I Timoti 3:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Mwaa avalá vatumíke shana kenga madiyakonu vandálipatila ishima yambone pamo na kulishiya kukumene mulikulupililo lipagwíte nkati mumwe Klistu Yesu.

I Timoti 3:13 Referans Kwoze

Mateu 25:21

Nang'olo wake kushidoni, ‘Shambone namene! Wako ni untumika shii na wakukulupilika! Undikulupilika kwavinu padiki napavedoni ndakukamudya vinu vyoe. Bai ida upuwange na nang'olo wako.’

Vabalaniya 6:10

Nnungu hanava shinu waungave-ishaliya wakulota kulivaliva shimadengo shenu na linagwaledyo lyamuladidye kwamwaa walina lyake pakuva mundivatumika vakwilimyanga na munkuka mushu muvatumika.

II Timoti 2:1

Napavedoni wako mwanangu nanopa muumonyo upagwíte nkati mumwe Klistu Yesu.

I Vateshalonika 2:2

Ata ikava kenga tundyúvauvanga na kutananigwa kunyata akulá ku Pilipo mo mwamumanyilile shana, tundívanavo ntima shii nkati mumwe Nnungu wetu wakummalangangila ntenga wambone wa Nnungu nkati mukupingigwa kwoe.

Vapilipo 1:14

Namomo vanung'unumunu voe pavapatile dimongo nkati mumwe Umu kwamwaa wakungwa kwangu vandyuka ndalyalaveka kuvalanganga lilove kwabila kujopa shinu.

I Vakolintu 16:15

Napane ninkunnaililila mmanung'unumunu, mwenu mundimanya shana kenga unalikola umwe Eshitepanashi, vanavo ni vyepo vitandi ku Akaya na vandilijaula mukuvatumika vakwilimyanga.

Vitendo 21:35

Pavawikile pavikada vyalingongo, vaing'ondo vanínnyanyulidya Paulu kushanya kwamwaa washitundi shavashimmikila venentete

Vitendo 6:15

Bai vanu uti ve vaikalénge panguguvale awo, vakannole ndoo Shiteva, vandyóna ing'ope yake kuva kenga yanjelo.

Vitendo 6:8

Napanelo Shiteva àumbaligwidye umonyo na dimongo ashindatenda vyakutikinikanga vikumene na vimanyikilo pakati pavenentete.

Vitendo 6:5

Malove ala imbumba yavakwoda uti andívanagwela. Nadoni vandívatandola vanu ava: Shiteva munu walikulupililo lyoe na wakumuumbala Imumu Wanashwe, kwatika Pilipo, Polokolo, Nikanoli, Timoni, Palamena namu Nikolau munu wa ku Antiyokiya e aliinjidyénge mwidini yavayuda.

Lukashi 19:17

Nae kushidoni, ‘Shambone namene! Wako ni untumika shii. Ikava kenga undikulupilika kuvinu vidikidiki, undavanavo madalaka amakaja makumene kumi.’

Mateu 20:28

Nimumo momo Mwana Wamunu haidile pakulota vantumike; nae aidilé ndatumika na kujaula shingumi shake shive lyambolelo lyavanu voe.”

I Timoti 3:14

Ndikwandikila vinu avi ngulindila ndikwidile shipajelo