II Timoti 3:2 - Ibibiliya mu Shimakonde Imbodi Yaambi na dimbande dya Imbodi Yakala

² Mwaa vanu vandava vakulinagwaledya vo vene, vakunagwaledya njuluku, vakulitumbyanga, vakulyona, vakwabola, vákavaigwilila vatatamunu, vákalambwalela, vákanjopa Nnungu,

II Timoti 3:2 Referans Kwoze

Vapilipo 2:21

Vanji uti vaangaikangila vyave i vimwe Klistu Yesu.

Yudashi 1:16

Vanu avo vankunama vatangadikanga ngwengwe, vakashalya, vaodedya malotelo ave vo vene, vankulitapila na kutangola malove anagwaléka kwambangidya vapate paida yavo vo vene.

II Timoti 3:4

vanánnimya, vakulitauka, vaimbeve, vakunagwaledya vyakudangadanga kuliko kunnagwaledya Nnungu,

I Timoti 6:10

Mwaa kunnagwaledya njuluku ni lushija lwavyakunyata uti. Kwakuvikila liu njuluku, vanji vandyashalanga mulikulupililo na kulitalalanga kwavipalodi vyoe.

II Patulu 2:18

Vovo vo, vatangola malove akulyona amambinya, kwaditamaa dyave dyashimunumunu, vankuvashomba avalá vapalanywéke muwakati wakuvandika kwavanu valilangalaléla mukukowa.

Tiyagu 4:6

Ila nae ankutuumbadya umonyo namene kenga mwatangalela Maandiko, “Nnungu ankuvapinga vakulyona kanji ankuvapa umonyo avalá valishapéya.”

Vakoloshu 3:5

Nadoni nkati mwenu, pedya uti avilá vyashimunumunu; kulavalava, ushapu, ditamaa, malotelo aukalau na ing'ou, ako ni kulipudya kwavyakushang'apa.

I Patulu 5:5

Nimumo momo mwenu mmanemba livike mwina mwavanang'olo. Mwenu uti gwala kulishapeya pakulota muulule kutumikana mwaa “Nnungu ankuvapinga vakulyona ila ankuvapa umonyo vakulishapeya.”

I Timoti 6:4

munu ajo ni wakulyona na hashipali shamanya. Nae po ni munu ávenavo mweshe wamitau na ing'ondo yamalove iidanavo ing'ou, ushaka, kwabola, kwambambidyania kunyata

Lukashi 12:15

Kutwala kwaulila imbumba yavanu kushidoni, “Lilaledye! Lishunge kwaing'ano yaliu mwaa shingumi shamunu hashivele muumbala wavinu.”

Maono 16:11

vashinankupulu Nnungu wakuwa kwamwaa wakupwateka na wamakana ave; ata ive davo, havalijugulénge vitendo vyave.

II Patulu 2:12

Vanavo vankukupulu vinu vyavakamanyite na vankuva kenga vanyama vákave ding'ano vavalekwa kutwala kwodedya mavalelo ave ling'oto kukamuligwa kuka ndashindigwa, vovo vo vandabamolegwa muudagwa wave vo vene

II Patulu 2:3

Kwalung'unuku lwave, vanavo vankuvashonda vanu vatumila maimyo akubuni vo vene. Kwavanavo, ukumu ikandyangígwe tangu kala, haididimanga; kubamalegwa kwave ko, hakudidimanga.

Tiyagu 4:16

Kanji napane mwenu munkulitamanga nkati mukulyona kwenu; kulitamanga aku, kundinyata.

II Vateshalonika 2:4

jo ápinga na álikwedya pashanya pavinu uti avilá vishamégwa kuva Nnungu kwali vinu vyakulipudidya kutadya mpaka kwikala mwing'ande ya Nnungu alivalanganga kuva Nnungu.

Valoma 11:18

haunalyone kwadinavi adyo na ata ikapagwa yakulyona, manya doni, i mwenu mwángangalanga dinyija kanji ni dinyija dímwangangalanga mwenu.

Maono 16:21

Kuwa ko, indívatanyela vanu imbula yadinyanga ding'umene, kula inyanga ishindaidopa dikilo kenga salasini na tano doni, vanavo vanínkupulu Nnungu kwamwaa waimbula ayo mwaa mauvilo lo, andímamodya.

Tiyagu 2:8

Ikava kenga mwenu mwiu munkutandedya lilamulo lyashiumu litangaléka mumaandiko liishidoni, “Nnagwaledye mujo kenga mo mwaulinagwaladyedya umwene,” davo po, munkutenda shana.

I Timoti 3:3

i wakwambalwa na ata wakukanyola kanji ave waupole, ákave ushaka na ákanagwaledya njuluku.

I Timoti 1:20

Pakati pave ankupagwa Imeneu namu Alishandele, vanavo ndivakamudya kumwe Shatwani vakalipundishe pakulota havanakupulu.

Vitendo 5:36

Muvyaka vyapanyuma padyoko, andyúmilila Teudashi munu áshilivika kuva wakwishimika; vandílyunganianga namu nae vanu vakuwikila shikonda kenga shadimiya nsheshe doni. Kanji pavamwovidye shingumi, avalá uti váshinkulupila vandímwadilikananga kutwala ing'ano ayo kumalilikila popo.

Lukashi 16:14

Bai mapalishayo vanu vakunagwaledya njuluku pavaigwite malove ala, vandímwiludyanga.

Maono 16:9

Vanu avo vandípya namene liduva; ata ive davo vanavo vandíkupulu lina lya Nnungu mwene lyululilo lyavyaushanga avyo na ata havalijugulénge na havampéle lishangelo Nnungu.

Maono 13:1

Napanelo ndímwona lidimu auma mwimanga ávenavo dimembe kumi, myuti saba na mudimembe mo kupagwa madaka kumi, mumyuti avyo vandyándika mena akukupulu.

II Vakolintu 5:15

Nae andipela kwamwaa wavanu uti pakulota avalá vanáma, havananame kavili kwamwaa wave vo vene kanji vaname kwamwaa umwe aijá ápadile na kudyuka kwamwaa wavanavo.

Mateu 15:6

bai munu ajo hainammaikila shinu kavili kumwishimu tatake kwali anyoke.’ Nadoni pamwodedya yadi yenu ai inkuntadya mwiludyange lilove lyake Nnungu.

Lukashi 6:35

Bai vanagwaledye vamongo venu, tandedya wambone, kapesha pamukalindila kupata shinu shoeshoe. Mukatenda doni, inudyo yenu indava ikumene na mwiu mundava mmanavake Wapashanya-uti. Mwaa nae andávatanana vakanalambwalela na vakalau.

I Timoti 1:9

imanyika kenga lyanavo halivikike kwawaishaliya ila livikiké kwa avalá vaungave-lilamulo na vákaigwilila, vákave Nnungu na vakutega, vákamwishimu Nnungu na vadyeluelu, vavakanyalánga vatatavave pamo na vajujuvave, vakubyaa,

II Patulu 2:10

kupunda namene avalá vaodédya malotelo audagwa washimunumunu na kwiludyanga unashilangola. Vamwalimu vo vakushang'apa ava, vakulitauka na vakulyona, havanashushukanga shinu kuvakupulu valishangelo;