I Nshuwau 3:2 - Ibibiliya mu Shimakonde Imbodi Yaambi na dimbande dya Imbodi Yakala

² Mmakunagwaleka, wetu napanelo ni tuvanavake Nnungu na mwatulota kuvalela mo hamunava kulilodya; napane palota kwida po, tundava kenga nae mwaa tundamwona kenga mo mwavalalele.

I Nshuwau 3:2 Referans Kwoze

Vapilipo 3:21

Nae andabadilisha mili vyetu vyakudabadabanga kutadya vilinganane na mili wake walishangelo kwaindila yadimongo dintádya aulule kuvika vinu uti mwina mwake.

Vakoloshu 3:4

Napane palota kwaneka Klistu ávele shingumi shenu, namwenu momo mundaaneka namu nae mulishangelo.

II Vakolintu 3:18

Nadoni wetu uti kwading'ope dyavakatwinikididye twaneka lishangelo lyake Umu, tunkujaluwangigwa kwaing'ope yoyo kwalishangelo kuka kulishangelo, kujaluwangigwa kwalakéla kumwe Umu àvele Imumu.

I Vakolintu 13:12

Mwenu, ambi tunkwona vila mushilolo kwakudingala kanji mushu mo, tundona mevo kwamevo. Ambi ninkumanya padyoko kanji mushu mo, ndamanya uti kenga mo mwangumanyikila nangu.

Valoma 8:29

Mwaa avalá vávamanyite kaladavo, namomo andivapangila kaladavo pakulota dashi valinganane na ing'ope ya Mwanagwe kwambangidya nae ave ntandi kuvalekwa pakati pavanung'unumunu voe.

I Vakolintu 15:49

Kenga mo mwatulitikila ing'ope yawaulongo, namomo tundalitika ing'ope yawakuwa.

Maono 22:4

vandona ing'ope yake na lina lyake lindaandikigwa muvyenye vyave.

II Patulu 1:4

kwaindila yavyanavo nae andilivikila vikumene na vyamana kwetu wetu kwambangidya dashi kwaindila yavyakulivikila, mwenu muke mukave mmakuliinjidyanga mumavalelo aunnungu mùpalanyweke muudagwa upagwíte mushilambo kwamwaa wamalotelo ashimunumunu.

I Vakolintu 2:9

Kanji kenga indyandikigwa, “Víkagwene mevo, ata víkaigwite lyatu na ata víkakumbukiligwe muntima wamunu, ni vyovyo vyapanganienge Nnungu kwa avalá vannagwalédya;”

I Nshuwau 3:1

Mwenu, da linagwaledyo shani lyaladidye Atata kwetu wetu ata mpaka wetu kuka ndashamegwa vana va Nnungu, namwiu nimomo mwatuvalalele. Nadoni shilambo hashitumanyite mwaa nae havammanyite momo.

Vagalata 4:6

Pakuva mwenu po mmana, Nnungu anintumidya Imumu wamwanagwe mmitima mmyenu; ni jojo áshema, “Aba! Atata!”

Valoma 8:18

Mwenu, nangu ninkuvalangila kenga mauvilo átupata muwakati au watuvele, havaikidile kulinganianga na lishangelo lilóta kulilodya nkati mwetu.

Vagalata 3:26

Mwaa mwenu uti mmanavake Nnungu kwaindila yalikulupililo nkati mumwe Klistu Yesu

Nshuwau 17:24

“Atata, vaungupele vo, ninkulota vapagwe po panguvele nangu vone lishangelo; lishangelo lyo lyaungupele mwaa uningunagwaledya shilambo shikanava kukandyangigwa.

Mateu 5:8

Vandyalaligwa avalá vavénavo mitima víkave ushapu, mwaa Nnungu, vanavo vandamwona.

I Nshuwau 2:28

Mmanavangu napanelo pagwa nkati mwake nae kwambangidya dashi, palota kulilodya tuvenavo ntima shii patukalinyemya pamevo pake kwamwaa wadyoni.

Vabalaniya 9:28

Nimumo momo Klistu andilyumya shadaka mwanda umo tu bai alitika madambi avanu voe na nae andauja mwanda wambili i kwalidambi kanji pakulota kuvaambola avalá vannindíla na mweshe.

II Vakolintu 4:17

Mwaa mauvilo awakati au, maangolo na akupita, anavo ankwidanavo kwetu wetu lishangelo líkamalilika liidópa namene kupunda uti

I Nshuwau 5:1

Kula ákulupila Yesu yakuva Klistu, ajo andivalekwa kwaindila ya Nnungu na kula ánnagwaledya nkúvaleka, namomo anánnagwaledya aijá wammaleke nkúvaleka ajo.

Lukashi 17:30

Muliduva lyalota kulilodya Mwana Wamunu ilota kutandakela momo.

Lukashi 20:36

Vovo vo, havapela kavili valota kuva kenga vanjelo vake Nnungu ni vanavake Nnungu, vana valóta kwalakela mukudyuka kwavakupela.

Nshuwau 1:12

Napane uti avalá vampwashaladíle, vo vakulupidíle lina lyake, nae andivapa aki yakutandegwa kuva vana va Nnungu.

Nshuwau 11:52

na ata i gweka venentete avo, namomo kwamwaa wavana va Nnungu vamwadilikanénge pakulota vanavo, nae avaunganiange vave shipinga shimo.

Valoma 8:16

Jo mwene Imumu ankumya ushuda kwaimumu yetu kenga wetu ni tuvanavake Nnungu

Valoma 8:19

Doni, shuumbígwe uti shinkulindila na mweshe kulilodya kwavanavake Nnungu.

I Nshuwau 2:7

Mmakunagwaleka! Haninamwandikila shinu lilamulo lyaambi kanji lilamulo lyakala, lyo lyamuvénavo kunantandi; lilamulo alyo lyakala ni wo ntenga wamwigwite.

I Nshuwau 3:10

Amu ni mwavaliladyedya vanavake Nnungu na vanavake Ndamoni: woewoe ákatandedya vyaishaliya hanava shinu wake Nnungu na ata aijá ákannagwaledya nung'unumunu, momo.

I Nshuwau 3:21

Mmakunagwaleka, ikava kenga mitima vyetu havituukumu shinu, bai tunkuvanavo ntima shii pamevo pake Nnungu

Maono 2:28

ni madalaka lolo angupatile kumwe Atata. Namomo ndamupa lyalosho.