II Timoti 3:17 - Ibibiliya mu Shimakonde Imbodi Yaambi na dimbande dya Imbodi Yakala

¹⁷ kwambangidya munu wa Nnungu ave wakuulula, wavampanganienge shana kwashimadengo uti shambone.

II Timoti 3:17 Referans Kwoze

Vaepeshu 2:10

Mwaa wetu ni viumbi vyake Nnungu túkandyangigwe nkati mumwe Klistu Yesu kwavitendo vyambone vyapanganienge tangu kala wetu tuname muvyanavo.

II Timoti 2:21

Napanelo ikava kenga munu andaushanianga avilá víkave ishima andava shombo shakwishimika, shitandégwe kwilimyanga, shivénavo mana kwa Nang'olo shavapanganienge kwashimadengo uti shambone.

II Vakolintu 9:8

Nnungu napane ankuulula kutadya umonyo uti uumbaligwe kwenu mwenu pakulota muuti na muwakati uti, muvanavo uti vitósha, muumbaligwidye mushimadengo uti shambone.

I Timoti 6:11

Kanji napane wako umunu wa Nnungu linyemye muvinu avyo. Vingilidya napane ishaliya, kunjopa Nnungu, likulupililo, linagwaledyo, lipililililo na upole.

Vabalaniya 10:24

Namomo tukumbukile namene mwashi mwakwimulanila kwalinagwaledyo na kutandedya matendo ambone.

Titu 2:14

ályumidye jo mwene kwamwaa wetu wetu pakulota atwambole muungave-lilamulo uti na alikandyangidye jo mwene venentete vavaushanienge ushapu vaugweka vake jo mwene vavénavo dukuduku yakutandedya vitendo vyambone.

Vitendo 9:36

Napanelo panjini wa Yope andípagwa nkongwe jumo nkwóda walina Tabita, lina lyavashema mushigalegu Dolakashi, nae avele wavitendo vyambone na ashindavapwashela vamashikini.

Titu 3:1

Vakumbuwange vapagwe mwina mwavakutawala na mwavamadalaka, vave vakwigwilila na vave tayali kwakula shimadengo shambone,

Titu 1:16

Vanavo vankulivalanganga kummanya Nnungu kanji muvitendo vyave, vankumwita. Vovo vo ni vanu vakunyatilika, vákaigwilila na vákapai kwakula shimadengo shambone.

Vabalaniya 13:21

nae ampanganiange kwakula shinu shambone pakulota mutandedye malotelo ake na atandedya nkati mwenu ashilá shinnagwéla pamevo pake kwaindila imwe Yesu Klistu, kwake nae lipagwe lishangelo ngwengwe ngwengwe! Ame.