I Nshuwau 2:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Hamunanagwaledye shilambo na ata vinu vipagwíte amo. Aijá ánagwaledya shilambo, linagwaledyo kumwe Atata halipali nkati mwake

I Nshuwau 2:15 Referans Kwoze

Tiyagu 4:4

Mmakulavalava! Da hamunamanya shinu kenga kupangana imbodi na shilambo ni umongo namu Nnungu? Álota ave mbwadimunu washilambo, nae ankulitenda kuva mmongo wake Nnungu.

Valoma 12:2

Hamunalilinganiange na shinamidyo shawakati au kanji mubadilike kwaindila yakunonowangigwa muding'anong'ano dyenu kwambangidya mutende nningo mwanalela akwashi malotelo ake Nnungu, ambone, akunagwaleka na ashalowa-uti.

Mateu 6:24

“Hapali munu wakuulula kuvatumikila vanang'olo vavili. Jumo anammangedya, junji jo kunnagwaledya; jumo kumwigwilila, junji jo kumwiludyanga. Mwenu hamuulula kuntumikila Nnungu akuno mutumikila mali.

Lukashi 16:13

Hapali ntumika áulula kuvatumikila vanang'olo vavili, inkuululika kunnyatila jumo kunnagwaledya junji kwali kuntumbyanga jumo kumwiludyanga junji. Hayululika kuntumika Nnungu na kutumikila mali.”

Nshuwau 15:19

Leka mùvele mmashilambo, shilambo shikaninnagwaledya pakuva mmake. Doni, pakuva mwenu po hamunava shinu mmashilambo kanji nangu mushilambo amu nintandola, ni ashi shitádya shilambo shimmangedye.

I Nshuwau 3:17

Kanji napane aijá ávenavo mali ashilambo ashi akamwona nung'unumunu aijá wavimwovite kutwala kunanopa ntima, da linagwaledyo lya Nnungu lilota kumpagwidya dashi nkati mwake?

I Timoti 6:10

Mwaa kunnagwaledya njuluku ni lushija lwavyakunyata uti. Kwakuvikila liu njuluku, vanji vandyashalanga mulikulupililo na kulitalalanga kwavipalodi vyoe.

Vagalata 1:10

Da mwenu mwona kenga ambi apa ngulota ndivashombe vanu kwali Nnungu? Kwali ngulota ivanagwele vanu? Leka ìvele yakuvanagwela vanu mpaka ambi apa, bai nangu hangunave nintumwa wake Klistu.

I Nshuwau 4:5

Vanavo vo vamushilambo, nadoni shavatangola vanavo vatangola shamushilambo na shilambo, shinkuvaigwilila.

Vaepeshu 2:2

Muvinu avyo, mwenu mushindanama kwodana na inamuna yashilambo ashi na kwodana na nkútawala wamadalaka akuniania, imumu ikóla ambi apa madengo muvakaigwilila.

I Nshuwau 5:10

Aijá ánkulupila Mwana wa Nnungu, ankuvanavo ushuda au nkati mwake. Aijá ákankulupila Nnungu, ankuntenda kuva nae nshwang'a mwaa hanakulupila shinu ushuda waumya Nnungu kwamwaa wa Mwanagwe.

Mateu 4:8

Ndamoni kuntwala kavili Yesu kumuukanavo pashanya lishinga lyakulepa nannodya utawala uti wamushilambo shapai na kunnodya lishangelo lyake

Tiyagu 1:27

Idini yaungave-ushapu na yaungave-udagwa pamevo pake Nnungu Atata ni ai: kuvalola vananshiva na vanamwili nkati mumashida avo, namomo kulishunga gwegwe umwene pakulota shilambo hashinakupake lilemba.