II Timoti 1:12 - Ibibiliya mu Shimakonde Imbodi Yaambi na dimbande dya Imbodi Yakala

¹² Kwamwaa wavinu avi namomo ninkuvauvanga kanji hangunona dyoni mwaa nimmanya aijá waninkulupidile na ninkuvanavo wakika kenga nae ankuulula kushunga ashilá shangukulupidile mpaka muliduva alyo.

II Timoti 1:12 Referans Kwoze

II Timoti 1:8

Napavedoni haunaanangile dyoni kumya ushuda umwe Umu wetu na ata kwamwaa wangu nangu nkúngwa wake kanji uvauvanga namu nangu kwamwaa wantenga wambone kwodananavo dimongo dya Nnungu

Yudashi 1:24

Mwenu, kwa aijá Wadimongo pakulota kunshililidya mwenu hamunalikuvale na kwambangidya akamwimidye múkave makosha pamevo palishangelo lyake kwalipuwilo likumene,

I Patulu 4:19

Napavedoni avalá vauvauvánga kwamalotelo ake Nnungu kwakutandedya wambone, indivaikila vankamudye ungumi wave Namumba wave ákulupilika.

II Timoti 4:8

Kutunduvangila apa, vaningukandyedya lidaka lyaishaliya lyalota kungupa Umu, nkúukumu waishaliya muliduva alyo na i gweka nangu kanji namomo uti avalá vanagwalédya kuumilila kwake.

Vabalaniya 7:25

Napavedoni nae ankuulula kuvaambole-uti avalá vammandíka Nnungu kwaindila yake pakuva jojo jo, ankunama ngwengwe pakulota kuvajungwangila vanavo.

I Timoti 6:20

Wako Timoti, shunga ashilá shaukulupilike. Lyapukaniange na shitangodi shíkave mana na mitau vyavashema kwakushang'apa kuva limanyilo.

Valoma 1:16

Mwaa hangunona dyoni kwantenga wambone pakuva ni dimongo dyake Nnungu dyakwambola kwaupande wavanu uti vakulupíla; shitandi kwamuyuda ling'oto kwangalegu.

Mateu 24:36

“Napane liduva lyene lyo na isaa, hapali ámanyite, ata vanjelo kuwa havamanyite, ata Mwana hamanyite ila ámanyite ni Atata bai.

I Patulu 1:5

Kwadimongo dyake Nnungu, mwenu munkushungigwa kwaindila yalikulupililo mpaka muwakati wamwisho wakulilodya kwambola kuvéle tayali.

II Timoti 1:18

Umu amupe litala lyakupatila shididi shaalakéla kumwe Umu muliduva alyo! Wako undimanya shana uti mwangutumikidile nae akulá ku Epeshu.

Vapilipo 3:21

Nae andabadilisha mili vyetu vyakudabadabanga kutadya vilinganane na mili wake walishangelo kwaindila yadimongo dintádya aulule kuvika vinu uti mwina mwake.

II Timoti 2:9

aulá wanguvauvangila ata mpaka kungwa kenga nkalau kanji lilove lyake Nnungu, halinaungwa shinu.

Vapilipo 3:10

Ngulota nimmanye Klistu, ngumanye dimongo dyakudyuka kwake na ngupagwe muupamo wamauvilo ake ngulinganana namu nae mukupela kwake

Vapilipo 3:8

Ata kwakupunda apo, ninkwona vinu uti kuva vyakujaika kwamwaa waukumene wakumamodya walimanyilo limwe Klistu Yesu Umu wangu, aijá waninjaikangila vinu uti. Avyo uti ninkwona kuva dinywashwa kwambangidya nimpate Klistu

I Vakolintu 3:13

shimadengo shakula munu shindaaneka mwaa Liduva alyo lindalodya ngala. Doni, shindaunukuligwa kwamoto na wo moto wo, undatenda nningo wainamuna yashimadengo shakula munu.

Nshuwau 17:15

Hangunajugwa shinu uvaumye mushilambo ila uvashunge kwa aijá nkalau.

Mateu 12:21

Kwake nae vamidi vandavanavo lilindilililo.”

Valoma 9:33

Kenga mwatangalela Maandiko, “Mwenu, nangu ninkuvika pa Shiyau lijanga lyakulikuvala lijanga lyo lyakutaa shitundi; aijá álota kukulupila, mwiko hatutala.”

