I Nshuwau 2:19 - Ibibiliya mu Shimakonde Imbodi Yaambi na dimbande dya Imbodi Yakala

¹⁹ Vanavo vandilyumadyanga pakati petu kanji havavéle vetu wetu mwaa leka vàvele vetu wetu vakandipagwa namu wetu kanji vanavo vandilyumadyanga pakulota imanyike ngala kenga pakati pave wetu wetu hapagwíte ata jumo.

I Nshuwau 2:19 Referans Kwoze

Vitendo 20:30

Namomo pakati penu vandabuka vanu vatangola vinu vyakudinguwanga pakulota vavaute vakwoda vavode vanavo.

I Vakolintu 11:19

mwaa indivaikila vipagwe vipinga pakati penu pakulota vakukubaligwa pakati penu vamanyike.

Yudashi 1:19

Ava ni vatádya kupagwe kwapukananga pakati penu, vanu vamakumbukililo ashivalakwelo na vákave Imumu.

Lukashi 8:13

Igwilidíle padinyanga inkwitika kuva vanu vánatenda pavaigwilila lilove lya Nnungu, kupwashalela na lipuwilo kanji mwaa úkave wakulitalalakela, vakulupila kwawakati kutwala akavakodya malingo kutila.

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Vitendo 15:24

“Wetu tundigwa kenga pakati petu vandyuma vanu bila lilamulo lyetu kwida nantindinganianga na vitangodi vyave mpaka kuntadya mmanu kummilinganianga makumbukililo.

Malukushi 13:22

Mwaa vandaumilila vaklistu vakushang'apa pamo na vakulava vakushang'apa. Vovo vo, vandatenda vimanyikilo na vyakutikinikanga kwambangidya vavaashadyange ikaulukika vakutandalegwa.

II Timoti 2:19

Napane shitunduvangilo shakunanopa sha Nnungu shinkuka mushu shipagwa shivanavo namakong'o aju, “Umu ankuvamanya avalá vake,” na, “Woewoe átambulanga lina limwe Umu aapukanangenavo ungave-shaliya uti.”

Vabalaniya 10:39

Kanji napane wetu hatunava shinu vamushipinga sha avalá vatíla vauka kukubamalegwa kanji tunkupagwa mushipinga sha avalá vavénavo likulupililo vauka kukwambolegwa ungumi wave.

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

Valoma 9:6

Kanji napanelo i do lilove lyake Nnungu lindikoweka mwaa i uti udukulu umwe Ishilaeli ni vanaishilaeli,

Nshuwau 4:14

kanji aijá álota kukumbila medi angulota kumupa nangu mwiko hainkola shinu kavili inyota. Medi angulota kumupa nangu lo andatadya nkati mwake mupandukange libububu lyamedi akumukanga auka kushingumi shíkamalilika.”

Yudashi 1:1

Nangu Yudashi ntumwa umwe Yesu Klistu na nene ni nung'une Tiyagu, kwenu mwenu mmakushamegwa múnagwaleka nkati mumwe Nnungu Atata na múshungigwa kwamwaa umwe Yesu Klistu.

II Timoti 3:9

Kanji vanavo havauka shinu mushu mwaa ujinga wave undalilodya ngala kenga mwaivalalele kwavanu vavili avalá.

Nshuwau 15:2

Kula lutavi lúkapa vyepo nkati mwangu nae andausha na kula lutavi lúpa vyepo, andapangulangila pakulota lupe namene.

II Nshuwau 1:7

Mwaa vakuduwanga voe vandyumilila mushilambo amu na vovo vo, havanammalanganga shinu Yesu Klistu kwida mushimunu. Amu ni mwavalalele nkúduwanga na mmongo wake Klistu.