I Timoti 4:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Lilaledye namene gwegwe umwene na mapundisho ako. Nanopa mwanavo mwaa pautenda davo po, undaliposha wako umwene pamo na avalá vakwigwilíla.

I Timoti 4:16 Referans Kwoze

Titu 1:9

akamulila lilove lyakukulupilika kenga mwavapundishididye kwambangidya aulule kuvapa vanji ntima shii nkati mumapundisho mangumi na kuvataukanga avalá vapínga.

Titu 2:7

gwegwe umwene ulilodya kuva mpano wavitendo vyambone muvinu uti. Mumapundisho ako lo, lodya umwiu ungave-dimbenje

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

Vaepeshu 4:14

kwambangidya dashi, hatunave tuvadyoko túgang'alegwa na mawimbi na tuvambaluwigwa kwakula imepo yamapundisho kwaujanja wavanu vaodédya mukuduwanga milugu vyakushang'apa.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.

Vabalaniya 12:15

Lishunge, hanapagwe wakulota kulinyemya muumonyo wake Nnungu; halunapagwe lushija lwakukalala lwakwipuka pakati penu kutwala kutadya kumwangaishanga na kwambukishigwa vanu voe,

II Timoti 3:14

Wako napane pagwa nkati muumwiu aulá waulipundishidye na wawakikishidye ummanya aijá waulipundishidye

Lukashi 21:34

“Lishunge! Hamunaleke mitima vyenu viidapelwa kwambalwa na ulevi na mangaikangilo ashinamidyo ashi kutwala liduva alyo kunkodya shingangala kenga ntego

I Timoti 4:6

Ukavaulila vinu avi vanung'unumunu, undava ntumika wambone umwe Klistu Yesu ulidyavalakedya kwamalove alikulupililo na amapundisho ambone awodedya.

I Timoti 1:3

Kulingana kenga mo mwandikulaililidile nguka ku Makedoniya, wako pagwa ku Epeshu pakulota uvalamulile vanu vanji havanapundishe mapundisho anji

Valoma 16:17

Ninkunnaililila mmanung'unumunu pakulota mulishunge kwa avalá váidanavo kujavanikana na kuvika ligogo mapundisho amulipundishidye mwenu. Vaambukange vanu avo!

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

I Vakolintu 9:27

Kanji ninkuvyauvyanga mili wangu na kutenda wanavo kuva ntumwa wangu kwambangidya ling'oto lyakuvavalangangila vanu vanji ntenga, nene nimwene hangunaitigwe.

Vitendo 6:4

pakulota wetu apa ngwengwe tupagwe mukushwali na mukutumikila lilove.

Malukushi 13:9

“Mwenu lilaledye! Vanu vandamuukanavo mudikamati na muvitala vyakulipudidya vananshapa viboko. Kwamwaa wangu nangu mundaimila mushu mwavananangalaledi vamajimbo na mwavaumu kenga ushuda kwavanavo.

Tiyagu 5:20

manya doni, aijá ámuujiya nkútega áambukenge indila yake, aju andaambola ungumi wamunu ajo mukupela na andaputangigwa madambi akwinjipa.

Titu 2:15

Vinu avi valanganga, laililila, shashulanga kwamadalaka uti; haunanneke munu akwiludyanga.

Vakoloshu 4:17

Mwaulile Alikipu doni, “Angaikangila utumika waupatile nkati mumwe Umu pakulota ukawishe popo.”

I Vakolintu 9:22

Kwavakudabadabanga nangu nguukilé ndava nkúdabadabanga kwambangidya ndivapate vakudabadabanga. Nguukilé ndava uti kwavanu uti kwambangidya kwadindila dyoedyoe ndivaambole vanji.

Valoma 11:14

pakulota dashi, kwadinamuna dyoedyoe nguvatadye liloko vakwetu kwambangidya ndivaambole vanji pakati pave.

Valoma 2:7

Kwa avalá valóta kunanopa nkati mukutandedya wambone, valambéla lishangelo, ishima na ungapela, andavapa shingumi shíkamalilika

Vitendo 26:22

Kanji kwalipwashalelo lya Nnungu ngupali mpaka nelo apa; ni ashi shingutádya ngupagwe apa ngumya ushuda kwavadyoko mpaka kwavanang'olo. Shanguvalanganga hashinapundana shinu na ashilá shavatangwele vakulava na shatangwele Musha kenga shindatandeka,

Pilemoni 1:19

Nangu Paulu ndyandika ibalugwa ai na nkono wangu nimwene; lideni alyo ndalipa pakulota hangunatangole doni, gwegwe umwene ninkukudai ata mpaka sho shingumi shako.

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.

I Vakolintu 1:21

Doni, kutunduvangila mo mulimanyilo lyake Nnungu shilambo hashuukile nammanya Nnungu kwaindila yalimanyilo, inínnagwela Nnungu kwaindila yaujinga aulá watuvalanganga wetu kuvaambola avalá vakulupidíle.

I Timoti 4:15

Tandedya vinu avi, pagwa nkati mwake pakulota likulumukililo lyako lyaneke kwavanu uti.