I Timoti 3:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ ila nikakakova umanye mwashi mwakunamila munu nng'ande mwa Nnungu lìvele liganisha lya Nnungu mumi, libodo na shitunduvangilo shaumwiu.

I Timoti 3:15 Referans Kwoze

I Patulu 2:5

namwenu momo kenga majanga mangumi, munkudangegwa ing'ande yaimumu pakulota muve unashilangola wakwilimyanga wakupalakedya shadaka kwambangidya mumye shadaka shaimumu shikubalíka namu Nnungu kwaindila imwe Yesu Klistu.

I Vateshalonika 1:9

mwaa vo vene vankuvalanganga mwashi mwamutupwashaladile na mwashi mwamunshinjiulidile Nnungu muleka kulipudya kwavannungu vakushang'apa pakulota muntumike Nnungu mumi na wiu

Vagalata 2:9

Nadoni vamanya umonyo wangupatile, Tiyagu, Kepashi namu Nshuwau, vo váshaaneka kuva mabodo, vandítuwanidya makono akulodya upamo namu wetu, yani nangu namu Balinaba. Vanavo vandíkubali wetu tuve kwavamidi, vanavo kwavayuda

Valoma 3:2

Oe! Ankupagwa kula upande! Shitandi vayuda vandikulupiligwa malove ake Nnungu.

Mateu 16:16

Simoni Patulu patwete kujang'ula akaashidoni, “Wako Klistu mwanagwe Nnungu mumi.”

Valoma 9:26

na “Apalá pavavaulidile doni, ‘Hamunava shinu mmenentete vangu,’ popo po, vandavashema ‘vanavake Nnungu mumi.’ ”

Vitendo 1:2

mpaka muliduva lyaukile ndatanduligwa kuka kuwa ling'oto lyakumya malailililo na dimongo dya Imumu Wanashwe kuvapa vamyombe vake vavatandwele.

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Mateu 18:18

Ninkumwaulila mwiu doni, uti vyamulota kunga pai apa, kuwa momo vindaungigwa na avilá vyamulota kuungula pai apa, kuwa momo vindaunguligwa.

Maono 7:2

Namomo ndímwona njelo junji akwela kwalyalakela liduva ànyukete shinu shakuntaila namakong'o wa Nnungu mumi. Nae andítangola pashanya po avaulila vanjelo nsheshe avalá vavapéle shimadengo shakwananganga shilambo, imanga

Vabalaniya 12:22

Kanji napane mwenu mundiwika palishinga lya Shiyau, ku Yelusalemu yakuwa njini wake Nnungu mumi, kwavanjelo makumi manga pankodyanio walipuwilo,

Vabalaniya 3:12

Lilaledye mmanung'unumunu, hanapagwe munu pakati penu wantima waukalau na waungakulupila untadya aapukananganavo Nnungu mumi.

I Timoti 6:16

jumo ákapela, ánama mulilangadyo lyakavandika munu, aijá ákangwene munu pakati pavanu na ákaululika kwaneka. Kwake nae ipagwe ishima na dimongo díkamalilika. Ame.

I Timoti 4:10

Ni ashi shitádya wetu tukole madengo akupwateka na tulikanyalidye pakuva tundivika lilindilililo lyetu kwa Nnungu mumi ávele Mwamboli wavanu uti kupunda namene kwavakukulupila.

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

I Timoti 3:2

Napavedoni inimmaikila nkúlaledya ave munu ákave makosha, nnume wankongwe jumo, munu mpole, wakulishunga, wakwishimika, wakukalibisha na wakuulula kupundisha

Vakoloshu 1:5

kwamwaa walilindilililo lyavankandyadidye kuwa, lilindilililo lyolyo lyamwigwite kunantandi kwaindila yalilove lyaumwiu, wo ntenga wambone

Vaepeshu 4:21

ikava kenga mwiu mwenu mundigwa itangaleka mwaa wake na mundipundishigwa nkati mwake kwodananavo umwiu upagwíte nkati mumwe Yesu aju,

Vagalata 3:1

Mmagalata mmajinga mwe! Da mwenu annagwilé nyani, mwemwe wavammalangangidile ngala pamevo penu kenga Yesu Klistu andikamalalegwa panshalaba?

