II Timoti 1:13 - Ibibiliya mu Shimakonde Imbodi Yaambi na dimbande dya Imbodi Yakala

¹³ Odedya mpano wamalove mangumi awigwite kwangu upagwa mulikulupililo na linagwaledyo lipágwa nkati mumwe Klistu Yesu.

II Timoti 1:13 Referans Kwoze

Titu 1:9

akamulila lilove lyakukulupilika kenga mwavapundishididye kwambangidya aulule kuvapa vanji ntima shii nkati mumapundisho mangumi na kuvataukanga avalá vapínga.

II Timoti 3:14

Wako napane pagwa nkati muumwiu aulá waulipundishidye na wawakikishidye ummanya aijá waulipundishidye

Vapilipo 4:9

Avilá vyamulipundishidye, vyamupatile, vyamwigwite na vyamugwene kwangu nangu, vinu avyo tandedya na Nnungu waamani andapagwa namu mwenu.

Valoma 6:17

Kanji napane lilambwalalelo live kwa Nnungu, mwemwe mwe muvéle mmatumwa validambi mundyuka ndaigwilila na mitima vyenu mpano wamapundisho alalá avankamudidye.

II Timoti 2:2

Avilá vyawigwite kwangu nangu pamevo pavashuda voe, vakamudye vanu vakukulupilika valóta kuulula kuvapundisha vanu vanji momo.

Maono 3:11

Ninkwida shipajelo! Kamulila ashilá shauvenavo kwambangidya hanatwale munu lidaka lyako.

Maono 3:3

Kumbukila avilá vyaupatile na vyawigwite, tandedya na lijugulange. Napane ikava kenga hauva mevo, bai ndakwidila kenga nkwíva, wako haumanya isaa yangulota kukwidila.

I Timoti 1:14

Napane umonyo umwe Umu undipakatika namene kwangu nangu kwalikulupililo na linagwaledyo lipagwíte nkati mumwe Klistu Yesu.

Yudashi 1:3

Mmakunagwaleka, ata ikava kenga ngushindatumbama yakumwandikila kwamwaa wakwambolegwa kwaupamo, ndyona kudyanga nimwandikile ninnaililila pakulota mushililidye likulupililo lyavapatile vakwilimyanga kwamwanda umo tu bai.

Vabalaniya 10:23

Tukamulile na dimongo lilindilililo lyetu lyatulyaula kwabila kudumbadumba mwaa aijá álivikidile jo, nae ni wakukulupilika.

II Timoti 1:14

Ashilá shambone shaukile ndakulupilika, shunga kwa Imumu Wanashwe ánama nkati mwetu.

Valoma 2:20

wako nkúpundisha wavajinga, mwalimu wavadyoko pakuva wako undivanavo mulilamulo mo wakikisho walimanyilo na umwiu.

Titu 2:1

Wako napane tangola avilá vyodananavo mapundisho mangumi.

I Timoti 6:3

Munu woewoe akapundisha mapundisho akuvilingananga na ákaitikananga na malove mangumi amwe Umu wetu Yesu Klistu na ata mapundisho aodánanavo kunjopa Nnungu,

Vapilipo 1:27

Shikumene nama muvaikidíle ntenga wambone umwe Klistu pakulota ndikaida nannola kwali ndikanaida, ngwigwe kwenu mwenu kenga munkunanopa mu Imumu jumo, kwaunapamo mulikanyalidya kwamakumbukililo amo lolo kwamwaa walikulupililo lyantenga wambone

I Timoti 1:10

vakulauka pamo na valalána shilumelume, vaténda nshulusho wavatumwa, vakushang'apa, valilápa kwaushwang'a na uti avilá vipínga mapundisho mangumi,

Maono 2:25

ila ashilá shamuvenavo, kamulila na dimongo mpaka nangu pangulota kwida.

Vabalaniya 4:14

Napavedoni pakuva tunkuvanavo nkúlangalalela-shadaka nkumene-uti áinjidile kuwa, Yesu Mwana wake Nnungu, indituvaikila tunanope mu ashilá shatulyaula.

Vabalaniya 3:6

kanji Klistu andikulupilika kenga mwana ávenavo madalaka amwing'ande uti ya Nnungu. Napane ing'ande yene yo, ni wetu ikava kenga tundashunga kwadimongo kukulupila kwetu na alilá lilindilililo lyatulitumbyangidya.

Titu 2:8

na shitangodi shingumi shíkatangadikigwa kwambangidya dashi, woewoe ákupinga wako avenavo dyoni pakaavanavo shoeshoe shakunyata shakututambulanga wetu.

I Vateshalonika 5:21

kanji tenda nningo vinu uti mutwale mukamulile ashilá shambone.

Vakoloshu 1:4

kutunduvangila patwigwite yalikulupililo lyenu nkati mumwe Klistu Yesu na linagwaledyo lyamuvenavo kwavakwilimyanga uti

II Timoti 1:1

Paulu, myombe umwe Klistu Yesu kwalilotelo lyake Nnungu kwakwodanavo kulivikila kwashingumi shipagwíte nkati mumwe Klistu Yesu,

II Timoti 4:3

Mwaa undawika wakati wavakalota kulipililila vanu mapundisho mangumi kanji vavanavo matu akunyang'anyang'a, vandalyumbadidya vamwalimu kwodananavo ditamaa dyave vo vene.