I Patulu 1:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Kwavanavo, indyunukuligwa kenga vashindatumika i kwapaida yavo vo vene ila yenu mwenu kwamwaa wavinu vyamulipundishidye kwa avalá vavalangénge ntenga wambone kwaindila ya Imumu Wanashwe átumigwe kwalakela kuwa. Mwe, ata mpaka vo vanjelo vankuvanavo mweshe namene wakupandalela vinu avyo.

I Patulu 1:12 Referans Kwoze

Nshuwau 15:26

“Napanelo palota kwida aijá nkúpambadyanga wangulota kuntumidya kwaloka kumwe Atata, Imumu Waumwiu áalakela kumwe Atata, nae jo andaumya ushuda wangu nangu.

Vaepeshu 3:10

pakulota kwaindila yaliganisha, umbala walimanyilo lyake Nnungu lyuke likamanyike kwavananangalaledi na vakutawala mumautu akuwa

I Vakolintu 2:10

Nnungu napane anditulodya wetu kwaindila ya Imumu. Mwenu, Imumu inkulalyanga kula shinu ata mpaka vivéle nkati-uti vya Nnungu.

Vabalaniya 4:2

Mwaa kwetu wetu vandituvalangangila ntenga wambone kenga vanavo momo kanji lilove lyavaigwite hashipali shavakatakadile kwoda lilove alyo, havapwashadile kwalikulupililo avalá vaigwíte.

Malukushi 16:15

Napanelo Yesu andívaulila doni, “Wena mushilambo uti mupita mummalangangila kula munu ntenga wambone.

I Patulu 1:25

kanji lilove lyake Umu linkupagwa ngwengwe!” Lilove ali ni aulá ntenga wambone wavammalangangidile.

Maono 5:11

Napanelo ndílola kutwala kwigwa lidi lyavanjelo voe, vipinga vyave vivele makumi manga vàtang'anadidye shiteng'u pamo na avilá viumbi, vanang'olo

II Vakolintu 6:6

kwaungave-ushapu, kwalimanyilo, kwakulipililila, kwalitananilo, kwa Imumu Wanashwe, kwalinagwaledyo líkave shinankulaba,

II Vakolintu 1:22

ni jojo átutaile namakong'o na kutuvika Imumu wake mmitima vyetu kenga shinu shakwimididya.

Valoma 15:19

kwadimongo dyavimanyikilo na vyakutikinikanga, kwadimongo dya Imumu wa Nnungu. Nadoni kwangu nangu apa, kutunduvangila pa Yelusalemu na indila uti mpaka ku Ililiku ndivalanganga ngala ntenga wambone umwe Klistu.

Vitendo 2:33

Nae pavankwadidye vammika kunkanakono kwake Nnungu na pampatile Imumu Wanashwe walivikidile Tatamunu, andimiminila uti avi vyamwona na vyamwigwa.

Vabalaniya 2:4

akuno Nnungu aumya ushuda kwaindila yavimanyikilo, vyakutikinikanga na vyamakango vyoe pamo na vyajo vya Imumu Wanashwe vyajavile kulingananavo malotelo ake.

Vagalata 1:16

Jojo jo, painnagwadile kunnodya mwanagwe nkati mwangu nangu pakulota nimmalangange kwavamidi, hangulambadile maoni kwamunu

Vagalata 1:12

Hangupatile kwamunu na ata havangupundishidye ila ntenga wo ndipata kwaindila yamaono akungulodya Yesu Klistu.

Valoma 10:15

Na valota kuvalanganga dashi vakatumigwidye? Kenga indyandikigwa, “Kwalala dashi madodo a avalá vavalangánga ntenga wavinu vyambone!”

Valoma 1:17

Mwaa mo muntenga mo inkulilodya ishaliya yake Nnungu kutunduvangila mulikulupililo kuka mulikulupililo kenga mwavaandikidile, “Waishaliya andanama kwalikulupililo.”

Lukashi 15:10

Kulandana na shitendo asho ninkumwaulila doni, kwavanjelo vake Nnungu lindapagwa lipuwilo lyoe namene mwaa wankútega jumo álijugulanga madambi ake.”

Mateu 11:25

Napanelo muwakati awo Yesu andítangola kushidoni, “Ninkukulambwalela Atata, Umu wakuwa na pai, pakuvapiyanga vinu avi vanu valimanyilo na valipundishídye kuvalodya vanu vila.

I Vateshalonika 2:9

Takumbukila shana mmanung'unumunu shimadengo shetu shakupwateka na kulikanyalidya kwetu shilo na mui pakulota hatunave ligogo kwamunu woewoe patushimmalangangila ntenga wambone wa Nnungu.

Lukashi 9:6

Bai vanavo vandyúma kuka vatanela mmakaja vavalanganga ntenga wambone na vavaponia valwele kula pashinu.

Lukashi 2:26

Jo Imumu Wanashwe andímwaulila Shimiyau doni, hapela akanava kumwona Klistu wake Umu kuntumidya.

Mateu 16:17

Yesu akanjang'ula kushidoni, “Undijaligwa wako Simoni Bali-Janashi! Hanava shinu munu ákupundishidye vinu avi ila ni Atata ávele kuwa.

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Vabalaniya 11:13

Uti ava vandipela mulikulupililo kwabila kupata ashilá shavalivikidíle kwavanavo. Kwakushu vandyóna kutwala kupuwangila valimanya kenga vàkwaloka na vàkupita mushilambo amu.

Valoma 1:15

Nadoni ninkuvanavo dukuduku yakuvalanganga ntenga wambone momo kwenu mwenu múvele ku Loma.

Vitendo 16:10

Ling'oto lyakwona indoti ayo, tundílipanganiyangidyanneu kuka ku Makedoniya tumanya kenga Nnungu anditutuma tuke tukavavalangangile vamakedoniya ntenga wambone.

Vitendo 10:44

Patulu akuno atangola, vanu uti váshimwigwilila muwakati wowo andívashulukila Imumu Wanashwe.

Vitendo 8:25

Bai vamyombe vakaumye ushuda na vakatangole lilove lyake Umu, vandyújila ku Yelusalemu kupita vavalanganga ntenga wambone mumakaja oe avashamaliya.

Vitendo 4:31

Bai pavamalidile kushwali, palyutu lyavakadyaniénge pandíndangenda, vanavo uti kuvaumbala Imumu Wanashwe na vashindavalanganga lilove lya Nnungu pavakajugulanga shinu.

Vitendo 4:8

Patulu pamuumbele Imumu Wanashwe andívajang'ula kushidoni, “Mmakutawala vavenentete na mmanang'olo!

I Timoti 3:16

Mwiu shikumene tunkuvalanganga ni shipii shakuvanavo Nnungu: Aijá átandegwe kumanyika mushimunu, áakikishigwe kwa Imumu, áanakene na vanjelo, wavammalangenge pakati pavenentete, wavankulupidile mushilambo, átanduligwidye mulishangelo.

I Patulu 4:6

Mwaa ni ashi shitadídye ntenga uke ukavalangangigwe momo kwa avalá vapadíle kwambangidya vanavo ata ikava kenga vandyukumigwa kwashimunu kenga vanu uti kanji vaname kwaindila ya Imumu kenga mwanamila Nnungu.