I Patulu 4:16

Kanji ikava kenga munu ankuvauvanga kwamwaa wakuva unklistu, hanone dyoni ila amupe lishangelo Nnungu kwamwaa walina ali.

Vabalaniya 12:2

tunnola Yesu mwene nkútunduvanga na nkúwisha popo walikulupililo lyetu. Nae kwamwaa walipuwilo livikígwe mushu mwake, andilipililila panshalaba ailudyanga dyoni na andiikala kunkanakono pashiteng'u shake Nnungu.

Vabalaniya 2:18

Pakuva jo mwene andyuvauvanga mukutubigwa, ambi apa ankuulula kuvapwashela avalá vatubígwa.

I Vateshalonika 2:16

vakanyalidya vatudingadinge pakulota hatunatangole na vamidi kwambangidya vanavo vo, vaambwalegwe na pakulota vo vene vaunjikiligwe shipimo shamadambi ave, kumbe shitundi shindivagwela.

Vapilipo 1:20

Shilakolilakoli shangu na lilindilililo lyangu ni ali, hashipali ata nkati mushimo shilóta kungutaa dyoni kanji kwantima washinannume kenga ngwengwe na ata ambi apa, Klistu andatumbyangilika mumili mwangu, ata mushingumi na ata mukupela.

Vitendo 21:13

Kanji Paulu kutwala kushidoni, “Mwaa shani mwenu munkulila na munkungutaa shipalodi shoe muntima mwangu? Mwaa nangu apa i ngukubalidyé gweka kungwa kanji ata yakupela kwamwaa walina limwe Umu Yesu, ndikubali momo.”

Vitendo 13:50

Kanji vayuda vandívatumbilikanga vanang'olo pamo na vakongwe vakulipudya na vakwishimika vapalikaja alyo kutwala vanavo kutunduvanga kuvapapata vapaulu na vandívavinganga mulilanga alyo.

Vitendo 13:46

Ata ikave davo Paulu namu Balinaba vandítangola pavakajugulanga shinu vaashidoni, “Indívaikila shitandi tuvalangange lilove lya Nnungu kwenu mwenu kanji kwodamwaa munkwita na munkulyapula mushingumi shíkamalilika, bai wetu mwanda au kwavamidi.

Vitendo 9:16

nene nimwene nannodya mauvilo oe álota kumpata kwamwaa walina lyangu.”

Vitendo 7:59

Shiteva akuno vamwamanga majanga, nae ashindakugwa aashidoni, “Umu Yesu pwashalela imumu yangu!”

Nshuwau 6:44

Hapali munu wakuulula kwida kwangu bila Atata ángutumididye kunnangalalela aide kwangu. Nangu munu ajo, nandyuwa muliduva lyamwisho.

Lukashi 23:46

Bai Yesu andíkuta pashanya po aashidoni, “Atata, mmakono mwako ninkukamudya imumu yangu.” Patangwele davo, nae kujaa shingumi.

I Vateshalonika 5:4

Kanji napane mwenu mmanung'unumunu hamunapagwa shinu mushii kwambangidya liduva alyo halinampatikaniange kenga nkwíva

Lukashi 10:12

Ninkumwaulila doni, muliduva lyaukumu venentete va ku Shodoma vandapata shaushanga shaangolo kuvapunda vanu valikaja alyo.

Mateu 7:22

Muliduva alyo vanu voe vanangwaulila doni, ‘Umu, Umu! Da wetu palina lyako hatulavile, palina lyako hatukumulenge majini na palina lyako hatutandile vyamakango vyoe?’

I Vakolintu 1:8

Nae anannonowanga mwenu mpaka kumwisho pamukaaneka makosha muliduva alilá limwe Umu wetu Yesu Klistu.

II Timoti 1:14

Ashilá shambone shaukile ndakulupilika, shunga kwa Imumu Wanashwe ánama nkati mwetu.

II Timoti 1:16

Umu alodye shididi shake paing'ande imwe Oneshipolu mwaa myanda vyoe aningutaa dimongo na yakungwa yangu, haanenge dyoni,

Titu 3:8

Lilove ali, lyakukulupilika na kwavinu avi ninkulota doni, wako wigwiniye shana kwambangidya dashi, avalá vankulupíla Nnungu vaangaikangile kupagwa muvitendo vyambone. Vinu avi vyamana na vinkuvanavo paida kwavanu.