II Nshuwau 1:9 - Ibibiliya mu Shimakonde Imbodi Yaambi na dimbande dya Imbodi Yakala

⁹ Uti aijá ákapagwa nkati mumapundisho amwe Klistu kanji apundanianga anavo, ajo have Nnungu. Napane aijá ápagwa nkati mumapundisho, ankuvanavo Atata namomo kuvanavo Mwana.

II Nshuwau 1:9 Referans Kwoze

Vakoloshu 3:16

Lilove limwe Klistu liname namene nkati mwenu, mupundishania na mudumana kwalimanyilo uti, mwimba dimu, dimu dyalutumbyango na vilanga vyaimumu, muvanavo lilambwalalelo mmitima vyenu kwa Nnungu.

I Nshuwau 1:3

Aijá watungwene na watumwigwite, tunkummalangangila mwenu momo kwambangidya namwenu muvenavo upamo namu wetu, namwiu upamo wetu unkupagwa namu Atata pamo na Mwanagwe, Yesu Klistu.

Vitendo 2:42

Napanelo vanavo vashindangaikangila mapundisho avamyombe, upamo, kumajananga ligung'u na kushwali.

Titu 2:10

pavakaiva kanji valodya kukulupilika kwambone uti kwambangidya vanemye muvinu uti, mapundisho ake Nnungu Mwamboli wetu.

Nshuwau 15:6

Leka munu akapagwa nkati mwangu, munu ajo akandijalegwa ako kenga lutavi kutwala kujuma. Dinavi adyo vandalakota, kujela pamoto kutwa kupya.

Nshuwau 14:6

Yesu kushidoni, “Nangu ni Indila, Umwiu na Shingumi. Hapali wakwida kumwe Atata pakapitila kwangu nangu.

Nshuwau 5:23

kwambangidya vanu uti vamwishimu Mwana kenga mwavamwishimila Tatamunu. Ákamwishimu Mwana hanamwishimu shinu Tatamunu, aijá ántumididye.

Lukashi 10:22

Atata aningukamudya vinu uti. Hapali munu junji ámmanyite Mwana pakavele Atata na hapali ámmanyite Atata pakavele Mwana pamo namu aijá walota kummalangangila Mwana.”

Vabalaniya 6:1

Napavedoni tuleke mapundisho akutunduvanga kwamwaa umwe Klistu na tuke mushu nkati mukukulumuka kwabila kudenga kavili shitunduvangilo yani, kulijugulanga kwavitendo vyakupela, likulupililo kwa Nnungu,

Vabalaniya 3:14

mwaa wetu tuukilé ndaliinjidyanga nkati mumwe Klistu ikava kenga mwiu tundakamulila mpaka kumwisho likulupililo lyetu lyatupatile kunantandi.

Mateu 11:27

Vinu uti aningukamudya Atata. Hapali junji ámmanyite Mwana ila Atata na hapali ámmanyite Atata ila Mwana pamo namu aijá walota kunnodya mwene Mwana.

Nshuwau 8:31

Napanelo Yesu andívaulila vayuda váshinkulupila nae kushidoni, “Mwenu mukauka mushu mwigwilila mapundisho angu mundava mwiu mmakwoda vangu.

III Nshuwau 1:9

Ndyandikila liganisha: kanji Diotelepeshi munu ínannagwela namene ave nang'olo pakati pave, hanatwigwilila.