I Timoti 2:10 - Ibibiliya mu Shimakonde Imbodi Yaambi na dimbande dya Imbodi Yakala

¹⁰ kanji kwa ashilá shivaikidíle kwavakongwe valivalangánga ishima kumwe Nnungu, matendo ambone.

I Timoti 2:10 Referans Kwoze

I Patulu 2:12

Shinamidyo shenu shive shashalowa pakati pavamidi; nadoni ata vakantambudyanga kutenda vyakunyata, pavalota kwona vitendo vyenu vyashalowa, vanavo vandamupa lishangelo Nnungu muliduva lyalota kulilodya.

Maono 2:19

“ ‘Nangu ndimanya matendo ako na linagwaledyo lyako pamo na likulupililo lyako, kutumika kwako na kunanopa kwako, ndimanya kenga matendo ako ankupunda akunantandi.

Vitendo 9:36

Napanelo panjini wa Yope andípagwa nkongwe jumo nkwóda walina Tabita, lina lyavashema mushigalegu Dolakashi, nae avele wavitendo vyambone na ashindavapwashela vamashikini.

II Patulu 3:11

Napanelo kwoda vinu uti vindatimbikanga, mwenu po immaikidile muname shinamidyo shani? Immaikidile muname shinamidyo shakwilimyanga na shakunjopa Nnungu

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vitendo 9:39

Bai Patulu andyúka namu vanavo. Akawike, vaníntwala kumuukanavo mushumba shapashanya ulungu kutwala vanamwili uti kuntang'anedya valila na vannodya vyakulijalangila vyakuvilingananga vyakandyénge Dolakashi pavéle mumi.

I Timoti 2:9

Nimumo momo vakongwe valinemye kwadinguvo dyaishima, kwakutulila na kwakulilaledya i kwakuluka ugwimbu na ata kwashaabu kwali majanga amali kwali dinguvo dyabei

I Timoti 2:11

Nkongwe inimmaikila alipundishe mukulimaladya alivika mwina muuti.