Taitus 2:11 - Kamano

¹¹ Hu'neanagi Anumzamofo asunku zamo vahe avare'zana hakare vahete erino efore hu'ne.

Anumzamofo Routage Avantafere

¹¹ Na'ankure Anumzamofo asunku zamo vahe avare'zana hakare vahete erino efore hu'ne.

Taitus 2:11 Referans Kwoze

1 Timoti 2:4

Kefo zampinti tahoke he'nea ne'mo, maka vahemo'za tamage naneke antahi'za zamasimu erisazegu avenesie.

Efesasi 2:8

Na'ankure tamentinti nehzagu asuntgiramanteno tamaza huno tamavre'ne. Tamagra'a knare'za hu'nanaza zante anara osu'neanki Anumzamo museza (gift) tami'ne.

Hibru 2:9

Osia knafi ankero agorga azeri fenkate'nea nera tagra Jisasina kenone, menina azeri antesga huno msazama'areti kini fetori antente'ne. Hu'negu Anumzamo asuragirantenegu mikamotagu huno frizampina ufrene.

Efesasi 2:5

Kasege'a ruha'nentagita fri vahe kna huta mani'nonkeno, asunku'zanteti tahokeno, tagrira fri'zampitira,

2 Tesalonaika 2:16

Menina Ranti Jisasi Kraisine, Anumza Nafatimo, avesinerante'mo mani vava mani'zane, knare amuhazane asunkuzama'areti neramino,

Romu 5:15

Hu'neanagi Adamu kumimo'ene, Anumzamofo knare musezamo'enena magoknara osu'ne. Na'ankure magoke ne'mofo Adamu kumimo frizana rama'a vahetera avareno ege'za fri'naze. Hianagi Rana Anumzane, mago nera Jisas Kraisimpi knare asunkuzane kumiti apase atrerante zana tamine.

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Aposol 11:23

Agrama eno Anumzamo'ma asunku'ma humazmanteaza negeno, muse nehuno zamazeri hanaveti ke zamasmino, tamage huta tmaguareti Ramofonte maniho hu'ne.

Aposol 20:24

Hu'neanagi navufagura nagesa nontahue, tusi'a zana eri'zani'a erivaga nere'na, Ra Jisasi'ma eri'zama namino vahe'ma zamasmio hu'nea eri'za eri'na Anumzamofo asunku zankura knare nanekea vahera zamasmigahue.

Luku 3:6

ana mika vahe'moza Anumzamo'ma tahokema heazana kegahaze. (Aisa 40:3-5)

1 Timoti 1:14

Ra Anumzamofo asunku zamo'a agtereno avite'ne, amentintine avesizanemo'a Krais Jisasimpi me'negeta negone.

Romu 5:2

Na'ankure Kraisimpi tamentinti hu'nazamo tavreno amama mreri agatere'nea kumapi efregeta menina otineta, hankavea e'nereta, Anumzamo'ma msazama'anema esigura avega ante'nonazamo higeta musena nehune.

Kolosi 1:6

Ana knare musenkemo'a tamagrite e'neankino, miko kokankoka ama ana knare musenkemo'a hageno raga'a renente. Tamagrama ese knazupa ana knare musenkema nentahitma, Anumzamofo asunkuzana tamage hutma antahi ama hu'naze.

Galesia 2:21

Nagra Anumzamofona asunku'zana namage'na hunemi'na eri amnezankna osugahue. Tagrama kasegema avaririsunkeno, Anumzamo taguvazigahie hanunkeno'a, Jisasi'ma frino tazeri agruma hu'neazamo'a amnezakna hugahie.

2 Korinti 6:1

Tagra eri'zama e'nerunana magoka Anumzamo'ene e'neruna nagamota hankavetita neramasmune, Anumzamofo asunku'zana eriteta, atrenkeno amnezanknara osino.

Aposol 13:47

Ramo'a amanage huno hanavege hurante'ne, Nagra huhampri kantoankinka, kagra megi'a vahera tvi zami mani'nenka, kumipinti zamazahu kea erinka mopa atupare uhanatigahane huno tasami'ne. (Aisa 42:6, 49:6)

Aposol 13:43

Mono'ma osi mono nompi (sinagog) huvgarete'za, vu'za e'za nehageno, rama'a Jiu vahe'mo'zane, Anumzanku koro nehaza megi'a vahe'mo'za, Poline Banabasi kizani zanavriri'za nevzage'ne, zamazeri hanaveti ke hu'ne, Anumzamofo asunku'zampina hanavetita maniho hu'ne ana vahera zamasmi'na'e.

Joni 1:9

Agra tamage msamo ama mopafi maka vahe remsa huzmentesigu egahie.

Luku 24:47

Vahe'mo'za Agri agifi, zamagu'a rukrahe hanageno, Anumzamo'a kefozazimi eritrezamantesia kea, Jerusale kumate erigafa hute'za, mika kokankoka vahete vugahaze.

Maki 16:15

Anage huteno, maka moparega vutma knare musenkea ome huama hutma, hakare vahera zmasamiho.

Matiu 28:19

E'ina hunegu kokankoka vutma, namage ante disaipol naga zmazeri retro hunezmanteta, Nefa agifine, Mofavre'amofo agifine, Ruotge Avamumofo agifi mono tina frenezamanteta,

Hibru 12:15

Anumzamofo asunkuzampintima evuramizankura ogava agava hiho. Atrenkeno tamarimpa hezamo'a, tamagu'afina akara heno hazenkezana avreno omena, anazantetira miko vahe'mo'za havizana osiho.

2 Timoti 4:17

Hianagi Ra Anumzamo onatreno nagrane mani'neno hanave nami'ne, ana higeno nagrama nehua nanekemo'a ama hnige'za, maka zamufga tga osu vahe'mo'za antahigahaze. Ananku huno nagrira nahoke aheno laionimofo agipintira navzu hutre'ne.

Kolosi 1:23

Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma knare musenkefinti antahi'naza zana otreho. Ana knare musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

Romu 10:18

Hu'neanagi nagra amanage hu'na nehue. Tamage Israeli vahe'mo'za ana nanenkea antahinafi? Izo zamagra antahi'naze. Anumzamofo avontafepi hu'neana, zmagenkemo'a ama mopamofona maka kaziga vuno eno hu'ne. Zamagri kemo'a maka kokankoka vuno eno hu'ne. (Sam-Zga 19:4)

Aposol 17:30

E'inahu hu'za zamagena hu'miza e'naza kna'a, Anumzamo'a agesa ontahi'ne, hagi menina agra miko kaziga vahera hankave nentake ke huno, tamagu'a rukarehe hiho huno hu'ne.

2 Timoti 1:10

Hianagi menia tzahu ne' Krais Jisasimpi eriama nehuno, fri'zana eri netreno, tasimu neramino ofri manivava mani'zana knare musenkeafi (gospol) eriama nehie.