II Timoti 1:15 - Ibibiliya mu Shimakonde Imbodi Yaambi na dimbande dya Imbodi Yakala

¹⁵ Wako undimanya doni uti vamulijimbo lya ku Ashiya vaningwambukanga, pakati pave Pigelu namu Elimogeneshi.

II Timoti 1:15 Referans Kwoze

II Timoti 4:16

Mukulishililidya kwangu kutandi, hapali munu ata jumo e avéle upande wangu, uti vaníngwambukanga. Kwashitendo ashi, havanavalangiligwe.

Vapilipo 2:21

Vanji uti vaangaikangila vyave i vimwe Klistu Yesu.

Vitendo 19:10

Bai shimadengo asho Paulu andítenda muvyaka vivili mpaka vanu uti valijimbo lya Ashiya, vayuda namu vamidi kwigwa lilove lyake Umu.

I Vakolintu 16:19

Maganisha uti a ku Ashiya, ankuntumidya nandele. Akila namu Pilishila pamo na liganisha likadyaniánga paing'ande pave, vankuntumidya nandele wadimongo nkati mumwe Umu.

Vitendo 19:27

Napavedoni shipali shijoidyo i gweka yakuliuligwa nshulushu wetu kanji namomo ata yo ing'ande imwe nangangonda nnungu Alitimishi, vanu vandailudyanga na shimbili uti shannungu wene wavalipudya vanu uti ku Ashiya akuno na muvilambo vinji, shindamalilika.”

Vitendo 16:6

Vanavo vandípita isemu ya ku Piligiya na ku Galata vakadivililigwa kwa Imumu Wanashwe kuvalanganga lilove ku Ashiya.

Vitendo 20:16

Paulu andyámuwa kupita umungu pa Epeshu kwambangidya mulijimbo alyo lya Ashiya hanatimatimange mwaa avele na ntima wakuwika shipajelo ku Yelusalemu na ata leka yùlulike awike liduva lya Pentekoste likanava kuwika.

Vitendo 19:31

Namomo vananangaleledi vanji vashilikali valijimbo lya Ashiya vavagwe Paulu navanavo vandítumidya ntenga vanjugwangila hanalyalaveke kuka kushiwanja shamishesho.

Vitendo 2:9

Apa tupali tuvalipaliti, tuvamedi, tuvaelami, twálakadile ku Meshapotamiya, ku Kapadokiya, ku Pontu, ku Ashiya, tuva ku Yudeya akuno,