II Timoti 1:8 - Ibibiliya mu Shimakonde Imbodi Yaambi na dimbande dya Imbodi Yakala

⁸ Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

II Timoti 1:8 Referans Kwoze

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

Malukushi 8:38

Munu woewoe waimbula ai yakulavalava na yakutega akangwanangila nangu dyoni na kwanangila malove angu, Mwana Wamunu momo andamwanangila dyoni paida mulishangelo lyatatake àvele pamo na vanjelo vakwilimyanga.”

II Timoti 4:5

Kanji napane wako ava umunu wakulilaledya muvinu uti, lipililile mauvilo, kola shimadengo shankúvalanganga ntenga wambone, tandedya utumika wako ukawikile popo.

Maono 12:11

Vanavo vanintema kwamwaa wamyadi vya Ngandolo na kwalilove lyaushuda wave mwaa vanavo havanagwaladídye shingumi shave pakulota vanapele.

II Timoti 2:9

aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

II Timoti 1:12

Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

Vaepeshu 3:1

Kwamwaa au nangu Paulu, nkúngwa umwe Klistu Yesu kwauwambone wenu mwenu mmamidi;

Vapilipo 3:10

Ngulota nimmanye Klistu, ngumanye dimongo dyakudyuka kwake na ngupagwe muupamo wamauvilo ake ngulinganana namu nae mukupela kwake

Lukashi 9:26

Munu woewoe akangwanangila nangu dyoni na kwanangila dyoni malove angu, muliduva lyakwida Mwana Wamunu na lishangelo lyake, mulishangelo lyolyo lyatatake na lyavanjelo vakwilimyanga, nanae munu ajo andamwanangila dyoni.

II Timoti 1:16

Umu alodye shididi shake paing'ande imwe Oneshipolu mwaa myanda vyoe aningutaa dimongo na yakungwa yangu, haanenge dyoni,

Vaepeshu 4:1

Napavedoni nangu nkúngwa umwe Umu, ninkunnaililila muname shinamidyo shivaikidíle nkati mukushamegwa akulá kwamushamagwidye;

Maono 1:9

Nangu Nshuwau ninung'unumunu na ninjenu ngúpagwa pamo namu mwenu mumauvilo, muutawala na mukunanopa nkati mumwe Yesu. Ndípagwa pashitingi shavashema Patimu kwamwaa walilove lya Nnungu na ushuda umwe Yesu.

Yudashi 1:24

Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,

I Patulu 1:5

Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.

II Timoti 2:3

Liinjidyange mumauvilo kenga mwíng'ondo wambone umwe Klistu Yesu.

I Vateshalonika 3:4

Mwaa patupagwíte namu mwenu tushindamwaulila kaladavo kenga wetu tundauvauvanga na mwiu vinditandakela momo kenga mo mwamumanyilile.

Vapilipo 1:7

Ni shinu shivaikidíle shakunkumbukila nangu mwenu uti mwaa nangu nimmika muntima mwangu; ata mukungwa kwangu na ata mukushililidya kwali mukwakikisha ntenga wambone, uti mwenu ni mmakumajananga nanangu muumonyo.

Vaepeshu 3:13

Nadoni ninkunjugwa hamunadabadabange kwamwaa wamauvilo ánguvenavo yenu mwenu mwaa lolo lo, alishangelo lyenu.

Valoma 16:25

Napane kwa aijá áulula kunnonowanga mwenu kwodananavo ntenga wambone wangu na kummalanganga kumwe Yesu Klistu kulingananavo kulilodya kwashipii she shilipiídye muwakati úkamalilika

I Nshuwau 4:14

Wewe tuvene tundyona na tunkumya ushuda kenga Tatamunu anintumidya Mwanagwe pakulota ave Mwamboli wamushilambo amu.

II Timoti 4:17

Umu napane andípagwa namu nangu, akangupa dimongo pakulota dashi, kwaindila yangu nangu kuvalanganga kwalilove kutandeke-uti mpaka vamidi uti vaigwe. Namomo ndikaposhegwa nkanywa mwantumi

Vapilipo 4:13

Uti ninkuulula kutandedya nkati mwake aijá ángupa dimongo.

Valoma 9:33

Kenga mwatangalela Maandiko, “Mwenu, nangu ninkuvika pa Shiyau lijanga lyakulikuvala lijanga lyo lyakutaa shitundi; aijá álota kukulupila, mwiko hatutala.”

Vitendo 5:41

Vamyombe vandyúma panguguvale awo vapuwanga pakuva vandivalangiligwa aki yakunyambikanga kwamwaa wa Lina ali.

Maono 19:10

Napanelo ndígwilangila mmadodo mwake pakulota ngulipudye kwake kanji nae kushidoni, “Haunatende davo! Nangu ni ntumika kenga wako na kenga vanung'unumunu vavénavo likulupililo muushuda wake Yesu. Lipudye kumwe Nnungu! Mwaa ushuda ummalangánga Yesu ni imumu yakulava.”

Maono 1:2

Nshuwau andivalanganga uti vyagwene mulilove lya Nnungu na ushuda umwe Yesu Klistu.

I Vakolintu 1:6

kwoda ushuda umwe Klistu undyuka ndaanakana pakati penu.

Nshuwau 19:35

Aijá ágwene vinu avi andyumya ushuda na ushuda wake ni waumwiu. Nae andimanya kenga ankuvalanganga umwiu; ankuvalanganga pakulota namwenu momo mukulupile.

Vakoloshu 1:24

Napanelo ninkupuwangila mumauvilo angu kwamwaa wenu mwenu mwaa nkati mumili mwangu, ninkuumbadya mauvilo aovíte amwe Klistu kwamili wake lìvele lyo liganisha.

Vaepeshu 4:17

Nadoni ninkutangola na ninkumya ushuda nkati mumwe Umu, hamunaname kavili kenga mmamidi mukunyambikanga makumbukililo ave.

II Vakolintu 6:7

kwalilove lyaumwiu, kwadimongo dyake Nnungu, kwadyuti dyaishaliya kunkanakono na kunshanda,

Valoma 8:36

Kenga indyandikigwa, “Kwamwaa wako tunkubyaigwa shilo na mui; tunkuvalangiligwa kenga vangandolo vakuka ndavashinda.”

Nshuwau 15:27

Namwenu momo mundaumya ushuda wangu mwaa mwenu mundípagwa namu nangu tangu kunantandi.

I Timoti 2:6

ályumidye jo mwene kuva lyambolelo kwaupande wavanu uti. Au ni ushuda uukíle ndatandeka muwakati wake.

Vakoloshu 1:11

munanawangika na dimongo uti kwodananavo dimongo dyalishangelo lyake kwakulipililila na kwaupole uti,

II Timoti 1:10

napane undililodya kwakuumilila kumwe Mwamboli wetu Klistu Yesu. Kwaupande unji nae andimalidya kupela, kwaupande unji mulilangadyo kwidanavo shingumi na ungapela kwaindila yantenga wambone,

II Timoti 2:8

Nkumbukile Yesu Klistu ádyukile pakati pavakupela, ndukulugwe Daudi kwodananavo ntenga wambone wangu