I Nshuwau 2:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ kanji aijá áigwilila lilove lyake, nkati mwake nae, mwiu linagwaledyo lya Nnungu linkuwikila popo. Mwatumanyila kupagwa nkati mwake ni amu,

I Nshuwau 2:5 Referans Kwoze

Nshuwau 14:23

Yesu kunjang'ula doni, “Woewoe akangunagwaledya andaigwilila malove angu, Atata anannagwaledya na wetu tundamwidila kutwala kutenda lyutu pamo namu nae.

Nshuwau 14:21

Munu ávenavo malamulo angu na áigwilila, ajo ni ángunagwaledya. Jo ángunagwaledya nangu jo, Atata anannagwaledya na nangu nannagwaledya kutwala kulilodya kwake.”

Lukashi 11:28

Kanji Yesu kushidoni, “Vamamodye namene kujaligwa avalá vaigwilíla lilove lya Nnungu na kuvikila kuntima.”

I Nshuwau 3:24

Aijá áigwilila malamulo ake ankupagwa nkati mwake Nnungu na nae nkati mwake. Tundimanya kenga nae ankupagwa nkati mwetu kwaindila ya Imumu watupele.

Maono 14:12

Apa ni patakígwa kunanopa kwavakwilimyanga, vashúnga malamulo ake Nnungu na likulupililo lyave nkati mumwe Yesu.

I Nshuwau 5:2

Amu ni mwatumanyila kenga tunkuvanagwaledya vanavake Nnungu patunnagwaledya Nnungu na patutandedya malamulo ake.

Nshuwau 15:5

“Nangu ni nnandi wavyepo, mwenu po dinavi. Aijá ápagwa nkati mwangu, nangu kupagwa nkati mwake nae, ajo andápa vyepo vyoe. Doni, bila nangu mwenu hashipali shamulota kuulula kutenda.

I Nshuwau 4:18

Palipagwite linagwaledyo kujopa hakupali, leka apo linagwaledyo lyakuwikila popo, lindákumulanga kujopa. Mwenu, kujopa kunkwigwania na shaushanga na aijá ávenavo kujopa, hanava kuwikila popo mulinagwaledyo.

II Vakolintu 5:17

Napavedoni, ikava kenga munu ankupagwa nkati mumwe Klistu, ajo ni shiumbi shaambi. Vyakala vindipita. Mwenu, viidilé vyaambi.

Maono 12:17

Bai lijoka jo anínshimwidya nkongwe aijá akalinyemya kuka ndavatenda ing'ondo udukulu ubakidíle wankongwe yani avalá vaigwilíla malamulo a Nnungu na vakamulidíle ushuda wake Yesu.

I Nshuwau 5:20

Namomo tundimanya kenga Mwana wa Nnungu andida na anditwing'a limanyilo kwambangidya tummanye aijá Waumwiu. Na wetu tunkupagwa nkati mumwe aijá Waumwiu kwaindila ya Mwanamunu, Yesu Klistu. Aju ni Nnungu Waumwiu na shingumi shíkamalilika.

I Vakolintu 1:30

Ni kwamwaa wake nae shitádya mwenu mupagwe nkati mumwe Klistu aijá áukile ndava kwetu wetu limanyilo lyalakéla kumwe Nnungu, ishaliya, kwilimyanga na kwambolegwa

Valoma 8:1

Napavedoni ambi apa hakupali kuukumigwa kwa avalá vavéle nkati mumwe Klistu Yesu

Tiyagu 2:22

Unkwona, likulupililo pamo na vitendo vyake vindikola shimadengo pamo, namomo kwaindila yavitendo likulupililo lindíwikila popo.

II Vakolintu 5:21

Aijá ákamanyite lidambi anintadya kuva lidambi kwamwaa wetu wetu kwambangidya tuvalangiligwe kuva ishaliya yake Nnungu nkati mwake.

Nshuwau 6:56

Aijá ámamena mili wangu na kukumbila myadi vyangu, ajo ankunama nkati mwangu na nangu kunama nkati mwake.

I Nshuwau 4:17

Amu ni mwaliwikilila popo linagwaledyo pakati petu kwambangidya dashi muliduva lyaukumu, wetu tuvenavo ntima shii mwaa kenga mo mwavalalele nae mo, nimomo mwatuvalalele wetu mushilambo amu.

II Nshuwau 1:6

Linagwaledyo lyo ni ali: tuwene kwodananavo malamulo ake. Lilamulo lyo ni ali: kenga mo mwamwigwididye mwenu kunantandi, wena mulinagwaledyo alyo.