II Vakolintu 6:16

Da lipagwité lyunganilo shani pakati paing'ande ya Nnungu na vannungu vakushang'apa? Mwaa wetu ni ing'ande ya Nnungu mumi. Kenga mwatangalela Nnungu, “Ndatenga lyutu kwavanavo ndawena pakati pave, nangu ndava Nnungu wave, vanavo vandava venentete vangu.”

Vitendo 14:15

vaashidoni, “Mwenu, mwaa shani munkutenda davo? Wetu apa, tuvanu túumbigwe kenga mwenu; apa wetu twidilé nammalangangila ntenga wambone pakulota muleke vinu vyamambinya avi, mushinjiulile mitima vyenu kwa Nnungu mumi ákandyenge kuwa na pai, imanga na vinu uti vipagwíte mumautu alo.

Nshuwau 6:69

Wetu tundikulupila na tundimanya kenga wako ni Wakwilimyanga wake Nnungu.”

Nshuwau 1:17

mwaa Lilamulo lindipatikananga kwaindila imwe Musha; umonyo na umwiu kwida kwaindila imwe Yesu Klistu.

Vabalaniya 9:14

kushi napane myadi vimwe Klistu áukile ndalijaula jo mwene kwaindila ya Imumu ákamalilika pakave makosha kwaupande wa Nnungu, hayululika kutuushanianga vitendo vyakupela mmakumbukililo etu amuntima kwambangidya tuntumike Nnungu mumi?

II Timoti 2:20

Mwenu! Mwing'ande ing'umene hamunapagwa gweka vyombo vyashaabu kwali vyankuva kanji namomo vindápagwa vyombo vyadimbau na vyaulongo; vinji kuva vyakwishimika, vinji vyo kuva víkave ishima.

I Timoti 3:5

Mwaa munu akanaulula kulangalalela ing'ande yake, alota kushunga dashi liganisha lyake Nnungu?

II Vakolintu 6:7

kwalilove lyaumwiu, kwadimongo dyake Nnungu, kwadyuti dyaishaliya kunkanakono na kunshanda,

II Vakolintu 3:3

mulilodya kuva ibalugwa imwe Klistu ipalakadígwe namu wetu na yandikígwe i kwawinu kanji kwa Imumu wake Nnungu mumi, i mmabau amajanga kanji mmabau ammitima vyavanu.

Nshuwau 18:37

Pilatu kutwala kushidoni, “Bai wako po, umu!” Yesu akajang'ula, “Wako ni úvalanganga. Kwakutangola mwiu ndivalekwa kwamwaa au na kwamwaa wowo ndida mushilambo amu pakulota ngumye ushuda kwaumwiu. Uti avalá vaumwiu, vankwigwa lidi lyangu.”

I Vakolintu 3:16

Da hamunamanya shinu kenga mwenu ni ing'ande yake Nnungu na Imumu wake Nnungu ankunama nkati mwenu?

I Vakolintu 10:32

Hamunavatadye shinyadinyadi vayuda kwali ata vagalegu na ata liganisha lya Nnungu

I Timoti 3:14

Ndikwandikila vinu avi ngulindila ndikwidile shipajelo

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

Vabalaniya 10:21

Nadoni tunkuvanavo nkúlangalalela-shadaka nkumene ávenavo madalaka mwing'ande ya Nnungu.

I Patulu 4:17

Mwaa wakati waukumu utunduvangíla mwing'ande yake Nnungu undiwika tayali; napane ikava kenga shitandi namu wetu, ulota kuva dashi mwisho wa avalá vákaigwilidile ntenga wambone wa Nnungu?