II Timoti 2:3 - Ibibiliya mu Shimakonde Imbodi Yaambi na dimbande dya Imbodi Yakala

³ Liinjidyange mumauvilo kenga mwíng'ondo wambone umwe Klistu Yesu.

II Timoti 2:3 Referans Kwoze

Tiyagu 1:12

Andyalaligwa munu álipililila nkati mmalingo mwaa ling'oto lyakukubaligwa, andapata lidaka lyashingumi lyalivikidile Nnungu kwa avalá vannagwalédya.

II Timoti 4:5

Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.

II Timoti 1:8

Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

Vabalaniya 10:32

Kanji napane kumbukila maduva matandi ling'oto lyakupata lilangadyo, mwenu mundilipililila ing'ondo ing'umene kwamauvilo,

II Timoti 2:10

Napavedoni uti ninkulipililila kwamwaa wavakutandalegwa pakulota navanavo vapate kwambolegwa kupagwíte nkati mumwe Klistu Yesu pamo na lishangelo líkamalilika.

I Timoti 1:18

Lilailililo ali ninkukukamudya mwanangu Timoti kwodananavo malavilo atangaléke kwamwaa wako kwambangidya dashi, kwaindila yaanavo utende ing'ondo yo yambone

II Timoti 3:11

kupapatigwa na mauvilo; vinu vingutandéke ku Antiyokiya, Ikoniu na Kulishitala. Kupapatigwa aku uti, ndilipililila na nkati muvinu avyo uti Umu aninguposha.

II Vakolintu 1:6

Ikava kenga tunkupata mauvilo ni kwamwaa wakupambadyangigwa na kwambolegwa kwenu mwenu; ikava kenga tunkupambadyangigwa ni kwamwaa wakupambadyangigwa kwenu mwenu akulá kwamupata mulipililila mauvilo lolo átuuvauvanga wetu.

Vabalaniya 11:27

Kwalikulupililo andyúma mushilambo sha ku Mishili kwabila kujopa shitundi shimwe umu mwaa andínanopa kenga ángwene aijá ákaaneka.

Vabalaniya 6:15

Ivédoni, ling'oto limwe Abulaamu kulindila kwaupole, nae andípata ashilá shaukile ndalivikila Nnungu.

I Vakolintu 13:7

Lindáshikulila uti, lindákulupila uti, lindálindililila uti, lindálipililila uti.

I Vakolintu 9:7

Nyani átumika kenga mwing'ondo alilisha kwanshala wake jo mwene? Nyani ápanda nnandi wavyepo kutwala mene kulya vyepo vyake? Nyani áshunga ding'ombe kutwala mene kukumbila mashiwa ake?

II Timoti 1:1

Paulu, myombe umwe Klistu Yesu kwalilotelo lyake Nnungu kwakwodanavo kulivikila kwashingumi shipagwíte nkati mumwe Klistu Yesu,

II Timoti 2:9

aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

Pilemoni 1:2

pamo na numbumunu Apiya namu Alikipu mwíng'ondomwetu na liganisha likadyaniánga po paing'ande pako po.

Vitendo 23:31

Napanelo vaing'ondo kwodana na lilamulo lyavapatile kwananangalaledi wave, vaníntwala Paulu shilo-shilo mpaka palikaja lya Antipatilishi.