakuliinjidyanga mumyaa vatangola vinu víkavaikidile.

I Timoti 5:13 Referans Kwoze

Vitendo 20:30

Namomo pakati penu vandabuka vanu vatangola vinu vyakudinguwanga pakulota vavaute vakwoda vavode vanavo.

Titu 1:11

Vovo vo vadime nshasholo mwaa vankubamola makola uti vapita vapundisha vinu víkavaikidile pakulota vapate shipato shalukwinyango.

Vitendo 20:20

Mundimanya kenga hashipali shoeshoe shapaida shangupiyapiyenge; nimpundisha muumbala na muding'ande dyenu

Lukashi 10:7

Hamunapite mutanela ding'ande. Ikalanga paing'ande imo yoyo mulya na mukumbila ashilá shavalota kumupa vene mwaa mmádengo inimmaikila apate nshala.

III Nshuwau 1:10

Napavedoni pangulota kwida ako ndaundukulanga uti vyatenda, malove aukalau na akunyambikanga kwetu wetu. Nae avi havinantosha shinu, leka apo ankwita kuvapwashalela vanung'unumunu, kuvadivilila avalá valóta vavapwashalele na kuvavinganga muliganisha.

I Patulu 4:15

Hanapagwe pakati penu munu wakulota kuvauvanga kwamwaa wakuva nkúbyaa, nkwíva, nkalau kwali álijalanianga mumyaa vyavanu vanji.

Tiyagu 3:10

Kwalaliya na dilana dinkuma mo nkanywa. Mmanung'unumunu, hainave davo!

I Timoti 5:12

kutwala kuukumigwa kwamwaa wakwambukanga likulupililo lyave litandi.