II Timoti 3:16 - Ibibiliya mu Shimakonde Imbodi Yaambi na dimbande dya Imbodi Yakala

¹⁶ Maandiko uti andipumuliligwa namu Nnungu na ankupai kupundishidya, kushashulangila, kulingulila na kupundishidya mwishaliya

II Timoti 3:16 Referans Kwoze

Valoma 15:4

Mwenu, uti avilá vyandikígwe kunantandi, vindyandikigwa pakulota vitupundishe kwambangidya dashi kwaindila yakulipililila na yakupambadyangigwa kwamaandiko tuvenavo lilindilililo.

Vabalaniya 4:12

Mwaa lilove lyake Nnungu lingumi na linkuvanavo dimongo, namomo lyakukola kupunda lyambila likóla kuvili, lyanavo linkupulunganianga pakati-pakati ungumi na imumu, mumagwangwa na muwoba, namomo linkujavanianga makumbukililo na milugu vyamuntima.

Malukushi 12:24

Kutwala Yesu kushidoni, “Shitadídye mwenu muduwangike da i mwaa mwenu me kumanya Maandiko na ata dimongo dyake Nnungu?

II Timoti 4:2

valanganga lilove lyake Nnungu, ava tayali wakati uvaikidíle na úkavaikidile, shashulanga, shulanga, laililila kwaupole uti na kwakupundisha.

II Timoti 2:25

avapundisha kwakulishapeya avalá vampínga nakapanji Nnungu andavapa kulijugulanga kwidanavo kumanya umwiu

Vitendo 20:20

Mundimanya kenga hashipali shoeshoe shapaida shangupiyapiyenge; nimpundisha muumbala na muding'ande dyenu

Nshuwau 3:20

Kula munu ánatenda vyakunyata andávangedya lilangadyo na hanavandika kulilangadyo pakulota vitendo vyake vyo havinalale panda.

Mateu 13:52

Nae kuvaulila kushidoni, “Doni napanelo kula mwalimu álitandile nkwóda wautawala wakuwa ankuva mwatatamunu wapaing'ande áumya mulipeta mwake vinu vyaambi na vyakala.”

Vitendo 18:25

Munu aju andípundishigwa shana mwindila yake Umu na atangola na ntima wake uti ashindapundisha pakakowa shinu avalanganga vimwámba Yesu ata ikava kenga amanyite vila ubatisho umwe Nshuwau.

Valoma 2:20

wako nkúpundisha wavajinga, mwalimu wavadyoko pakuva wako undivanavo mulilamulo mo wakikisho walimanyilo na umwiu.

Vagalata 3:8

Maandiko pagwene kaladavo doni, Nnungu andavapa vamidi ishaliya kwaindila yalikulupililo, anímmalangangila ntenga wambone shitandi Abulaamu aashidoni, “Kwako wako, venentete uti vandaalaligwa.”

Vabalaniya 3:7

Doni, kenga mwatangalela Imumu Wanashwe, “Muliduva lyanelo ikava kenga munkwigwa lidi lyake,

I Vakolintu 12:7

Kwakula munu vankumupa kulilodya kwa Imumu kwapaida yavanu uti.

Vitendo 20:27

mwaa ndivalanganga panikapiyapiyanga malotelo uti a Nnungu.

Nshuwau 10:35

Ikava kenga avalá vapatíle ntenga wake Nnungu, andivashema kuva vannungu, napane Maandiko hapali wakuulula kuputanga,

Mateu 26:56

Uti avi vinkutandeka pakulota awikile popo Maandiko avakulava.” Bai vakwoda vake uti vanínneka kutwala kutukutanga.

Vitendo 1:16

“Mmanung'unumunu, Maandiko atangwele kala Imumu Wanashwe kwaindila imwe Daudi andivaikila awikile popo; Maandiko lo amwamba Yudashi, nannimya wakulangalalela shipinga shinkamwíle Yesu

Mateu 21:42

Yesu kushidoni, “Da mwenu hamushamidye mmaandiko, “ ‘Vakudenga lijanga lyavaitile lyo, lindyuka ndava lijanga lyapalitununa. Átandile davo ni Umu, ni vyamakango kwetu wetu.’

Valoma 4:23

Mwenu, malove ala akummalangilila nae kuva ishaliya haandikigwe kwaupande wake nae gweka

Vabalaniya 11:1

Mwenu, likulupililo ni kuvanavo wakikisho wavinu vilindililígwa, kukubali avilá víkaaneka.

Valoma 3:2

Oe! Ankupagwa kula upande! Shitandi vayuda vandikulupiligwa malove ake Nnungu.

Vitendo 28:25

Napavedoni vàpagwite mukutaukananga shivenevene, Paulu andívaulila vaumanange atangola lilove limo, “Imumu Wanashwe anditangola viu na vanakuluvenu kwaindila imwe nkúlava Ishaiya

Malukushi 12:36

Jo mwene Daudi alangalalegwa na Imumu Wanashwe atédoni, “Umu andimwaulila Nang'olo wangu doni, ‘Ikala kunkanakono kwangu mpaka nangu ndivavike vamongo vako kumaulu kwako.’

Mateu 26:54

Na davo po alota kuwikila dashi popo Maandiko atédoni, ‘Indivaikila itandakele momo’?”

Mateu 22:43

Yesu kushidoni, “Napanelo mwaa shani jo Daudi alangalalegwa na Imumu, aninshema kuva nang'olo wake? Mwaa nae atédoni,