Romu 9:1 - Kamano

¹ Havigea nosuanki, Kraisimpi tamage hu'na nehue. Ruotage Avamumo ene nagu'a kenegena ama' nagunagesareti ama kea tamage nehue.

Anumzamofo Routage Avantafere

¹ Hagi havigea nosuanki, Kraisimpi tamage hu'na nehue. Ruotage Avamumo'ene nagu'a kenege'na ama' nagu'nagesareti ama kea tamage nehue.

Romu 9:1 Referans Kwoze

1 Timoti 2:7

Ana zanteku huno nagrira nazeri oti'ne, Anumzamofo mono naneke zamasmi'nena antahisnagu, nazeri oti'nea aposol ne'mo'na, nagra tamage nehue, havigea nosue. Zamufga tga osu vahe (gentiles) rempi huzminena zamentinti hu'za tamage nanekea antahihogu huama nehue.

Romu 1:9

Na'ankure Anumzamofoma nagra maka nagu'aretima eri'zama'a erinentena, Nemofo knare musenkema huama nehumo, tamagriku'ma nentahi'na nunamuma nehuazana, nageno antahino nehie.

Galesia 1:20

Nagrama amama kreneramuana, Anumzamofo avufina tamage hu'na reramatga nosue.

Filipai 1:8

Na'ankure Krais Jisasi asuragirmantea zankura, nagra tusi'za hu'na nagesa nentahuankino, Anumzamo nagrira huama hugahie.

2 Korinti 11:10

Tamage huno Kraisi tamage nanekemo nagu'afi me'nesigena, nagri'ma naza osazazankura Akaia kumate Grisi kaziga huama nehanuge'za, tagano hu'za huonantegahaze.

Romu 8:16

Ruotge Avamumo tagri avamura taza higeta huama huta, tagra Anumzamofo mofavre mani'none nehune.

1 Timoti 1:5

Hianagi tagrama rempi hune'zmuna zamofo agafa'a, zamesi nezmante'za zamagu'areti agru hu'ne'za, knare zamagu'zamagesareti zamentinti hugahaze.

1 Tesalonaika 2:5

Na'ankure tamagra ko antahi'nazageno huama hugahie. Tamagrira masavena noramita, mago zantamigura ke tanunu nehuta ama kea nosune.

2 Korinti 12:19

Tamagrama tamagesa antahizana, tagrikura zmagra'a ke erihanavetinaku nehaze hutma tamagesa nentahizafi? Tamage e'inahu tamagesa nentahizanagi, Anumzamofo avurera Kraisinku keaga nehuta tamagrima tamaza hanigeta hageta mrerisaza zanku tamavesi neramantona nerafugatagu nehune.

2 Korinti 1:12

Tagrama musema hunana, tamagra manuna knafina ama' tagutagesama tagu'afima e'nerita, hakareza hu'nazampi mni fatgo nehuta, ruotge huta nemnita, Anumzamofo so'e avu'avazante nemnita, ama mopafi antahizankura nontahize.

1 Timoti 5:21

Anumzamofo avufine, Krais Jisasi avufine, huhampri zamante'nea ankero vahe'zmufi kasamuanki, ama nanekea amage' antenka vahera refko osunka, mago zanke hunka zamesi zamanto.

2 Korinti 11:31

Anumza Rantimofo Jisasi Nefa antahinege'na tamage nehuankino, ra agia erivava hugahie.

2 Korinti 1:23

Hianagi, Anumzamoke nagri nagu'namena keno antahino hu'ne. Nagra tamage nehuankino Anumzamoke ana tamage keni'a refko hunantegahie. Ana agafare Korinti kumatera mago'ane ome'noe, na'ankure nagra hanave kefinti eme tamazeri fatgo osugahue.

Romu 2:15

E'inahuma hazazamo zamagrira Anumzamofo kasegema zamagu'afi krenteneana erinteama nehaze. Ana hu'negu zamagra zamagu'afi nentahizageno, antahintahiza'zmimo zmasamino, knare'za nehazanki haviza nehaze huno nezmasamie.

Romu 9:2

Tusi'a nasuza enerugeno, tumo niamo'a nata krivava nehie.