II Timoti 1:5 - Ibibiliya mu Shimakonde Imbodi Yaambi na dimbande dya Imbodi Yakala

⁵ Ninkukumbukila likulupililo lyako liu lyo lye lipagwíte shitandi kwanakuluvo Loide na kwanyoko Eunike na ambi apa ninkuvanavo wakika kenga linkupagwa nkati mwako.

II Timoti 1:5 Referans Kwoze

I Timoti 1:5

Malotelo napane amalailililo etu ni linagwaledyo lyúma muntima úkave ushapu, makumbukililo ambone amuntima na likulupililo líkave shinankulaba.

Vitendo 16:1

Nae andyúka mushu na shimwanda shake mpaka pa Delebe na pa Lishitala; napanelo palyutu alyo ashindanama nkwóda jumo walina Timoti; anyoke avele nkúkulupila walikola lyashiyuda kanji tatake avele mugalegu.

I Timoti 4:6

Ukavaulila vinu avi vanung'unumunu, undava ntumika wambone umwe Klistu Yesu ulidyavalakedya kwamalove alikulupililo na amapundisho ambone awodedya.

II Timoti 3:15

na kumanya kenga tangu shidyoko shako undimanya Maandiko akwilimyanga aululíka kukutadya kuva walimanyilo kwakwambolegwa kwaindila yalikulupililo nkati mumwe Klistu Yesu.

Valoma 15:14

Mmanung'unumunu nangu nimwene ninkuvanavo wakika kenga mwenu mundyumbaligwa na wambone mùumbaligwidye na limanyilo uti muulula kupundishania shivanavene.

Vabalaniya 6:9

Kwenu mwenu mmakunagwaleka, ata ikava kenga tunditangola kwainamuna ai, tunkuvanavo wakika wakupagwa kumanyikanga kwavinu vipagwíte nkati mukwambolegwa.

II Timoti 1:12

Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

II Vakolintu 6:6

kwaungave-ushapu, kwalimanyilo, kwakulipililila, kwalitananilo, kwa Imumu Wanashwe, kwalinagwaledyo líkave shinankulaba,

Valoma 8:38

Mwaa ninkuvanavo wakika kenga i kupela, i shingumi, i vanjelo, i vakutawala, i vyaambi apa, i vilóta kwida, i lyululilo,

Valoma 4:21

akulupila do, uti avilá vyalivikila Nnungu, vyovyo vyo ankuulula kutandedya.

Vabalaniya 11:13

Uti ava vandipela mulikulupililo kwabila kupata ashilá shavalivikidíle kwavanavo. Kwakushu vandyóna kutwala kupuwangila valimanya kenga vàkwaloka na vàkupita mushilambo amu.

Valoma 14:14

Nangu ndimanya na ninkuvanavo wakika nkati mumwe Umu Yesu doni, hashipali shakulya shiliténda sho shene kuva shishapu paikavele aijá ávalangila kuva shishapu kwake nae ko, shishapu.

Valoma 14:5

Apali ávalangilila liduva kuliko liduva linji, junji kuvalangilila maduva uti mumo momo. Kula munu aliikiniye muding'anong'ano dyake.

Vitendo 26:26

Apa apali umu Agilipa ámanyite shana vinu vyene uti; ni ashi shingutádya nangu ngutangole na kulitamanga pamevo pake mwaa ninkuvanavo wakika kenga pakati pavinu avi uti hashipali ata shimo shimpundíle na hashipali ata shimo shitandéke shipiipii.

Nshuwau 1:47

Yesu kumwona Nataniyele amwidila kutwala kushidoni, “Mwenu! Aju ni mwishilaeli mmwiu ákave malambi.”

I Patulu 1:22

Napanelo pamulyushanienge ushapu muungumi wenu kwaindila yakwigwilila umwiu mutadya kupagwa mulinagwaledyo lyashinung'unumunu líkave shinankulaba, bai nagwaladyania kwabila kudabadabanga kwantima úkave ushapu.