II Vateshalonika 2:2 - Ibibiliya mu Shimakonde Imbodi Yaambi na dimbande dya Imbodi Yakala

² doni, hamunaangaishangigwe shipajelo muding'anong'ano dyenu na hamunaangaikange ata kwaimumu kwali kwalilove kwali kwaibalugwa yaanéka kuva kenga yaloka kwetu iishidoni, liduva limwe Umu, tayali lindiwika.

II Vateshalonika 2:2 Referans Kwoze

Malukushi 13:7

Mukaigwa ding'ondo na manyinyi ading'ondo mwenu hamunajope. Vinu avyo vindivaikila vitandeke kanji haunava shinu mwisho.

II Vateshalonika 3:17

Nangu Paulu ninkumwandikila nandele aju kwankono wangu nimwene. Ashi ni shimanyikilo shiu shamudibalugwa dyangu uti; amu ni mwangwandikila.

Lukashi 21:9

Mukona ding'ondo na vijungulima, mwenu hamunaitukange mwaa vinu avi shitandi vindivaikila vitandeke kanji hauva shinu wakati wamwisho.”

I Vateshalonika 4:15

Vyatumwaulila avi tunkumwaulila kwalilove limwe Umu kenga wetu túvele mushingumi, túbakila mpaka kwida kwake Umu, mwiu hatuva tuvatandi kuvapunda avalá valéle.

I Vakolintu 1:8

Nae anannonowanga mwenu mpaka kumwisho pamukaaneka makosha muliduva alilá limwe Umu wetu Yesu Klistu.

Nshuwau 14:1

“Hamunaushaushange mitima vyenu. Nkulupile Nnungu; ngukulupila nangu momo.

Lukashi 21:19

Ni mwaa wakulipililila kwenu kwamulota kupata ungumi wenu.

Mateu 24:24

Mwaa vandaumilila vaklistu vakushang'apa na vakulava vakushang'apa. Vovo vandatenda vimanyikilo vikumene na vyakutikinikanga kwambangidya vavaashadyange ikaululika ata mpaka vakutandalegwa.

Maono 19:20

Kanji lidimu aijá, vanínkamula pamo namu nkúlava wakushang'apa áshitenda vimanyikilo palina lyake avaduwanga vanu vapwashaladíle numalu umwe aijá lidimu na kulipudya kulishinamu lyake. Uti ava vavili vandíjalegwa mulitanda lyamoto likaléla na ipataki vàvele vangumi.

I Vateshalonika 3:3

kwambangidya hanapagwe wakujagajega kwamwaa wamauvilo ala. Mwemwe mmene mundimanya shana kenga vanditupangila kwaing'ano ai.

Vaepeshu 5:6

Hamunanneke munu anduwanga kwamalove ashing'alang'ala; kwamwaa wavinu vyovyo vyo, vinkutadya shitundi shake Nnungu shivawikile avalá vákaigwilila.

II Vateshalonika 2:15

Napavedoni mmanung'unumunu, nanopa na kamulila ashilá shamupundishigwidye kwali kwalilove kwali kwaibalugwa yetu.

I Vateshalonika 5:2

mwaa mwemwe mmene mundimanya shalowa doni liduva limwe Umu lindaida kenga mwaidila nkwíva shilo.

Nshuwau 14:27

Ninkunnakela amani; amani yangu ninkumupa. Hangunamupa shinu kenga mwaijaulila shilambo. Hamunaushaushange mitima vyenu na hamunajope.

I Vakolintu 7:26

Kwamwaa wamapinjikapinjika apagwíte muwakati au, ngwona kudyanga munu apagwe kenga mo mwavalalele.

I Vakolintu 14:32

Dimumu dyavakulava dinkulalyangigwa na vo vene vakulava.