Taitus 1:10 - Kamano

¹⁰ Na'ankure maka vahe'mo'za vugote'naza vahe kea ha' renente'za, rumokizmigu krunage nehu'za rezmatga nehzana Jiu nagama vene'ne zamufa tga nehaza naga'ene tragote'naza vahe'mo'za anara nehaze.

Anumzamofo Routage Avantafere

¹⁰ Na'ankure maka vahe'mo'za vugote'naza vahe kea ha' renezmante'za, rumokizmigu krunage nehu'za rezmatga nehazana Jiu naga'ma vene'ne zamufa taga nehaza naga'ene tragote'naza vahe'mo'za anara nehaze.

Taitus 1:10 Referans Kwoze

1 Timoti 1:6

Na'ankure mago'a rempihuzmi vahe'mo'za knare'zana agtere'za hazagre'za nevu'za, zamaza osugazanku havi naneke nehantagaze.

1 Joni 4:1

Ronenimote, vahe'mo'za maka avamuteti nehune hanaza zankura tamentinti osiho. Hianagi Anumzamofontegati ne-efi avame anteta keho. Na'ankure rama'a havige kasnampa vahera, ama mopafi vuno eno nehie.

Galesia 2:4

Hianagi havige mono nerafu'za mono vahekna hu'za atrumahumpi enefre'za, Kraisi Jisasimpi fruhuta mni'nonazana tavre'za korapa avu'avazampi kinarerante'naku efre'naze.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

Jemisi 1:26

Mago'moka mono vahe'mani'noe nehunka kagefu'na kegva osnanana, kagra'a regavatga hanankeno mono kamo'a amnezankna hugahie.

2 Timoti 3:13

Hianagi havi vahe'mo'zane krunage nehza vahemo'zanena, haviza nehaza zampintira agtere'za tusi'a havizampi ufregahaze. Vahe'ma rezmatga nehza'zantera, ana zanke hu'za zamagri'enena rezmatga hugahaze.

Aposol 11:2

Ana huteno Pita'a Jerusale kumate mrerino vige'za, zamufama tgahu (circumcised) zamentinti vahe'mo'za agriku ke hakare hunente'za,

Revalesen-Hufo Hu'ne 2:14

Hianagi Nagra osiazanku kea kagrikura huza hue, na'ankure mago'amo'za Baramu'ma rempima Barakima humino, Israeli vahema kumi hihogu zmazeri trakama hukema huno, havi anumzante kre sramna vuntenaza ne'za nene'za, monko avu'avazama hihoguma hu'neazana kagra antahinane.

Revalesen-Hufo Hu'ne 2:6

Hu'neanagi kagra amanahu nehane, Nikolasi avu'avama nevaririza vahe'mofo zmavu'zmavara kavesra hu'zmante'nane. Nagranena navesra hunezmantoa zmavu'zmava osu'nane.

1 Joni 2:18

Mofavre nagamote, hago vgare knafi one, ko'ma Kraisima huhaviza hunte havige anti Kraisi fore hugahie higetma antahi'naze. Menina Kraisima huhaviza hunte vahera havige anti Kraisi rama'a hago efore hu'naze. E'i anazama keta antahita nehuta, vgare knafi neone huta nehune.

2 Timoti 4:4

Tamage kea zamesra hunente'za agafa'a omne kere zamagu'a ante'za zamavririgahaze.

1 Timoti 1:4

havige hanaza kegu antahi zamige, korapa fore hu'nesia knihe kerera antahiozmiho. Na'ankure ana zamo'a hafra fore huno tmaza osina, Anumza'mofontegati erinaku tamentinti hanaza zana e'origahaze.

Galesia 3:1

Tamagra neginagi Galesia vahere, Nagra Jisasima rugeka zafare ahegeno fri'nea kea ko huama hugeta antahi'nazanagi, ina ne'mo antahintahitamia tamazeri savrira nehie?

Aposol 20:29

Nagrama tamatrena vanugeno'a amefiga, nagra antahi'noankino, mago'a afi' kra esaniazamo lama afu kevua zamazeri savri hugahie.

Aposol 15:1

Mago'a vahe'mo'za Judia kazigati e'za Antioku ehanati'za amanage hu'za amage' nentaza nagara rempi huzami'naze, Mosese hu'nea kere amage' antetma tamavufa taga hiho, anama osanutma tamahoke heno tamaza osugahie.

Aposol 15:24

Kema antahunkeno'a, mago'a vahe'mo'za tagripinti vu'za, huozmantenona ke ome tmasmi'za kemo'a, kna neramino antahintahitami tmazeri savari hu'naze.

1 Timoti 1:9

Hagi tagranena antahi'none kasegema tmi'neana fatgozama nehaza vahe'mokizmigure huno ozami'ne, Hagi kasegema ovariri'za ha'nentake nehu'za, Anumzamofo avu'ava nosu'za kumi' nehaza vahe'ene mani otage osu'za, otage huno mani'zanku huhavi'za nehu'za, nezmafano nezamrerano zamahe nefri'za, vahe zamahe nefri'za,

Taitus 1:6

Hanki mono kva vahe'ma zamazeri otisunka, hazenke'a omane, magoke a' ante'nesia vahe, mofavre zga'amo zamentinti nehina, ke amge'a nentesageno, mofavre zga'agu hazenke nehaze huza nosnia vahe azeri otio.

1 Joni 2:4

Aza'o huno Anumzamofona antahi'na ke'na hu'noe nehuno, kasege'a amage ontesimo'a, havige vahe mani'neakino, e'inahu vahepina tamage kemo'a agu'afina omanegahie.

Matiu 23:14

[Kva hiho, kasegere ugagota hu'naza vahe'ene, Farisi vahera tamagi'ari hutma tavre vahe mni'naze. Na'ankure tamarga kento a'nemokizmi havige hunezmanteta nozimine, mafka zazimine rezmatga hutma kumzafa erivganereta, kefo zama nehaza zantami refitenaku za'za nunamu nehaze. E'i ana'ma nehzagu tusi'a kna erigahaze.]