I Timoti 3:7 - Ibibiliya mu Shimakonde Imbodi Yaambi na dimbande dya Imbodi Yakala

⁷ Namomo inimmaikila ave munu waushuda wambone pakati pavanu vapanda pakulota hanalapigwe kutwala kujola mulutambo lumwe Ndamoni.

I Timoti 3:7 Referans Kwoze

II Vakolintu 8:21

Mwaa tunkwangaikangila ashilá shashalowa i gweka pamevo pamwe Umu kanji namomo pamevo pavanu.

II Timoti 2:26

na ding'ano dyave divaujile kavili vapalanyoka mudinambo dimwe Ndamoni dyavataile pakulota vatende malotelo ake nae.

Vakoloshu 4:5

Nama kwalimanyilo kwavanu vapanda, mutumila shana litala lyenu.

I Timoti 6:9

Kanji napane avalá vavanavo malotelo muntima vave matajili, vanágwa mukutubigwa, mudinambo na mumalotelo oe ákave mana na akunyata alalá avatitimídya vanu mukubamalegwa na mukujaika.

I Vateshalonika 4:12

kwambangidya muname shalowa kwa avalá vapanda na hashinapagwe shakumwova.

II Vakolintu 6:3

Hatumpele munu ishaliya yakulota kulikuvala kwambangidya utumika wetu, haunaaneke makosha.

I Vakolintu 10:32

Hamunavatadye shinyadinyadi vayuda kwali ata vagalegu na ata liganisha lya Nnungu

Vitendo 6:3

Napavedoni mmanung'unumunu vatandole vanu saba pakati penu vaushuda wambone, vakuvaumbala Imumu Wanashwe, valimanyilo tuvakamudye shimadengo ashi

Titu 2:8

na shitangodi shingumi shíkatangadikigwa kwambangidya dashi, woewoe ákupinga wako avenavo dyoni pakaavanavo shoeshoe shakunyata shakututambulanga wetu.

Titu 2:5

vava vading'ano na vákave ushapu, vakola madengo paing'ande, vambone na valivika mwina mwavatavave pakulota lilove lya Nnungu, halinaliuligwe.

I Vateshalonika 5:22

Apukananganavo inamuna uti yavyakunyata.

I Timoti 5:14

Nadoni nangu ninkulota doni, vanamwili vali valombwe, vavenavo vanavave, vapange shana ding'ande dyave pakulota havanamupe litala mmongo lyakututangola kunyata.

I Vakolintu 5:12

Da shangu nyamani yakulota nangu kuvaukumu vanu vákapagwite muliganisha? Da haivaikidile mwenu kuvaukumu vo vavé muliganisha amu?

Vitendo 22:12

“Napanelo mo nkaja mo andípagwa munu jumo walina Ananiya, munu wakunjopa Nnungu na wakwigwilila lilamulo lyetu, wavashimuumidya ushuda wambone vayuda uti váshinanama nkaja mu Damashiko,

Vitendo 10:22

Vanavo kushidoni, “Wetu twalakela kwanang'olo wavaing'ondo walina Koluneli; nae ni munu waishaliya na wakunjopa Nnungu na ni munu waushuda wambone kwavenentete uti vayuda. Jojo jo, njelo wakwilimyanga andimwaulila akusheme uke kwing'ande yake ukamwaulile shauvenavo.”

Malukushi 4:11

Nae kushidoni, “Mwenu apa vanintadya mumanye vipii vyautawala wa Nnungu, vanu vanji vákapagwite nkati, vanavo kula lilove linkuvaidila kwamikong'o

III Nshuwau 1:12

Kanji napane kwaupande umwe Demetiliu uti vandyumya ushuda wambone na wo umwiu wene unkwing'a ushuda kwamwaa wake. Na wetu momo tunkumya ushuda na wako unkumanya kenga ushuda wetu, wìu.

I Timoti 3:6

Hanave munu ánshinjiulidile ambi Nnungu kwambangidya hanalyone kutwala kugwa muukumu imwe Ndamoni.