II Vakolintu 1:21 - Ibibiliya mu Shimakonde Imbodi Yaambi na dimbande dya Imbodi Yakala

²¹ Mwenu, Nnungu ni átadya wetu pamo namu mwenu tunanope nkati mumwe Klistu. Nae ni átupakile,

II Vakolintu 1:21 Referans Kwoze

I Nshuwau 2:27

Kanji kwaupande wenu mwenu kupakigwa kwamupatile kwake nae, kunkupagwa nkati mwenu na mwenu hamunatakigwa shinu munu ampundishe. Kwoda kupakigwa kwake kunkumpundisha mwenu kwamwaa wavinu uti na kwaumwiu hakunashang'apa shinu, pagwa nkati mwake kulingana kenga mo mwampundishididye.

I Nshuwau 2:20

Mwenu napane munkuvanavo kupakigwa kumwe Wakwilimyanga na mwenu uti munkuvanavo limanyilo.

I Patulu 5:10

Nnungu waumonyo uti ánshamile mwenu kwalishangelo lyake líkamalilika nkati mumwe Klistu Yesu, jojo jo ling'oto lyakuvauvanga mwenu padyoko, anandyuwangidya, andamwakikisha, andamupa dimongo na anammika pashanya shitunduvangilo.

Valoma 8:9

Mwenu napane hamupali mushimunumunu kanji muvelé mu Imumu ikava kenga mwiu Imumu wake Nnungu ankunama nkati mwenu. Mwenu, munu ákavenavo Imumu umwe Klistu, jojo jo hanava shinu umwe Klistu.

II Vateshalonika 3:3

Kanji napane Umu ni wakukulupilika, nae anannonowanga na ananshunga kumwe aijá nkalau.

Vitendo 10:38

mwashi mwampakidile mauta Yesu wa ku Nashaleti kwa Imumu Wanashwe na dimongo kutwala nae kuwena atandedya wambone apita avaponia vanu váshitawaligwa na Ndamoni mwaa Nnungu andípagwa namu nae.

II Vateshalonika 2:8

Bai apo andaaneka waungave-lilamulo aijá walota kuntimbanga Umu Yesu kwaimepo yankanywa mwake na kummalidya kwakuumilila kwakwida kwake.

II Vakolintu 5:5

Átupanganiangididye kwashinu shosho ashi ni Nnungu jo átupele Imumu kuva kenga shinu shakwimididya.

Nshuwau 3:34

Aijá wantumididye Nnungu atangola malove ake Nnungu mwaa nae andimupa Imumu íkave shipimo.

Maono 3:18

Napavedoni ninkukulingula wide kwangu ushume vinu avi: shaabu ipitidíle pamoto pakulota uve utajili, dinguvo dyanashwe ugwale pakulota dyoni dyawou wako hadinaaneke na ntela upake mevo ako pakulota ulole.

Maono 1:6

jojo jo kutwala kututenda kuva utawala, vakulangalalela-shadaka kwa Nnungu wake, jo Tatamunu. Kwake nae lipagwe lishangelo na lyululilo ngwengwe ngwengwe! Ame.

II Vateshalonika 2:17

apambadyange mitima vyenu na annonowange mushimadengo uti na mulilove uti lyambone.

I Vateshalonika 3:13

kwambangidya dashi, mitima vyenu vinonowangike mukwilimyanga pakulota vive víkave makosha pamevo pake Nnungu, jo Tatagwetu mukwida kwake Umu wetu Yesu pamo na vakwilimyanga vake uti.

Vakoloshu 2:7

muvanavo dinyija na mùdangegwe nkati mwake, munanawangika mulikulupililo kenga mo mwavampundishididye na mùumbaligwidye kulambwalela.

Valoma 16:25

Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika

I Vakolintu 1:8

Nae anannonowanga mwenu mpaka kumwisho pamukaaneka makosha muliduva alilá limwe Umu wetu Yesu Klistu.

Vabalaniya 13:9

Hamunaleke mutwaligwa mumapundisho oeoe ashijeni mwaa shambone mitima vyetu kunonowangika muumonyo i kwavyakulya víkavaalalidye avalá vaalíle.